ء*ازىل اڭگىمە
س– ن – و – ق – ا!
ءباتي جەڭگەي جۇمىستا وتىر ەدى, بىرەۋلەر حابارلاسىپ: «جاس كەلىنگە قۇتتى بولسىن ايتامىز, ۇيىڭىزگە بارامىز» دەدى. وزدەرى اسىعىس. جۇمىستان ەرتە كەتۋگە بولمايدى. زۆونداپ قازانعا تاماق سالدىرا بەرەيىن دەپ ويلادى ءباتي. ۇيدە جاڭا تۇسكەن جاس كەلىن قامار جالعىز.
– الە, قامارجان. ۇيگە ەكى-ءۇش قوناق كەلەتىن بولدى. ساعان قۇتتى بولسىن ايتامىز, دەيدى. اسىعىس جولاۋشىلار. مەن قازىر جۇمىستان شىعا المايمىن. سوندىقتان سەن قازانعا تاماق سالا بەر, مەن جايىراق كەلەمىن.
– ماموچكا, ۇيدە تاماق كوپ: كولباسا, سىر, ۆينەگرەت, بورششتىڭ قالعانى – ءبارىن قازانعا سالايىن با؟
– جو-جوق, قارعاشىم, تاماق دەگەنىم ەت قوي, اسۋ كەرەك.
– حولوديلنيكتە ەت بار عوي...
– ءيا, سول ەتتى شىعار, نە سالاتىنىڭدى مەن ايتايىن.
– جاقسى, ماموچكا...
– ەكى ومىرتقا, ومىرتقانى بىلەسىڭ عوي ...
– بىلەم, ماموچكا. تولكو نە ومىرتقا, ا, پو موەمۋ, جو-و-مىرتقا ... يايچكو. جو-ومىرتقا سالايىن با, قازانعا ...
– ءۇيباي, اينالايىن, جۇمىرتقا ەمەس ومىرتقا! مالدىڭ ارقاسىندا بولادى عوي ...
– نۋ, داەش ماموچكا! مالدىڭ ارقاسىندا ءجۇن بولادى عوي ...
– نە دەيدى! قاراعىم-اۋ, ءجۇنىڭ نە؟ ومىرتقا دەگەن ەتى بار سۇيەك, ەكى جاعىندا قاناتى بار...
– ا-ا, قاناتى ... كرىليا, كۋروچكا چتو لي؟ قازانعا قۇس سالايىن با؟
– ۋھ, قۇس ەمەس, قۇداي! ەكى جاعىندا قانات سياقتى شىعىپ تۇرعان سۇيeگi بار ... بىلاي ... سامولەت سياقتى.
– دا-دا! مىناۋ ەكەن عوي, تاپتىم, سوسىن نە الايىن؟
– قابىرعا, ءتورت تال.
– وي ينتەرەسنو, تو ومىرتقا, تو قابىرعا ... ماما, اتتارى ۇقساس ەكەن. اناۋ سامولەت سياقتى بولسا, مىناۋ ۆەرتولەت ...
– جوق ,ويباي! بۇل كۇرجيگەن قيسىق سۇيەك.
– وي, ماما, مىندا پرياموي سۇيەك جوق قوي, ءبارى قيسىق...
– قاپ ەندى نە دەسەم ەكەن؟ ە-ە ... حوككەي وينايتىن اعاش بار عوي...
– كليۋشكا؟
– يا, كليۋشكا, قابىرتقا سول سياقتى.
–تاپتىم, تاپتىم ...
– سودان ءتورت تال.
– ماما, ءسىز ء«تورت تال» دەيسىز, كاك-تو يا سلىشالا, چتو تال – ەتو اعاش.
– پاتشام-اۋ, بۇل جەردە «تال» – ءتۇيىر دەگەن ماعىنادا. شتوك.
– چتو-چتو؟ نۋ, ماموچكا, رازۆە موجنو تاك. وي, ۇيالام...
– تفۋ! نە aيتىپ قويدىم! جانىم-اۋ, سەن ءتۇسىنبeي تۇرسىڭ, ولاي ەمەس... ءتورت دانا دەگەن...
– ا-ا, سلاۆا بوگۋ, زناچيت چەتىرە شتۋكي ... ماما, تاعى نە؟
– ەندى جىلىك سال ...
– جيلى؟ ماما, ول جوق, توگدا ءبارىن كەسىپ, حولودەتس جاسادىق قوي.
– تۋ, قاراعىم-اۋ, سەن ءسىڭىردى ايتىپ تۇرسىڭ با؟ ءسىڭىر ەمەس, ۇلكەن جۇمىر سۇيەك, ەتى بار. .
– وي, ماما, نە زنايۋ!
– ورتان جىلىك دەگەندى بىلەسىڭ بە؟
– ورتان دەگەن سرەدني دەگەن بە؟ نۋ, ماما, وتكۋدا يا زنايۋ – كاكوي سرەدني, كاكوي كرايني؟
– و, جاساعان-اي, بۇعان نە ايتۋعا بولادى؟ كارى جىلىكتى دە تانىمايسىڭ با؟
– چەگو؟ رازۆە ستارىي سۇيەك, مولودوي سۇيەك دەپ تە وتليچايۋتسيا؟ نۋ, ماما, ءبىر باراندا نەۋجەلي ءبىر كوست جاس, ءبىر كوست كارى؟
– تۋ, شىركىن, ساعان ءسوز جوق ەكەن؟ ءاي, شىراعىم, نە دە بولسا, قولىڭا تۇسكەن ەكى سۇيەكتى سالشى. سوسىن ءبىر بىلەم قۇيرىق سال؟
–چتو؟ قۇيرىق – ەتو حۆوست چتو لي؟ گدە تۋت حۆوست؟ .
– ويباي - ويباي!!! شىراعىم قويا عوي, ءوزىم كەلەيىن! ۆوت ساعان س-ن-و-ق-ا!
سەرجان شاكىراتوۆ
