قازاقستان • 17 قازان، 2019

ءۇندىستان دەلەگاتسياسى قازاقستاندىق اسكەري ينستيتۋتتا بولدى

34 رەتكورسەتىلدى

الماتىدا راديوەلەكترونيكا جانە بايلانىس اسكەري-ينجەنەرلىك ينستيتۋتىنا ءۇندىستان دەلەگاتسياسى كەلدى. ونىڭ قۇرامىندا ءۇندىستاننىڭ قازاقستانداعى اسكەري اتتاشەسى – پولكوۆنيك ميلان نالادۆادە، اسكەري-اۋە كۇشتەرىنىڭ وكىلى – اۆياتسيا پولكوۆنيگى انيل كۋمار ناتۋر گۋرادجاني، سونداي-اق  ااك College of air Warefare جەتەكشى وقۋ ورنىنىڭ وفيتسەرلەرى بولدى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى. 

جۇمىس ساپارى اياسىندا ءۇندى وفيتسەرلەرى قازىرگى زامانعى وقۋ-ماتەريالدىق بازامەن جانە وقىتۋ جۇيەسىمەن تانىستى، اسكەري ينستيتۋتتىڭ اۋديتوريالارى مەن سىنىپتارىن قاراپ شىقتى، وندا ولارعا اسكەري تەحنيكا مەن قارۋ-جاراق ۇلگىلەرى كورسەتىلدى.

قازاقستاندىق اسكەري ينستيتۋت وكىلدەرى شەتەلدىك قوناقتارعا قازاقستانداعى جوعارى اسكەري ءبىلىم، وقۋ ورنىنىڭ دامۋ بولاشاعى، جوعارى وقۋ ورنىنىڭ ءبىلىم بەرۋ جانە عىلىمي الەۋەتى تۋرالى ايتىپ بەردى. شەتەلدىك قوناقتار وزدەرىن قىزىقتىرعان بارلىق سۇراقتارعا جاۋاپ الدى، سونداي-اق اسكەري ينستيتۋتتىڭ مۇراجايىندا بولدى. ءۇندىستان دەلەگاتسياسىنىڭ جەتەكشىسى قۇرمەتتى قوناقتار كىتابىنا ەستەلىك جازبا قالدىردى.

شەتەلدىك وكىلدەر اسكەري-ينجەنەرلىك ينستيتۋت ولارعا وڭ اسەر قالدىرعانىن ايتتى. ءۇندى دەلەگاتسياسى ءوزارا ىنتىماقتاستىقتى جالعاستىرۋعا جانە دامىتۋعا سەنىم ءبىلدىردى، سونداي-اق اسكەري وقۋ ورنىنىڭ باسشىلىعىنا قوناقجايلىعى ءۇشىن العىس ءبىلدىردى.

راديوەلەكترونيكا جانە بايلانىس اسكەري-ينجەنەرلىك ينستيتۋتى زەنيتتىك زىمىران، راديوتەحنيكالىق اسكەرلەر، اۆياتسيانى راديوتەحنيكالىق قامتاماسىز ەتۋ بايلانىس بولىمدەرى ءۇشىن بىلىكتى وفيتسەرلەردى، سونداي-اق اسكەرلەر مەن قارۋ-جاراقتى باسقارۋدىڭ اۆتوماتتاندىرىلعان جۇيەلەرىنىڭ ينجەنەرلەرىن دايارلايتىنىن اتاپ وتكەن ءجون. وفيتسەر-راديوينجەنەرلەردى دايارلاۋ 5 ماماندىق بويىنشا جۇرگىزىلەدى. 18 جىل ىشىندە جوو ەلىمىزدىڭ قارۋلى كۇشتەرى ءۇشىن 1730 لەيتەنانت – بىلىكتى اسكەري مامانداردى دايارلادى.

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار