قازاقستان رەسپۋبليكاسىنىڭ زاڭى № 88-V قرز
سەنبى, 20 ءساۋىر 2013 0:10
مەملەكەتتىك كورسەتىلەتىن قىزمەتتەر تۋرالى
وسى زاڭ مەملەكەتتىك قىزمەتتەر كورسەتۋ سالاسىنداعى قوعامدىق قاتىناستاردى رەتتەيدى.
1-تاراۋ. جالپى ەرەجەلەر
1-باپ. وسى زاڭدا پايدالانىلاتىن نەگىزگى ۇعىمدار
وسى زاڭدا مىناداي نەگىزگى ۇعىمدار پايدالانىلادى:
1) اقپاراتتاندىرۋ سالاسىنداعى ۋاكىلەتتى ورگان – اقپاراتتاندىرۋ جانە «ەلەكتروندىق ۇكىمەت» سالاسىنداعى باسشىلىقتى جۇزەگە اسىراتىن ورتالىق مەملەكەتتىك ورگان;
2) «ءبىر تەرەزە» قاعيداتى – مەملەكەتتىك قىزمەتتى ورتالىقتاندىرىپ كورسەتۋدىڭ مەملەكەتتىك قىزمەتتەر كورسەتۋ كەزىندە كورسەتىلەتىن قىزمەتتى الۋشىنىڭ قۇجاتتاردى جيناۋ مەن دايىنداۋعا بارىنشا از قاتىسۋىن جانە ونىڭ كورسەتىلەتىن قىزمەتتى بەرۋشىلەرمەن تىكەلەي بايلانىسىن شەكتەۋدى كوزدەيتىن نىسانى;
سەنبى, 20 ءساۋىر 2013 0:10
مەملەكەتتىك كورسەتىلەتىن قىزمەتتەر تۋرالى
وسى زاڭ مەملەكەتتىك قىزمەتتەر كورسەتۋ سالاسىنداعى قوعامدىق قاتىناستاردى رەتتەيدى.
1-تاراۋ. جالپى ەرەجەلەر
1-باپ. وسى زاڭدا پايدالانىلاتىن نەگىزگى ۇعىمدار
وسى زاڭدا مىناداي نەگىزگى ۇعىمدار پايدالانىلادى:
1) اقپاراتتاندىرۋ سالاسىنداعى ۋاكىلەتتى ورگان – اقپاراتتاندىرۋ جانە «ەلەكتروندىق ۇكىمەت» سالاسىنداعى باسشىلىقتى جۇزەگە اسىراتىن ورتالىق مەملەكەتتىك ورگان;
2) «ءبىر تەرەزە» قاعيداتى – مەملەكەتتىك قىزمەتتى ورتالىقتاندىرىپ كورسەتۋدىڭ مەملەكەتتىك قىزمەتتەر كورسەتۋ كەزىندە كورسەتىلەتىن قىزمەتتى الۋشىنىڭ قۇجاتتاردى جيناۋ مەن دايىنداۋعا بارىنشا از قاتىسۋىن جانە ونىڭ كورسەتىلەتىن قىزمەتتى بەرۋشىلەرمەن تىكەلەي بايلانىسىن شەكتەۋدى كوزدەيتىن نىسانى;
3) كورسەتىلەتىن قىزمەتتى الۋشى – ورتالىق مەملەكەتتىك ورگانداردى, قازاقستان رەسپۋبليكاسىنىڭ شەتەلدەگى مەكەمەلەرىن, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارىن, قالاداعى اۋدانداردىڭ, اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ اكىمدەرىن قوسپاعاندا, جەكە جانە زاڭدى تۇلعالار;
4) كورسەتىلەتىن قىزمەتتى بەرۋشى – قازاقستان رەسپۋبليكاسىنىڭ زاڭناماسىنا سايكەس مەملەكەتتىك قىزمەتتەر كورسەتەتىن ورتالىق مەملەكەتتىك ورگاندار, قازاقستان رەسپۋبليكاسىنىڭ شەتەلدەگى مەكەمەلەرى, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارى, قالاداعى اۋدانداردىڭ, اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ اكىمدەرى, سونداي-اق جەكە جانە زاڭدى تۇلعالار;
5) مەملەكەتتىك كورسەتىلەتىن قىزمەت – كورسەتىلەتىن قىزمەتتى الۋشىلاردىڭ ءوتىنىشى بويىنشا جەكە تارتىپپەن جۇزەگە اسىرىلاتىن جانە ولاردىڭ قۇقىقتارىن, بوستاندىقتارى مەن زاڭدى مۇددەلەرىن ىسكە اسىرۋعا, ولارعا ءتيىستى ماتەريالدىق نەمەسە ماتەريالدىق ەمەس يگىلىكتەر بەرۋگە باعىتتالعان جەكەلەگەن مەملەكەتتىك فۋنكتسيالاردى ىسكە اسىرۋ نىساندارىنىڭ ءبىرى;
6) مەملەكەتتىك كورسەتىلەتىن قىزمەت رەگلامەنتى – مەملەكەتتىك كورسەتىلەتىن قىزمەت ستاندارتىن ساقتاۋ جونىندەگى تالاپتاردى بەلگىلەيتىن جانە كورسەتىلەتىن قىزمەتتى بەرۋشىلەر قىزمەتىنىڭ ءتارتىبىن, ونىڭ ىشىندە مەملەكەتتىك قىزمەتتەر كورسەتۋ پروتسەسىندە وزگە دە كورسەتىلەتىن قىزمەتتى بەرۋشىلەرمەن, حالىققا قىزمەت كورسەتۋ ورتالىقتارىمەن ءوزارا ءىس-قيمىل, سونداي-اق اقپاراتتىق جۇيەلەردى پايدالانۋ ءتارتىبىن ايقىندايتىن نورماتيۆتىك قۇقىقتىق اكت;
7) مەملەكەتتىك كورسەتىلەتىن قىزمەت ستاندارتى – مەملەكەتتىك قىزمەت كورسەتۋگە قويىلاتىن تالاپتاردى بەلگىلەيتىن, سونداي-اق مەملەكەتتىك قىزمەت كورسەتۋ پروتسەسىنىڭ, نىسانىنىڭ سيپاتتامالارىن, مازمۇنىن جانە ناتيجەسىن قامتيتىن نورماتيۆتىك قۇقىقتىق اكت;
8) مەملەكەتتىك كورسەتىلەتىن قىزمەتتەر ءتىزىلىمى – مەملەكەتتىك كورسەتىلەتىن قىزمەتتەردىڭ سىنىپتالعان تىزبەسى;
9) مەملەكەتتىك قىزمەتتەر كورسەتۋ ماسەلەلەرى جونىندەگى بىرىڭعاي بايلانىس ورتالىعى – كورسەتىلەتىن قىزمەتتى الۋشىلارعا مەملەكەتتىك قىزمەتتەر كورسەتۋ ماسەلەلەرى بويىنشا اقپارات ۇسىنۋ جونىندەگى جۇمىستى قامتاماسىز ەتەتىن اقپاراتتىق-انىقتامالىق قىزمەت;
10) مەملەكەتتىك قىزمەتتەر كورسەتۋ مونيتورينگىنىڭ اقپاراتتىق جۇيەسى – مەملەكەتتىك قىزمەتتەر كورسەتۋ, ونىڭ ىشىندە حالىققا قىزمەت كورسەتۋ ورتالىقتارى ارقىلى كورسەتۋ پروتسەسىن اۆتوماتتاندىرۋعا جانە مونيتورينگىلەۋگە ارنالعان اقپاراتتىق جۇيە;
11) مەملەكەتتىك قىزمەتتەر كورسەتۋ ساپاسىنىڭ قوعامدىق مونيتورينگى – جەكە تۇلعالاردىڭ, كوممەرتسيالىق ەمەس ۇيىمداردىڭ مەملەكەتتىك قىزمەتتەر كورسەتۋ ساپاسىنىڭ دەڭگەيى تۋرالى اقپاراتتى جيناۋ, تالداۋ جانە ۇسىنىمداردى تۇجىرىمداۋ جونىندەگى قىزمەتى;
12) مەملەكەتتىك قىزمەتتەر كورسەتۋ ساپاسىن باعالاۋ – كورسەتىلەتىن قىزمەتتى الۋشىلاردى ورتالىق مەملەكەتتىك ورگاندار, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارى, قالاداعى اۋدانداردىڭ, اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ اكىمدەرى كورسەتەتىن قولجەتىمدى جانە ساپالى مەملەكەتتىك كورسەتىلەتىن قىزمەتتەرمەن قامتاماسىز ەتۋ بويىنشا شارالاردىڭ تيىمدىلىگىن ايقىنداۋ جونىندەگى قىزمەت;
13) مەملەكەتتىك قىزمەتتەر كورسەتۋ ساپاسىن باقىلاۋ – ورتالىق مەملەكەتتىك ورگانداردىڭ, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارىنىڭ, قالاداعى اۋداندار, اۋداندىق ماڭىزى بار قالالار, كەنتتەر, اۋىلدار, اۋىلدىق وكرۋگتەر اكىمدەرىنىڭ قازاقستان رەسپۋبليكاسىنىڭ مەملەكەتتىك قىزمەتتەر كورسەتۋ سالاسىنداعى زاڭناماسىن ساقتاۋىن تەكسەرۋ جانە مونيتورينگىلەۋ جونىندەگى قىزمەت;
14) مەملەكەتتىك قىزمەتتەر كورسەتۋ ساپاسىن باعالاۋ جانە باقىلاۋ جونىندەگى ۋاكىلەتتى ورگان – ءوز قۇزىرەتى شەگىندە مەملەكەتتىك قىزمەتتەر كورسەتۋ ساپاسىن باعالاۋ جانە باقىلاۋ جونىندەگى قىزمەتتى جۇزەگە اسىراتىن ورتالىق مەملەكەتتىك ورگان;
15) مەملەكەتتىك قىزمەت كورسەتۋ پروتسەسىن اۆتوماتتاندىرۋ – ەلەكتروندىق نىساندا مەملەكەتتىك قىزمەت كورسەتۋدى قامتاماسىز ەتۋ ءۇشىن كورسەتىلەتىن قىزمەتتى بەرۋشىنىڭ اكىمشىلىك پروتسەستەرىن تۇرلەندىرۋ ءراسىمى;
16) مەملەكەتتىك قىزمەت كورسەتۋ پروتسەسىن وڭتايلاندىرۋ – مەملەكەتتىك قىزمەت كورسەتۋ پروتسەسىن وڭايلاتۋعا, مەملەكەتتىك قىزمەت كورسەتۋ مەرزىمىن, كورسەتىلەتىن قىزمەتتى الۋشىلار ۇسىناتىن قۇجاتتاردىڭ تىزبەسىن, سونداي-اق ونى كورسەتۋ پروتسەسىنىڭ بۋىندارىن قىسقارتۋعا, ونىڭ ىشىندە اۆتوماتتاندىرۋ ارقىلى قىسقارتۋعا باعىتتالعان ءىس-شارا;
17) مەملەكەتتىك قىزمەتتەر كورسەتۋ سالاسىنداعى ۋاكىلەتتى ورگان – مەملەكەتتىك قىزمەتتەر كورسەتۋ سالاسىنداعى باسشىلىقتى جانە سالاارالىق ۇيلەستىرۋدى جۇزەگە اسىراتىن ورتالىق مەملەكەتتىك ورگان;
18) حالىققا قىزمەت كورسەتۋ ورتالىعى – قازاقستان رەسپۋبليكاسىنىڭ زاڭناماسىنا سايكەس «ءبىر تەرەزە» قاعيداتى بويىنشا مەملەكەتتىك قىزمەتتەر كورسەتۋگە وتىنىشتەر قابىلداۋ جانە ولاردىڭ ناتيجەلەرىن كورسەتىلەتىن قىزمەتتى الۋشىعا بەرۋ جونىندەگى جۇمىستى ۇيىمداستىرۋدى جۇزەگە اسىراتىن, سونداي-اق اقپاراتتىق جۇيەلەردەن مالىمەتتەر الۋ ارقىلى ەلەكتروندىق نىساندا مەملەكەتتىك قىزمەتتەر كورسەتۋدى قامتاماسىز ەتەتىن زاڭدى تۇلعا;
19) «ەلەكتروندىق ۇكىمەتتىڭ» ۆەب-پورتالى – نورماتيۆتىك قۇقىقتىق بازانى قوسا العاندا, بۇكىل شوعىرلاندىرىلعان ۇكىمەتتىك اقپاراتقا جانە ەلەكتروندىق نىساندا كورسەتىلەتىن مەملەكەتتىك قىزمەتتەرگە قول جەتكىزۋدىڭ بىرىڭعاي تەرەزەسى بولاتىن اقپاراتتىق جۇيە.
2-باپ. قازاقستان رەسپۋبليكاسىنىڭ مەملەكەتتىك قىزمەتتەر كورسەتۋ سالاسىنداعى زاڭناماسى
1. قازاقستان رەسپۋبليكاسىنىڭ مەملەكەتتىك قىزمەتتەر كورسەتۋ سالاسىنداعى زاڭناماسى قازاقستان رەسپۋبليكاسىنىڭ كونستيتۋتسياسىنا نەگىزدەلەدى, وسى زاڭنان جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنەن تۇرادى.
2. ەگەر قازاقستان رەسپۋبليكاسى راتيفيكاتسيالاعان حالىقارالىق شارتتا وسى زاڭدا قامتىلعاننان وزگەشە قاعيدالار بەلگىلەنسە, وندا حالىقارالىق شارتتىڭ قاعيدالارى قولدانىلادى.
3-باپ. مەملەكەتتىك قىزمەتتەر كورسەتۋدىڭ نەگىزگى قاعيداتتارى
مەملەكەتتىك قىزمەتتەر مىناداي نەگىزگى قاعيداتتار نەگىزىندە كورسەتىلەدى:
كورسەتىلەتىن قىزمەتتى الۋشىلاردىڭ تەگiنە, الەۋمەتتiك, لاۋازىمدىق جانە مۇلiكتiك جاعدايىنا, جىنىسىنا, ناسiلiنە, ۇلتىنا, تiلiنە, دiنگە كوزقاراسىنا, نانىمىنا, تۇرعىلىقتى جەرiنە بايلانىستى نەمەسە كەز كەلگەن وزگە جاعداياتتار بويىنشا قانداي دا ءبىر كەمسىتۋشىلىكسىز تەڭدەي قول جەتكىزۋى;
مەملەكەتتىك قىزمەتتەر كورسەتۋ كەزىندە تورەشىلدىك پەن سوزبۇيدالىق كورىنىستەرىنە جول بەرمەۋ;
مەملەكەتتىك قىزمەتتەر كورسەتۋ سالاسىنداعى ەسەپ بەرۋشىلىك جانە اشىقتىق;
مەملەكەتتىك كورسەتىلەتىن قىزمەتتەردىڭ ساپاسى مەن قولجەتىمدىلىگى;
مەملەكەتتىك قىزمەتتەر كورسەتۋ پروتسەسىن ۇنەمى جەتىلدىرۋ;
مەملەكەتتىك قىزمەتتەر كورسەتۋ كەزىندەگى ۇنەمدىلىك جانە تيىمدىلىك.
4-باپ. كورسەتىلەتىن قىزمەتتى الۋشىلاردىڭ قۇقىقتارى
1. كورسەتىلەتىن قىزمەتتى الۋشىلاردىڭ:
1) مەملەكەتتىك كورسەتىلەتىن قىزمەت تۋرالى تولىق جانە انىق اقپارات الۋعا;
2) مەملەكەتتىك كورسەتىلەتىن قىزمەت ستاندارتىنا سايكەس مەملەكەتتىك كورسەتىلەتىن قىزمەتتى الۋعا;
3) ورتالىق مەملەكەتتىك ورگاننىڭ, وبلىستىڭ, رەسپۋبليكالىق ماڭىزى بار قالانىڭ, استانانىڭ, اۋداننىڭ, وبلىستىق ماڭىزى بار قالانىڭ جەرگىلىكتى اتقارۋشى ورگانىنىڭ, قالاداعى اۋدان, اۋداندىق ماڭىزى بار قالا, كەنت, اۋىل, اۋىلدىق وكرۋگ اكىمىنىڭ, سونداي-اق كورسەتىلەتىن قىزمەتتى بەرۋشىنىڭ جانە (نەمەسە) ولاردىڭ لاۋازىمدى ادامدارىنىڭ, حالىققا قىزمەت كورسەتۋ ورتالىقتارىنىڭ جانە (نەمەسە) ولاردىڭ قىزمەتكەرلەرىنىڭ مەملەكەتتىك قىزمەتتەر كورسەتۋ ماسەلەلەرى بويىنشا شەشىمدەرىنە, ارەكەتتەرىنە (ارەكەتسىزدىگىنە) قازاقستان رەسپۋبليكاسىنىڭ زاڭنامالىق اكتىلەرىندە بەلگىلەنگەن تارتىپپەن شاعىمدانۋعا;
4) قازاقستان رەسپۋبليكاسىنىڭ زاڭناماسىنا سايكەس مەملەكەتتىك كورسەتىلەتىن قىزمەتتى قاعاز جانە (نەمەسە) ەلەكتروندىق نىساندا الۋعا;
5) وسى زاڭنىڭ 15-بابىندا كوزدەلگەن تارتىپپەن مەملەكەتتىك كورسەتىلەتىن قىزمەتتەر ستاندارتتارىنىڭ جوبالارىن جاريا تالقىلاۋلارعا قاتىسۋعا;
6) مەملەكەتتىك قىزمەتتەر كورسەتۋ سالاسىندا بۇزىلعان قۇقىقتاردى, بوستاندىقتار مەن زاڭدى مۇددەلەردى قورعاۋ تۋرالى تالاپ ارىزبەن سوتقا جۇگىنۋگە قۇقىعى بار.
2. ەگەر قازاقستان رەسپۋبليكاسىنىڭ زاڭدارىندا وزگەشە كوزدەلمەسە, شەتەلدىكتەر, ازاماتتىعى جوق ادامدار جانە شەتەلدىك زاڭدى تۇلعالار مەملەكەتتىك كورسەتىلەتىن قىزمەتتەردى قازاقستان رەسپۋبليكاسىنىڭ ازاماتتارىمەن جانە زاڭدى تۇلعالارىمەن تەڭ جاعدايدا الادى.
5-باپ. كورسەتىلەتىن قىزمەتتى بەرۋشىلەردىڭ قۇقىقتارى مەن مىندەتتەرى
1. كورسەتىلەتىن قىزمەتتى بەرۋشىلەردىڭ:
1) ورتالىق مەملەكەتتىك ورگاندارعا, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارىنا, قالاداعى اۋدانداردىڭ, اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ اكىمدەرىنە مەملەكەتتىك قىزمەتتەر كورسەتۋگە قاجەتتى اقپارات ءۇشىن سۇراۋ سالۋمەن جۇگىنۋگە;
2) قازاقستان رەسپۋبليكاسىنىڭ زاڭدارىندا بەلگىلەنگەن جاعدايلاردا جانە نەگىزدەر بويىنشا مەملەكەتتىك قىزمەتتەر كورسەتۋدەن باس تارتۋعا قۇقىعى بار.
2. كورسەتىلەتىن قىزمەتتى بەرۋشىلەر:
1) مەملەكەتتىك كورسەتىلەتىن قىزمەتتەر ستاندارتتارى مەن رەگلامەنتتەرىنە سايكەس مەملەكەتتىك قىزمەتتەر كورسەتۋگە;
2) مۇمكىندىگى شەكتەۋلى ادامداردىڭ مەملەكەتتىك كورسەتىلەتىن قىزمەتتەردى الۋى كەزىندە ولارعا قاجەتتى جاعدايلار جاساۋعا;
3) كورسەتىلەتىن قىزمەتتى الۋشىلارعا مەملەكەتتىك قىزمەتتەر كورسەتۋ ءتارتىبى تۋرالى قولجەتىمدى نىساندا تولىق جانە انىق اقپارات ۇسىنۋعا;
4) ورتالىق مەملەكەتتىك ورگاندارعا, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارىنا, قالاداعى اۋدانداردىڭ, اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ اكىمدەرىنە, وزگە دە كورسەتىلەتىن قىزمەتتى بەرۋشىلەرگە, حالىققا قىزمەت كورسەتۋ ورتالىقتارىنا قازاقستان رەسپۋبليكاسىنىڭ زاڭناماسىنا سايكەس مەملەكەتتىك قىزمەتتەردى كورسەتۋ, ونىڭ ىشىندە اقپاراتتىق جۇيەلەردى ينتەگراتسيالاۋ ارقىلى كورسەتۋ ءۇشىن قاجەتتى قۇجاتتار مەن اقپاراتتى ۇسىنۋعا;
5) مەملەكەتتىك كورسەتىلەتىن قىزمەت ستاندارتىندا بەلگىلەنگەن مەملەكەتتىك قىزمەت كورسەتۋ مەرزىمى وتكەنگە دەيىن ءبىر تاۋلىكتەن كەشىكتىرمەي حالىققا قىزمەت كورسەتۋ ورتالىعى ارقىلى كورسەتىلەتىن مەملەكەتتىك قىزمەت ناتيجەسىن حالىققا قىزمەت كورسەتۋ ورتالىعىنا جىبەرۋگە;
6) مەملەكەتتىك قىزمەتتەر كورسەتۋ سالاسىنداعى قىزمەتكەرلەردىڭ بىلىكتىلىگىن ارتتىرۋعا;
7) كورسەتىلەتىن قىزمەتتى الۋشىلاردىڭ شاعىمدارىن وسى زاڭدا بەلگىلەنگەن مەرزىمدەردە قاراۋعا جانە ولاردى قاراۋ ناتيجەلەرى تۋرالى حاباردار ەتۋگە;
8) كورسەتىلەتىن قىزمەتتى الۋشىلاردىڭ سۇراۋ سالۋى بويىنشا مەملەكەتتىك كورسەتىلەتىن قىزمەتتىڭ ورىندالۋ ساتىسى تۋرالى حاباردار ەتۋگە;
9) كورسەتىلەتىن قىزمەتتى الۋشىلاردىڭ بۇزىلعان قۇقىقتارىن, بوستاندىقتارى مەن زاڭدى مۇددەلەرىن قالپىنا كەلتىرۋگە باعىتتالعان شارالاردى قولدانۋعا;
10) مەملەكەتتىك قىزمەتتەر كورسەتۋ ءۇشىن قاجەتتى مالىمەتتەردى قامتيتىن اقپاراتتىق جۇيەلەردىڭ ىركىلىسسىز جۇمىس ىستەۋىن قامتاماسىز ەتۋگە;
11) مەملەكەتتىك قىزمەت كورسەتۋ ساتىسى تۋرالى دەرەكتەردى مەملەكەتتىك قىزمەتتەر كورسەتۋ مونيتورينگىنىڭ اقپاراتتىق جۇيەسىنە اقپاراتتاندىرۋ سالاسىنداعى ۋاكىلەتتى ورگان بەلگىلەگەن تارتىپپەن ەنگىزۋدى قامتاماسىز ەتۋگە;
12) ەگەر قازاقستان رەسپۋبليكاسىنىڭ زاڭدارىندا وزگەشە كوزدەلمەسە, مەملەكەتتىك قىزمەتتەر كورسەتۋ كەزىندە اقپاراتتىق جۇيەلەردە قامتىلعان, زاڭمەن قورعالاتىن قۇپيانى قۇرايتىن مالىمەتتەردى پايدالانۋعا كورسەتىلەتىن قىزمەتتى الۋشىنىڭ جازباشا كەلىسىمىن الۋعا مىندەتتى.
كورسەتىلەتىن قىزمەتتى الۋشىلاردان اقپاراتتىق جۇيەلەردەن الىنۋى مۇمكىن قۇجاتتاردى تالاپ ەتۋگە جول بەرىلمەيدى.
2-تاراۋ. مەملەكەتتىك قىزمەتتەر كورسەتۋ سالاسىنداعى
مەملەكەتتىك رەتتەۋ
6-باپ. قازاقستان رەسپۋبليكاسى ۇكىمەتىنىڭ مەملەكەتتىك قىزمەتتەر
كورسەتۋ سالاسىنداعى قۇزىرەتى
قازاقستان رەسپۋبليكاسىنىڭ ۇكىمەتى:
1) مەملەكەتتىك قىزمەتتەر كورسەتۋ سالاسىنداعى مەملەكەتتىك ساياساتتىڭ نەگىزگى باعىتتارىن ازىرلەيدى جانە ولاردىڭ جۇزەگە اسىرىلۋىن ۇيىمداستىرادى;
2) مەملەكەتتىك كورسەتىلەتىن قىزمەتتەر ءتىزىلىمىن بەكىتەدى;
3) مەملەكەتتىك كورسەتىلەتىن قىزمەتتەر ستاندارتتارىن بەكىتەدى;
4) مەملەكەتتىك كورسەتىلەتىن قىزمەتتەر ءتىزىلىمىن جۇرگىزۋ قاعيدالارىن بەكىتەدى;
5) وڭتايلاندىرۋعا جانە اۆتوماتتاندىرۋعا جاتاتىن مەملەكەتتىك كورسەتىلەتىن قىزمەتتەر تىزبەسىن جانە ولاردى ەلەكتروندىق نىسانعا اۋىستىرۋ مەرزىمدەرىن بەكىتەدى;
6) حالىققا قىزمەت كورسەتۋ ورتالىقتارى ارقىلى كورسەتىلۋگە جاتاتىن مەملەكەتتىك قىزمەتتەردى ىرىكتەۋ قاعيدالارىن بەكىتەدى;
7) مەملەكەتتىك قىزمەتتەر كورسەتۋ ماسەلەلەرى جونىندەگى بىرىڭعاي بايلانىس ورتالىعىنىڭ ورتالىق مەملەكەتتىك ورگاندارمەن, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارىمەن, قالاداعى اۋدانداردىڭ, اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ اكىمدەرىمەن, سونداي-اق كورسەتىلەتىن قىزمەتتى بەرۋشىلەرمەن ءوزارا ءىس-قيمىل قاعيدالارىن بەكىتەدى;
8) ءبىر ءوتىنىش نەگىزىندە ەلەكتروندىق نىساندا كورسەتىلەتىن مەملەكەتتىك قىزمەتتەردىڭ تىزبەسىن بەكىتەدى;
9) مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ قاعيدالارىن بەكىتەدى;
10) قازاقستان رەسپۋبليكاسىنىڭ كونستيتۋتسياسىمەن, وسى زاڭىمەن, وزگە دە زاڭدارىمەن جانە قازاقستان رەسپۋبليكاسى پرەزيدەنتىنىڭ اكتىلەرىمەن وزىنە جۇكتەلگەن وزگە دە فۋنكتسيالاردى ورىندايدى.
7-باپ. مەملەكەتتىك قىزمەتتەر كورسەتۋ ساپاسىن باعالاۋ جانە باقىلاۋ جونىندەگى ۋاكىلەتتى ورگاننىڭ قۇزىرەتى
مەملەكەتتىك قىزمەتتەر كورسەتۋ ساپاسىن باعالاۋ جانە باقىلاۋ جونىندەگى ۋاكىلەتتى ورگان:
1) ءوز قۇزىرەتى شەگىندە مەملەكەتتىك قىزمەتتەر كورسەتۋ سالاسىنداعى مەملەكەتتىك ساياساتتىڭ ىسكە اسىرىلۋىن قامتاماسىز ەتەدى;
2) مەملەكەتتىك قىزمەتتەر كورسەتۋ ساپاسىن باقىلاۋدى جۇزەگە اسىرادى;
3) مەملەكەتتىك قىزمەتتەر كورسەتۋ ساپاسىن باقىلاۋ قاعيدالارىن ازىرلەيدى جانە بەكىتەدى;
4) مەملەكەتتىك قىزمەتتەر كورسەتۋ ساپاسىن ىشكى باقىلاۋ ناتيجەلەرى تۋرالى اقپارات سۇراتادى;
5) اقپاراتتاندىرۋ سالاسىنداعى ۋاكىلەتتى ورگانمەن كەلىسۋ بويىنشا مەملەكەتتىك قىزمەتتەر كورسەتۋ ساپاسىن باعالاۋ ادىستەمەسىن ازىرلەيدى جانە بەكىتەدى;
6) مەملەكەتتىك قىزمەتتەر كورسەتۋ ساپاسىنا قوعامدىق مونيتورينگ جۇرگىزۋ جونىندەگى مەملەكەتتىك الەۋمەتتىك تاپسىرىستى قالىپتاستىرۋدى جانە ىسكە اسىرۋدى جۇزەگە اسىرادى;
7) جەكە تۇلعالارمەن, كوممەرتسيالىق ەمەس ۇيىمدارمەن مەملەكەتتىك قىزمەتتەر كورسەتۋ ماسەلەلەرى بويىنشا ءوزارا ءىس-قيمىل جانە ىنتىماقتاستىق جونىندەگى قوعامدىق كەڭەستەردى قۇرادى;
8) جەكە تۇلعالارعا جانە كوممەرتسيالىق ەمەس ۇيىمدارعا مەملەكەتتىك قىزمەتتەر كورسەتۋ ساپاسىنا قوعامدىق مونيتورينگ جۇرگىزۋ جونىندە اقپاراتتىق, كونسۋلتاتسيالىق, ادىستەمەلىك قولداۋ كورسەتەدى;
9) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ اكتىلەرىندە كوزدەلگەن وزگە دە فۋنكتسيالاردى جۇزەگە اسىرادى.
8-باپ. مەملەكەتتىك قىزمەتتەر كورسەتۋ سالاسىنداعى ۋاكىلەتتى ورگاننىڭ قۇزىرەتى
مەملەكەتتىك قىزمەتتەر كورسەتۋ سالاسىنداعى ۋاكىلەتتى ورگان:
1) مەملەكەتتىك قىزمەتتەر كورسەتۋ سالاسىنداعى مەملەكەتتىك ساياساتتىڭ ىسكە اسىرىلۋىن قامتاماسىز ەتەدى;
2) مەملەكەتتىك كورسەتىلەتىن قىزمەتتەر ءتىزىلىمىن جۇرگىزۋ قاعيدالارىن ازىرلەيدى;
3) مەملەكەتتىك كورسەتىلەتىن قىزمەتتەر ءتىزىلىمىن ازىرلەۋدى جانە جۇرگىزۋدى جۇزەگە اسىرادى;
4) اقپاراتتاندىرۋ سالاسىنداعى ۋاكىلەتتى ورگانمەن كەلىسۋ بويىنشا مەملەكەتتىك كورسەتىلەتىن قىزمەتتەر ستاندارتتارى مەن رەگلامەنتتەرىن ازىرلەۋ جونىندەگى قاعيدالاردى ازىرلەيدى جانە بەكىتەدى;
5) مەملەكەتتىك كورسەتىلەتىن قىزمەتتەر ستاندارتتارىنىڭ جوبالارىن كەلىسۋدى جۇزەگە اسىرادى;
6) ورتالىق مەملەكەتتىك ورگانداردىڭ, وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارىنىڭ مەملەكەتتىك كورسەتىلەتىن قىزمەتتەر ستاندارتتارىن جانە (نەمەسە) رەگلامەنتتەرىن ازىرلەۋ جونىندەگى قىزمەتىنە مونيتورينگ جۇرگىزەدى;
7) مەملەكەتتىك كورسەتىلەتىن قىزمەتتىڭ قۇنىن ايقىنداۋ ادىستەمەسىن ازىرلەيدى جانە بەكىتەدى;
8) ورتالىق مەملەكەتتىك ورگانداردىڭ, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارىنىڭ, قالاداعى اۋداندار, اۋداندىق ماڭىزى بار قالالار, كەنتتەر, اۋىلدار, اۋىلدىق وكرۋگتەر اكىمدەرىنىڭ مەملەكەتتىك قىزمەتتەر كورسەتۋ ماسەلەلەرى جونىندەگى قىزمەتى ەسەبىنىڭ قالىپتاستىرىلۋ ءتارتىبىن, ۇسىنىلۋ مەرزىمدەرىن جانە ۇلگى نىسانىن ازىرلەپ, بەكىتەدى;
9) مەملەكەتتىك كورسەتىلەتىن قىزمەتتەر ستاندارتتارىن جەتىلدىرۋ جونىندە ۇسىنىستار ازىرلەيدى;
10) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
9-باپ. اقپاراتتاندىرۋ سالاسىنداعى ۋاكىلەتتى ورگاننىڭ قۇزىرەتى
اقپاراتتاندىرۋ سالاسىنداعى ۋاكىلەتتى ورگان:
1) ءوز قۇزىرەتى شەگىندە مەملەكەتتىك قىزمەتتەر كورسەتۋ سالاسىنداعى مەملەكەتتىك ساياساتتىڭ ىسكە اسىرىلۋىن قامتاماسىز ەتەدى;
2) حالىققا قىزمەت كورسەتۋ ورتالىقتارى قىزمەتىنىڭ قاعيدالارىن ازىرلەيدى جانە بەكىتەدى;
3) حالىققا قىزمەت كورسەتۋ ورتالىقتارى ارقىلى كورسەتىلۋگە جاتاتىن مەملەكەتتىك قىزمەتتەردى ىرىكتەۋ قاعيدالارىن ازىرلەيدى;
4) حالىققا قىزمەت كورسەتۋ ورتالىقتارىنىڭ قىزمەتىن ۇيىمداستىرۋدى جۇزەگە اسىرادى;
5) حالىققا قىزمەت كورسەتۋ ورتالىقتارىنىڭ قىزمەتىن جانە ولاردىڭ كورسەتىلەتىن قىزمەتتى بەرۋشىلەرمەن ءوزارا ءىس-قيمىلىن ۇيلەستىرەدى;
6) حالىققا قىزمەت كورسەتۋ ورتالىقتارىنىڭ قىزمەتىن ادىسنامالىق قامتاماسىز ەتۋدى جۇزەگە اسىرادى;
7) وڭتايلاندىرۋعا جانە اۆتوماتتاندىرۋعا جاتاتىن مەملەكەتتىك كورسەتىلەتىن قىزمەتتەر تىزبەسىن جانە ولاردى ەلەكتروندىق نىسانعا اۋىستىرۋ مەرزىمدەرىن ازىرلەيدى;
8) مەملەكەتتىك قىزمەتتەر كورسەتۋ ماسەلەلەرى ءجونىندەگى بىرىڭعاي بايلانىس ورتالىعىنىڭ جۇمىسىن ۇيىمداستىرادى جانە ۇيلەستىرەدى;
9) مەملەكەتتىك قىزمەتتەر كورسەتۋ ماسەلەلەرى جونىندەگى بىرىڭعاي بايلانىس ورتالىعى قىزمەتىنىڭ قاعيدالارىن ازىرلەيدى جانە بەكىتەدى;
10) مەملەكەتتىك قىزمەتتەر كورسەتۋ ماسەلەلەرى جونىندەگى بىرىڭعاي بايلانىس ورتالىعىنىڭ ورتالىق مەملەكەتتىك ورگاندارمەن, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارىمەن, قالاداعى اۋدانداردىڭ, اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ اكىمدەرىمەن, سونداي-اق كورسەتىلەتىن قىزمەتتى بەرۋشىلەرمەن ءوزارا ءىس-قيمىل قاعيدالارىن ازىرلەيدى;
11) مەملەكەتتىك قىزمەتتەر كورسەتۋدىڭ ەلەكتروندىق نىسانىن جانە (نەمەسە) حالىققا قىزمەت كورسەتۋ ورتالىقتارى ارقىلى مەملەكەتتىك قىزمەتتەر كورسەتۋدى كوزدەيتىن مەملەكەتتىك كورسەتىلەتىن قىزمەتتەر ستاندارتتارىنىڭ جوبالارىن كەلىسۋدى جۇزەگە اسىرادى;
12) ەلەكتروندىق نىساندا جانە (نەمەسە) حالىققا قىزمەت كورسەتۋ ورتالىقتارى ارقىلى كورسەتىلەتىن مەملەكەتتىك قىزمەتتەر ستاندارتتارىن جەتىلدىرۋ جونىندە ۇسىنىستار ازىرلەيدى;
13) مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ قاعيدالارىن ازىرلەيدى;
14) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
10-باپ. ورتالىق مەملەكەتتىك ورگانداردىڭ قۇزىرەتى
ورتالىق مەملەكەتتىك ورگاندار:
1) مەملەكەتتىك كورسەتىلەتىن قىزمەتتەر ستاندارتتارىن ازىرلەيدى;
2) مەملەكەتتىك كورسەتىلەتىن قىزمەتتەر رەگلامەنتتەرىن ازىرلەيدى جانە بەكىتەدى;
3) مەملەكەتتىك قىزمەتتەر كورسەتۋ ساپاسىن ارتتىرۋدى قامتاماسىز ەتەدى;
4) مەملەكەتتىك كورسەتىلەتىن قىزمەتتەر ستاندارتتارى مەن رەگلامەنتتەرىنىڭ قولجەتىمدىلىگىن قامتاماسىز ەتەدى;
5) كورسەتىلەتىن قىزمەتتى الۋشىلاردىڭ مەملەكەتتىك قىزمەتتەر كورسەتۋ ءتارتىبى تۋرالى حاباردار بولۋىن قامتاماسىز ەتەدى;
6) كورسەتىلەتىن قىزمەتتى الۋشىلاردىڭ مەملەكەتتىك قىزمەتتەر كورسەتۋ ماسەلەلەرى بويىنشا وتىنىشتەرىن قارايدى;
7) كورسەتىلەتىن قىزمەتتى الۋشىلاردىڭ بۇزىلعان قۇقىقتارىن, بوستاندىقتارى مەن زاڭدى مۇددەلەرىن قالپىنا كەلتىرۋگە باعىتتالعان شارالاردى قولدانادى;
8) مەملەكەتتىك قىزمەتتەر كورسەتۋ سالاسىنداعى قىزمەتكەرلەردىڭ بىلىكتىلىگىن ارتتىرۋدى قامتاماسىز ەتەدى;
9) اقپاراتتاندىرۋ سالاسىنداعى ۋاكىلەتتى ورگانمەن كەلىسۋ بويىنشا قازاقستان رەسپۋبليكاسىنىڭ زاڭناماسىنا سايكەس مەملەكەتتىك قىزمەتتەر كورسەتۋ پروتسەستەرىن وڭتايلاندىرۋ جانە اۆتوماتتاندىرۋ جونىندە شارالار قولدانادى;
10) مەملەكەتتىك قىزمەتتەر كورسەتۋ ساپاسىن باعالاۋ جانە باقىلاۋ جونىندەگى ۋاكىلەتتى ورگانعا مەملەكەتتىك قىزمەتتەر كورسەتۋ ساپاسىن باعالاۋدى جۇرگىزۋ ءۇشىن اقپاراتتىڭ, سونداي-اق مەملەكەتتىك قىزمەتتەر كورسەتۋ ساپاسىن ىشكى باقىلاۋ ناتيجەلەرى بويىنشا اقپاراتتىڭ قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جانە مەرزىمدەردە ۇسىنىلۋىن قامتاماسىز ەتەدى;
11) اقپاراتتاندىرۋ سالاسىنداعى ۋاكىلەتتى ورگانعا ەلەكتروندىق نىساندا كورسەتىلەتىن مەملەكەتتىك قىزمەتتەر ساپاسىن باعالاۋدى جۇرگىزۋ ءۇشىن اقپاراتتىڭ قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جانە مەرزىمدەردە ۇسىنىلۋىن قامتاماسىز ەتەدى;
12) ەگەر قازاقستان رەسپۋبليكاسىنىڭ زاڭناماسىندا وزگەشە كوزدەلمەسە, حالىققا قىزمەت كورسەتۋ ورتالىقتارىنا مەملەكەتتىك قىزمەتتەر كورسەتۋ ءۇشىن قاجەتتى مالىمەتتەردى قامتيتىن اقپاراتتىق جۇيەلەرگە قولجەتىمدىلىكتى ۇسىنادى;
13) مەملەكەتتىك قىزمەتتەر كورسەتۋ ماسەلەلەرى جونىندەگى بىرىڭعاي بايلانىس ورتالىعىنا مەملەكەتتىك قىزمەتتەر كورسەتۋ ءتارتىبى تۋرالى اقپارات ۇسىنادى;
14) قازاقستان رەسپۋبليكاسىنىڭ زاڭناماسىنا سايكەس مەملەكەتتىك قىزمەتتەر كورسەتۋ ساپاسىن ىشكى باقىلاۋدى جۇرگىزەدى;
15) كورسەتىلەتىن قىزمەتتى بەرۋشىلەردىڭ مەملەكەتتىك كورسەتىلەتىن قىزمەتتەر ستاندارتتارىن ساقتاۋىن قامتاماسىز ەتەدى;
16) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
11-باپ. وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارىنىڭ, قالاداعى اۋداندار, اۋداندىق ماڭىزى بار قالالار, كەنتتەر, اۋىلدار, اۋىلدىق وكرۋگتەر اكىمدەرىنىڭ قۇزىرەتى
وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارى, قالاداعى اۋدانداردىڭ, اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ اكىمدەرى:
1) ءتيىستى اكىمشىلىك-اۋماقتىق بىرلىكتىڭ اۋماعىندا مەملەكەتتىك قىزمەتتەر كورسەتۋ ساپاسىن ارتتىرۋدى قامتاماسىز ەتەدى;
2) مەملەكەتتىك كورسەتىلەتىن قىزمەتتەر ستاندارتتارى مەن رەگلامەنتتەرىنىڭ قولجەتىمدىلىگىن قامتاماسىز ەتەدى;
3) كورسەتىلەتىن قىزمەتتى الۋشىلاردىڭ مەملەكەتتىك قىزمەتتەر كورسەتۋ ءتارتىبى تۋرالى حاباردار بولۋىن قامتاماسىز ەتەدى;
4) كورسەتىلەتىن قىزمەتتى الۋشىلاردىڭ مەملەكەتتىك قىزمەتتەر كورسەتۋ ماسەلەلەرى بويىنشا وتىنىشتەرىن قارايدى;
5) كورسەتىلەتىن قىزمەتتى الۋشىلاردىڭ بۇزىلعان قۇقىقتارىن, بوستاندىقتارى مەن زاڭدى مۇددەلەرىن قالپىنا كەلتىرۋگە باعىتتالعان شارالاردى قولدانادى;
6) مەملەكەتتىك قىزمەتتەر كورسەتۋ سالاسىنداعى قىزمەتكەرلەردىڭ بىلىكتىلىگىن ارتتىرۋدى قامتاماسىز ەتەدى;
7) اقپاراتتاندىرۋ سالاسىنداعى ۋاكىلەتتى ورگانمەن كەلىسۋ بويىنشا قازاقستان رەسپۋبليكاسىنىڭ زاڭناماسىنا سايكەس مەملەكەتتىك قىزمەتتەر كورسەتۋ پروتسەستەرىن وڭتايلاندىرۋ جانە اۆتوماتتاندىرۋ جونىندە شارالار قولدانادى;
8) مەملەكەتتىك قىزمەتتەر كورسەتۋ ساپاسىن باعالاۋ جانە باقىلاۋ جونىندەگى ۋاكىلەتتى ورگانعا مەملەكەتتىك قىزمەتتەر كورسەتۋ ساپاسىن باعالاۋدى جۇرگىزۋ ءۇشىن اقپاراتتىڭ, سونداي-اق مەملەكەتتىك قىزمەتتەر كورسەتۋ ساپاسىن ىشكى باقىلاۋ ناتيجەلەرى بويىنشا اقپاراتتىڭ قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جانە مەرزىمدەردە ۇسىنىلۋىن قامتاماسىز ەتەدى;
9) اقپاراتتاندىرۋ سالاسىنداعى ۋاكىلەتتى ورگانعا ەلەكتروندىق نىساندا كورسەتىلەتىن مەملەكەتتىك قىزمەتتەر ساپاسىن باعالاۋدى جۇرگىزۋ ءۇشىن اقپاراتتىڭ قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جانە مەرزىمدەردە ۇسىنىلۋىن قامتاماسىز ەتەدى;
10) ەگەر قازاقستان رەسپۋبليكاسىنىڭ زاڭناماسىندا وزگەشە كوزدەلمەسە, حالىققا قىزمەت كورسەتۋ ورتالىقتارىنا مەملەكەتتىك قىزمەتتەر كورسەتۋ ءۇشىن قاجەتتى مالىمەتتەردى قامتيتىن اقپاراتتىق جۇيەلەرگە قولجەتىمدىلىكتى ۇسىنادى;
11) مەملەكەتتىك قىزمەتتەر كورسەتۋ ماسەلەلەرى جونىندەگى بىرىڭعاي بايلانىس ورتالىعىنا مەملەكەتتىك قىزمەتتەر كورسەتۋ ءتارتىبى تۋرالى اقپارات ۇسىنادى;
12) قازاقستان رەسپۋبليكاسىنىڭ زاڭناماسىنا سايكەس مەملەكەتتىك قىزمەتتەر كورسەتۋ ساپاسىن ىشكى باقىلاۋدى جۇرگىزەدى;
13) كورسەتىلەتىن قىزمەتتى بەرۋشىلەردىڭ مەملەكەتتىك كورسەتىلەتىن قىزمەتتەر ستاندارتتارىن ساقتاۋىن قامتاماسىز ەتەدى;
14) جەرگىلىكتى مەملەكەتتىك باسقارۋ مۇددەلەرى ءۇشىن قازاقستان رەسپۋبليكاسىنىڭ زاڭناماسىمەن جۇكتەلەتىن وزگە دە وكىلەتتىكتەردى جۇزەگە اسىرادى.
3-تاراۋ. مەملەكەتتىك كورسەتىلەتىن قىزمەتتەر ءتىزىلىمى,
ستاندارتى جانە رەگلامەنتى
12-باپ. مەملەكەتتىك كورسەتىلەتىن قىزمەتتەر ءتىزىلىمى
1. مەملەكەتتىك كورسەتىلەتىن قىزمەتتەر مەملەكەتتىك كورسەتىلەتىن قىزمەتتەر تىزىلىمىنە ەنگىزىلۋگە جاتادى.
2. مەملەكەتتىك كورسەتىلەتىن قىزمەتتەر ءتىزىلىمى:
مەملەكەتتىك كورسەتىلەتىن قىزمەتتىڭ اتاۋىن;
كورسەتىلەتىن قىزمەتتى الۋشى (جەكە جانە (نەمەسە) زاڭدى تۇلعا) تۋرالى مالىمەتتەردى;
مەملەكەتتىك كورسەتىلەتىن قىزمەت ستاندارتىن ءازىرلەيتىن ورتالىق مەملەكەتتىك ورگاننىڭ اتاۋىن;
كورسەتىلەتىن قىزمەتتى بەرۋشىنىڭ اتاۋىن;
وتىنىشتەر قابىلداۋدى جانە مەملەكەتتىك قىزمەت كورسەتۋ ناتيجەلەرىن بەرۋدى جۇزەگە اسىراتىن ۇيىمداردىڭ اتاۋىن جانە (نەمەسە) مەملەكەتتىك قىزمەت ەلەكتروندىق نىساندا كورسەتىلەتىن جاعدايدا «ەلەكتروندىق ۇكىمەتتىڭ» ۆەب-پورتالىنا نۇسقاۋدى;
مەملەكەتتىك قىزمەت كورسەتۋ نىسانىن;
مەملەكەتتىك قىزمەت كورسەتۋدىڭ اقىلى نە تەگىن ەكەندىگىن كوزدەيدى.
13-باپ. مەملەكەتتىك كورسەتىلەتىن قىزمەت ستاندارتىن ازىرلەۋگە جانە بەكىتۋگە قويىلاتىن جالپى تالاپتار
1. مەملەكەتتىك قىزمەتتەر كورسەتۋ ساپاسىنا قويىلاتىن بىرىڭعاي تالاپتاردى قامتاماسىز ەتۋ ءۇشىن, ونىڭ ىشىندە قازاقستان رەسپۋبليكاسىنىڭ شەتەلدەگى مەكەمەلەرى, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارى, قالاداعى اۋدانداردىڭ, اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ اكىمدەرى كورسەتەتىن مەملەكەتتىك قىزمەتتەر ءۇشىن ورتالىق مەملەكەتتىك ورگاندار مەملەكەتتىك كورسەتىلەتىن قىزمەتتەر ستاندارتتارىن ازىرلەيدى.
قازاقستان رەسپۋبليكاسىنىڭ پرەزيدەنتىنە باعىناتىن جانە ەسەپ بەرەتىن ورتالىق مەملەكەتتىك ورگان ازىرلەيتىن مەملەكەتتىك كورسەتىلەتىن قىزمەت ستاندارتىن قازاقستان رەسپۋبليكاسى پرەزيدەنتىنىڭ اكىمشىلىگىمەن كەلىسۋ بويىنشا قازاقستان رەسپۋبليكاسىنىڭ ۇكىمەتى بەكىتەدى.
قازاقستان رەسپۋبليكاسى ۇكىمەتىنىڭ قۇرىلىمىنا كىرەتىن ورتالىق مەملەكەتتىك ورگان ازىرلەيتىن مەملەكەتتىك كورسەتىلەتىن قىزمەت ستاندارتىن قازاقستان رەسپۋبليكاسىنىڭ ۇكىمەتى بەكىتەدى.
مەملەكەتتىك كورسەتىلەتىن قىزمەت ستاندارتى مەملەكەتتىك كورسەتىلەتىن قىزمەتتىڭ مەملەكەتتىك كورسەتىلەتىن قىزمەتتەر تىزىلىمىنە ەنگىزىلگەن كۇنىنەن باستاپ ءۇش اي ىشىندە ازىرلەنەدى جانە بەكىتىلەدى.
2. مەملەكەتتىك كورسەتىلەتىن قىزمەت ستاندارتىنىڭ جوباسى وسى زاڭنىڭ 15-بابىندا كوزدەلگەن تارتىپپەن جاريا تالقىلانۋعا جاتادى.
3. مەملەكەتتىك كورسەتىلەتىن قىزمەتتەر ستاندارتتارىن قابىلداۋ, وزگەرتۋ, تولىقتىرۋ جانە ولاردىڭ كۇشىن جويۋ مەملەكەتتىك قىزمەتتەر كورسەتۋ ساپاسىن باعالاۋ جانە باقىلاۋ جونىندەگى ۋاكىلەتتى ورگاننىڭ, مەملەكەتتىك قىزمەتتەر كورسەتۋ سالاسىنداعى ۋاكىلەتتى ورگاننىڭ, اقپاراتتاندىرۋ سالاسىنداعى ۋاكىلەتتى ورگاننىڭ, ورتالىق مەملەكەتتىك ورگانداردىڭ, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارىنىڭ, قالاداعى اۋداندار, اۋداندىق ماڭىزى بار قالالار, كەنتتەر, اۋىلدار, اۋىلدىق وكرۋگتەر اكىمدەرىنىڭ ۇسىنىستارى نەگىزىندە, سونداي-اق مەملەكەتتىك قىزمەتتەر كورسەتۋ ساپاسىنىڭ قوعامدىق مونيتورينگى جانە (نەمەسە) كورسەتىلەتىن قىزمەتتى الۋشىلاردىڭ مەملەكەتتىك قىزمەتتەر كورسەتۋ ماسەلەلەرى جونىندەگى وتىنىشتەرىن قاراۋ قورىتىندىلارى بويىنشا جۇزەگە اسىرىلادى.
14-باپ. مەملەكەتتىك كورسەتىلەتىن قىزمەت cتاندارتىنىڭ مازمۇنىنا قويىلاتىن تالاپتار
مەملەكەتتىك كورسەتىلەتىن قىزمەت ستاندارتى:
1) جالپى ەرەجەلەردى:
مەملەكەتتىك كورسەتىلەتىن قىزمەتتىڭ اتاۋىن;
مەملەكەتتىك كورسەتىلەتىن قىزمەت ستاندارتىن ازىرلەيتىن ورتالىق مەملەكەتتىك ورگاننىڭ اتاۋىن;
كورسەتىلەتىن قىزمەتتى بەرۋشىنىڭ اتاۋىن;
2) مەملەكەتتىك قىزمەت كورسەتۋ ءتارتىبىن:
مەملەكەتتىك قىزمەت كورسەتۋ مەرزىمىن;
مەملەكەتتىك قىزمەت كورسەتۋ نىسانىن;
مەملەكەتتىك قىزمەت كورسەتۋ ناتيجەسىن;
قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردا كورسەتىلەتىن قىزمەتتى الۋشىدان مەملەكەتتىك قىزمەت كورسەتۋ كەزىندە الىناتىن تولەماقى مولشەرىن جانە ونى الۋ تاسىلدەرىن;
كورسەتىلەتىن قىزمەتتى بەرۋشىنىڭ جۇمىس كەستەسىن;
مەملەكەتتىك قىزمەت كورسەتۋ ءۇشىن قاجەتتى قۇجاتتاردىڭ تىزبەسىن;
مەملەكەتتىك قىزمەت كورسەتۋدەن باس تارتۋ ءۇشىن قازاقستان رەسپۋبليكاسىنىڭ زاڭدارىندا بەلگىلەنگەن نەگىزدەردى;
3) ورتالىق مەملەكەتتىك ورگانداردىڭ, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارىنىڭ, قالاداعى اۋداندار, اۋداندىق ماڭىزى بار قالالار, كەنتتەر, اۋىلدار, اۋىلدىق وكرۋگتەر اكىمدەرىنىڭ, سونداي-اق كورسەتىلەتىن قىزمەتتى بەرۋشىلەردىڭ جانە (نەمەسە) ولاردىڭ لاۋازىمدى ادامدارىنىڭ, حالىققا قىزمەت كورسەتۋ ورتالىقتارىنىڭ جانە (نەمەسە) ولاردىڭ قىزمەتكەرلەرىنىڭ مەملەكەتتىك قىزمەتتەر كورسەتۋ ماسەلەلەرى بويىنشا شەشىمدەرىنە, ارەكەتتەرىنە (ارەكەتسىزدىگىنە) شاعىمدانۋ ءتارتىبىن;
4) مەملەكەتتىك قىزمەت كورسەتۋ, ونىڭ ىشىندە ەلەكتروندىق نىساندا جانە حالىققا قىزمەت كورسەتۋ ورتالىقتارى ارقىلى كورسەتۋ ەرەكشەلىكتەرى ەسكەرىلە وتىرىپ, وزگە دە تالاپتاردى كوزدەيدى.
15-باپ. مەملەكەتتىك كورسەتىلەتىن قىزمەتتەر ستاندارتتارىنىڭ جوبالارىن جاريا تالقىلاۋ
1. مەملەكەتتىك كورسەتىلەتىن قىزمەتتەر ستاندارتتارىنىڭ جوبالارىن جاريا تالقىلاۋ مەملەكەتتىك كورسەتىلەتىن قىزمەتتەر ستاندارتتارىندا قۇقىقتارى, بوستاندىقتارى مەن زاڭدى مۇددەلەرى قوزعالاتىن جەكە جانە زاڭدى تۇلعالاردىڭ ەسكەرتپەلەرى مەن ۇسىنىستارىن ەسكەرۋ ماقساتىمەن جۇرگىزىلەدى.
2. مەملەكەتتىك كورسەتىلەتىن قىزمەت ستاندارتىن ازىرلەيتىن ورتالىق مەملەكەتتىك ورگان مەملەكەتتىك كورسەتىلەتىن قىزمەتتىڭ مەملەكەتتىك كورسەتىلەتىن قىزمەتتەر تىزىلىمىنە ەنگىزىلگەن كۇنىنەن باستاپ بەس جۇمىس كۇنى ىشىندە مەملەكەتتىك كورسەتىلەتىن قىزمەت ستاندارتىنىڭ جوباسىن جاريا تالقىلاۋ ءۇشىن ونى «ەلەكتروندىق ۇكىمەتتىڭ» ۆەب-پورتالىندا, ءوزىنىڭ ينتەرنەت-رەسۋرسىندا جانە (نەمەسە) وبلىستىڭ, رەسپۋبليكالىق ماڭىزى بار قالانىڭ, استانانىڭ, اۋداننىڭ, وبلىستىق ماڭىزى بار قالانىڭ جەرگىلىكتى اتقارۋشى ورگانىنىڭ, قالاداعى اۋدان, اۋداندىق ماڭىزى بار قالا, كەنت, اۋىل, اۋىلدىق وكرۋگ اكىمىنىڭ ينتەرنەت-رەسۋرستارىندا ورنالاستىرادى, سونداي-اق كورسەتىلەتىن قىزمەتتى الۋشىلاردىڭ مەملەكەتتىك كورسەتىلەتىن قىزمەت ستاندارتىنىڭ جوباسى تۋرالى حاباردار ەتىلۋىن وزگە دە تاسىلدەرمەن قامتاماسىز ەتەدى.
3. مەملەكەتتىك كورسەتىلەتىن قىزمەت ستاندارتىنىڭ جوباسىن جاريا تالقىلاۋ ونىڭ جاريا تالقىلاۋ ءۇشىن ورنالاستىرىلعان كۇنىنەن باستاپ كۇنتىزبەلىك وتىز كۇن ىشىندە جۇزەگە اسىرىلادى.
4. مەملەكەتتىك كورسەتىلەتىن قىزمەت ستاندارتىنىڭ جوباسىن ازىرلەيتىن ورتالىق مەملەكەتتىك ورگان مەملەكەتتىك كورسەتىلەتىن قىزمەت ستاندارتىنىڭ جوباسىن جاريا تالقىلاۋدىڭ اياقتالعانى تۋرالى ەسەپ جاسايدى, ول «ەلەكتروندىق ۇكىمەتتىڭ» ۆەب-پورتالىندا, ءوزىنىڭ ينتەرنەت-رەسۋرسىندا جانە (نەمەسە) وبلىستىڭ, رەسپۋبليكالىق ماڭىزى بار قالانىڭ, استانانىڭ, اۋداننىڭ, وبلىستىق ماڭىزى بار قالانىڭ جەرگىلىكتى اتقارۋشى ورگانىنىڭ, قالاداعى اۋدان, اۋداندىق ماڭىزى بار قالا, كەنت, اۋىل, اۋىلدىق وكرۋگ اكىمىنىڭ ينتەرنەت-رەسۋرستارىندا ورنالاستىرىلۋعا جاتادى.
مەملەكەتتىك كورسەتىلەتىن قىزمەت ستاندارتىنىڭ جوباسىن جاريا تالقىلاۋدىڭ اياقتالعانى تۋرالى ەسەپتە:
قابىلدانعان جانە (نەمەسە) قابىلدانباعان ەسكەرتپەلەر مەن ۇسىنىستار بويىنشا نەگىزدەمەلەر قوسا بەرىلە وتىرىپ, جاريا تالقىلاۋ بارىسىندا الىنعان ەسكەرتپەلەر مەن ۇسىنىستاردىڭ تىزبەسى مەن قىسقاشا مازمۇنى;
مەملەكەتتىك كورسەتىلەتىن قىزمەت ستاندارتىنىڭ كەلىپ تۇسكەن ەسكەرتپەلەر مەن ۇسىنىستار ەسكەرىلە وتىرىپ پىسىقتالعان جوباسىمەن تانىسۋ ءتاسىلى تۋرالى اقپارات قامتىلادى.
جەكە جانە زاڭدى تۇلعالاردىڭ مەملەكەتتىك كورسەتىلەتىن قىزمەت ستاندارتىنىڭ جوباسىنا وسى باپتىڭ 3-تارماعىندا كورسەتىلگەن مەرزىم وتكەننەن كەيىن كەلىپ تۇسكەن ەسكەرتپەلەرى مەن ۇسىنىستارى قاراۋعا جاتپايدى.
مەملەكەتتىك كورسەتىلەتىن قىزمەت ستاندارتىنىڭ جاريا تالقىلاۋ ناتيجەلەرى بويىنشا پىسىقتالعان جوباسى جانە مەملەكەتتىك كورسەتىلەتىن قىزمەت ستاندارتىنىڭ جوباسىن جاريا تالقىلاۋدىڭ اياقتالعانى تۋرالى ەسەپ مۇددەلى ورتالىق مەملەكەتتىك ورگاندارعا, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارىنا, قالاداعى اۋدانداردىڭ, اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ اكىمدەرىنە كەلىسۋگە جىبەرىلەدى.
5. بەكىتىلگەن مەملەكەتتىك كورسەتىلەتىن قىزمەتتەر ستاندارتتارىنا وزگەرىستەر جانە (نەمەسە) تولىقتىرۋلار ەنگىزۋ جونىندەگى نورماتيۆتىك قۇقىقتىق اكتىلەردىڭ جوبالارى وسى باپتا بەلگىلەنگەن تارتىپپەن مىندەتتى تۇردە جاريا تالقىلانۋعا جاتادى.
16-باپ. مەملەكەتتىك كورسەتىلەتىن قىزمەت رەگلامەنتىن ازىرلەۋگە قويىلاتىن تالاپتار
1. كورسەتىلەتىن قىزمەتتى بەرۋشىلەردىڭ قىزمەتىن ۇيىمداستىرۋ ءۇشىن مەملەكەتتىك كورسەتىلەتىن قىزمەت ستاندارتى بەكىتىلگەننەن كەيىن كۇنتىزبەلىك وتىز كۇن ىشىندە ورتالىق مەملەكەتتىك ورگاندار جانە وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ جەرگىلىكتى اتقارۋشى ورگاندارى مەملەكەتتىك كورسەتىلەتىن قىزمەتتەر رەگلامەنتتەرىن ازىرلەيدى جانە بەكىتەدى.
2. ورتالىق مەملەكەتتىك ورگان ازىرلەيتىن مەملەكەتتىك كورسەتىلەتىن قىزمەت رەگلامەنتى ورتالىق مەملەكەتتىك ورگاننىڭ نەمەسە ونىڭ باسشىسىنىڭ نورماتيۆتىك قۇقىقتىق اكتىسىمەن بەكىتىلەدى.
3. وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانى ازىرلەيتىن, ونىڭ ىشىندە اۋداننىڭ, وبلىستىق ماڭىزى بار قالانىڭ جەرگىلىكتى اتقارۋشى ورگانى, قالاداعى اۋدان, اۋداندىق ماڭىزى بار قالا, كەنت, اۋىل, اۋىلدىق وكرۋگ اكىمى ءۇشىن ازىرلەنەتىن مەملەكەتتىك كورسەتىلەتىن قىزمەت رەگلامەنتى وبلىس, رەسپۋبليكالىق ماڭىزى بار قالا, استانا اكىمدىگىنىڭ نورماتيۆتىك قۇقىقتىق قاۋلىسىمەن بەكىتىلەدى.
17-باپ. مەملەكەتتىك كورسەتىلەتىن قىزمەت رەگلامەنتىنىڭ مازمۇنىنا قويىلاتىن تالاپتار
مەملەكەتتىك كورسەتىلەتىن قىزمەت رەگلامەنتى:
1) جالپى ەرەجەلەردى;
2) مەملەكەتتىك قىزمەت كورسەتۋ پروتسەسىندە كورسەتىلەتىن قىزمەتتى بەرۋشىنىڭ قۇرىلىمدىق بولىمشەلەرىنىڭ (قىزمەتكەرلەرىنىڭ) ءىس-قيمىلدار ءتارتىبىن سيپاتتاۋدى;
3) مەملەكەتتىك قىزمەت كورسەتۋ پروتسەسىندە كورسەتىلەتىن قىزمەتتى بەرۋشىنىڭ قۇرىلىمدىق بولىمشەلەرىنىڭ (قىزمەتكەرلەرىنىڭ) ءوزارا ءىس-قيمىل ءتارتىبىن سيپاتتاۋدى;
4) مەملەكەتتىك قىزمەت كورسەتۋ پروتسەسىندە حالىققا قىزمەت كورسەتۋ ورتالىعىمەن جانە (نەمەسە) وزگە دە كورسەتىلەتىن قىزمەتتى بەرۋشىلەرمەن ءوزارا ءىس-قيمىل ءتارتىبىن, سونداي-اق اقپاراتتىق جۇيەلەردى پايدالانۋ ءتارتىبىن سيپاتتاۋدى كوزدەيدى.
4-تاراۋ. مەملەكەتتىك قىزمەتتەر كورسەتۋ
18-باپ. مەمل
