ۇكىمەت • 22 قازان، 2019

ا.مامين مەملەكەتتىك-جەكەشەلىك ارىپتەستىكتى دامىتۋدى تاپسىردى

21 رەتكورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەتتىڭ سەلەكتورلىق وتىرىسىندا مەملەكەتتىك-جەكەشەلىك ارىپتەستىكتى ء(مجا) دامىتۋ ماسەلەلەرى قارالدى. بۇل تۋرالى primeminister.kz حابارلادى. 

اتقارىلىپ جاتقان جۇمىستار تۋرالى ۇلتتىق ەكونوميكا ءمينيسترى ر. دالەنوۆ، قر يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ، قر دەنساۋلىق ساقتاۋ ءمينيسترى ە. ءبىرتانوۆ، قر ءبىلىم جانە عىلىم ءمينيسترى ا. ايماعامبەتوۆ، قاراعاندى وبلىسىنىڭ اكىمى ج. قاسىمبەك، اقمولا وبلىسىنىڭ اكىمى ە. مارجىقپاەۆ، پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءا. سمايىلوۆ باياندادى.

بيىلعى 1 قازانداعى جاعداي بويىنشا 1،6 ترلن تەڭگە سوماسىنا 615 ءمجا كەلىسىمشارتى جاسالدى، ونىڭ ىشىندە 551،5 ملرد تەڭگە ينۆەستيتسيا تارتىلدى، ونىڭ ىشىندە رەسپۋبليكالىق جوبالار بويىنشا – 339،5 ملرد تەڭگە، جەرگىلىكتى جوبالار بويىنشا – 212 ملرد تەڭگە. جوبالاردى جوسپارلاۋ مەن دايىنداۋدىڭ ءتۇرلى كەزەڭدەرىندە 1،9 ترلن تەڭگە سوماسىنا 638 جوبا بار. 

472 ملرد تەڭگەگە جۋىق سوماعا 547 ءمجا نىسانى پايدالانىلۋ ساتىسىندا، ونىڭ ىشىندە 541 – 288،4 ملرد تەڭگە سوماسىنا جەرگىلىكتى ماڭىزداعى، 6 – 183،6 ملرد تەڭگە سوماسىنا رەسپۋبليكالىق ماڭىزداعى. 

1091 ملرد تەڭگە سوماسىنا 68 نىسان ىسكە اسىرىلۋ ساتىسىندا (ينۆەستيتسيالىق كەزەڭ)، ونىڭ ىشىندە 65-ءى – 365 ملرد تەڭگە سوماسىنا جەرگىلىكتى ماڭىزداعى جانە 3-ءى – 725،9 ملرد تەڭگە سوماسىنا رەسپۋبليكالىق ماڭىزداعى: ۇلكەن الماتى اينالما اۆتوموبيل جولى ء(ۇاااج)، اۋىلدىق ەلدى مەكەندەردى ينتەرنەتكە كەڭجولاقتى قولجەتىمدىلىكپەن قامتاماسىز ەتۋ، اۋە جولاۋشىلارى تۋرالى مالىمەتتەردى جيناۋ جۇيەسى. 

دەنساۋلىق ساقتاۋ سالاسىندا 3 جىلدا جەرگىلىكتى اتقارۋشى ورگاندار جالپى سوماسى 58،9 ملرد تەڭگەگە 127 ءمجا كەلىسىمشارتىن جاسادى. تەك 2019 جىلى 23،5 ملرد تەڭگە سوماسىنا 21 كەلىسىمشارت جاسالدى. 2019 جىلدان 2024 جىل ارالىعىندا ءمجا اياسىندا رەسپۋبليكالىق دەڭگەيدە 838،5 ملرد تەڭگە سوماسىنا 16 ءىرى اۋرۋحانا سالۋ جوسپارلانعان، ونىڭ ىشىندە قازىرگە دەيىن 7 جوبانى ىسكە اسىرۋ باستالدى. 

ءبىلىم بەرۋ سالاسىندا 243 ملرد تەڭگە سوماسىنا 558 ءمجا جوباسى ىسكە اسىرىلىپ جاتىر. بيىل قاڭتار ايىنان باستاپ 98 جەكەمەنشىك مەكتەپ جان باسىنا شاققانداعى قارجىلاندىرۋ قاعيداتى بويىنشا 6 ملرد تەڭگە سوماسىنا مەملەكەتتىك تاپسىرىس الادى. 2019-2020 وقۋ جىلىنىڭ باسىنا 47 جاڭا جەكەمەنشىك مەكتەپ اشىلدى. جىل سوڭىنا دەيىن تاعى 13 جاڭا جەكەمەنشىك مەكتەپ اشىلادى. 70 جوبادا ستۋدەنتتەرگە ارنالعان جاتاقحانالار اشۋ قاراستىرىلعان. 

ۇكىمەت باسشىسى وڭ ديناميكانى اتاپ ءوتىپ، ءمجا دامىتۋ بويىنشا جۇمىستاردى جانداندىرۋدى تاپسىردى.

ء«مجا دامىتۋ – ۇكىمەت جۇمىسىنىڭ باسىم باعىتتارىنىڭ ءبىرى. اسا ماڭىزدى جوبالار كولىك جانە ينفراقۇرىلىم، ەنەرگەتيكا جانە تكش، ءبىلىم بەرۋ، دەنساۋلىق ساقتاۋ سياقتى سەكتورلاردا ىسكە اسىرىلىپ جاتىر»، — دەدى ا. مامين.

پرەمەر-مينيستر ءىرى ينفراقۇرىلىمدىق جوبالاردى ىسكە اسىرۋدى جالعاستىرۋدى تاپسىردى، ونىڭ ىشىندە كولىك جانە ەنەرگەتيكالىق، تكش سالاسىندا، بۇل ماقساتتا ءمجا دامىتۋدىڭ وزىق حالىقارالىق تاجىريبەسىن ەسكەرۋمەن زاڭناماعا قاجەتتى وزگەرىستەردى پىسىقتاۋ كەرەك. 

ۇكىمەت باسشىسى مۇددەلى مەملەكەتتىك ورگاندارعا ۇلتتىق ەكونوميكا مينيسترلىگىمەن بىرلەسىپ، جەتەكشىلىك ەتەتىن سالالاردا ءمجا دامىتۋ بويىنشا جول كارتالارىن ازىرلەۋدى تاپسىردى. ولاردىڭ ورىندالۋ بارىسى ۇكىمەتتىڭ جوبالىق كەڭسەسىنىڭ وتىرىستارىندا تىڭدالاتىن بولادى.

«جالپى، بىزگە ەلىمىزدىڭ تۇراقتى الەۋمەتتىك-ەكونوميكالىق دامۋىن قامتاماسىز ەتۋ ماقساتىندا مەملەكەت پەن جەكەمەنشىك ارىپتەستىكتىڭ ءتيىمدى ءوزارا ءىس-قيمىلىن جولعا قويۋ قاجەت»، — دەپ تۇيىندەدى ا. مامين.

سوڭعى جاڭالىقتار

تاۋەلسىزدىك – تۇعىرىم

ايماقتار • كەشە

كۇلكى كەرۋەنى № 25

رۋحانيات • كەشە

اپتا ۇزدىگى اتاندى

حوككەي • كەشە

ۇقساس جاڭالىقتار