قازاقستان • 17 قازان، 2019

قازاقستان مەن قىرعىزستان ىنتىماقتاستىق ماسەلەلەرىن تالقىلادى

47 رەتكورسەتىلدى

يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ قىرعىز رەسپۋبليكاسىنىڭ سىرتقى ىستەر ءمينيسترى ش. ايداربەكوۆپەن كەزدەستى. بۇل تۋرالى مينيسترلىكتىڭ ءباسپاسوز قىزمەتى حابارلادى. 

كەزدەسۋ بارىسىندا مينيسترلەر ەكىجاقتى ىنتىماقتاستىق جانە قازاقستان رەسپۋبليكاسى پرەزيدەنتىنىڭ قىرعىز رەسپۋبليكاسىنا الداعى ساپارى ماسەلەلەرىن تالقىلادى.

قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ءمينيسترى قازاقستان رەسپۋبليكاسىنىڭ ۇكىمەتى مەن قىرعىزستان رەسپۋبليكاسىنىڭ ۇكىمەتى اراسىنداعى مەملەكەتتىك شەكارا ارقىلى وتكىزۋ پۋنكتتەرى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ ءراسىمىنىڭ اياقتالعانى تۋرالى ايتتى.

«بۇل ەكى وتكىزۋ پۋنكتى مارتەبەسىن «ەكىجاقتى»-دان «كوپجاقتى حالىقارالىق»-قا اۋىستىرۋعا مۇمكىندىك بەرەدى»، دەپ اتاپ ءوتتى مينيستر.

قىرعىزستاننىڭ سىرتقى ساياسي ۆەدومستۆوسىنىڭ باسشىسى ەلدىڭ سىرتقى ساياساتى جۇمىسىنىڭ نەگىزگى باعىتتارى تۋرالى حاباردار ەتتى.

سونىمەن قاتار قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ءمينيسترى ونەركاسىپ، كولىك، جەر قويناۋىن پايدالانۋ، قۇرىلىس جانە تۇرعىن ءۇي-كوممۋنالدىق شارۋاشىلىق سالاسىنداعى ىنتىماقتاستىق بويىنشا ەكىجاقتى جانە كوپجاقتى ءوزارا ءىس-قيمىلدى ودان ءارى نىعايتۋ جانە كەڭەيتۋ تۋرالى ءوز ويىمەن ءبولىستى.

كەزدەسۋ قورىتىندىسى بويىنشا تاراپتار ەلدەر اراسىنداعى ءوزارا ءتيىمدى ىنتىماقتاستىقتى ودان ءارى تەرەڭدەتۋگە ىقپال ەتۋ نيەتىن راستادى جانە قىرعىز رەسپۋبليكاسىندا كەزەكتى كەزدەسۋ وتكىزۋگە كەلىستى.

سوڭعى جاڭالىقتار

قازالىدا رەترو-فەستيۆال ءوتتى

ايماقتار • بۇگىن، 16:58

كۇلكى كەرۋەنى № 20

رۋحانيات • كەشە

ءحالىڭ قالاي، قوستاناي؟

ايماقتار • كەشە

ۇقساس جاڭالىقتار