قازاقستان • 17 قازان، 2019

تبيليسيدە ساياسي كونسۋلتاتسيالار ءوتتى

42 رەتكورسەتىلدى

سىرتقى ىستەر مينيسترلىگى مەن گرۋزيانىڭ سىرتقى ىستەر مينيسترلىگى اراسىندا ساياسي كونسۋلتاتسيالار ءوتتى. قازاقستان دەلەگاتسياسىن سىرتقى ىستەر ءمينيسترىنىڭ ورىنباسارى مارات سىزدىقوۆ، گرۋزين دەلەگاتسياسىن سىرتقى ىستەر ءمينيسترىنىڭ ورىنباسارى الەكساندر حۆتيسياشۆيلي باسقاردى. بۇل تۋرالى مينيسترلىكتىڭ ءباسپاسوز قىزمەتى حابارلادى. 

تاراپتار ساياسي، ەكونوميكالىق جانە مادەني-گۋمانيتارلىق سالالارداعى ەكىجاقتى ىنتىماقتاستىقتى ودان ءارى دامىتۋ كەلەشەكتەرىن تالقىلاپ، قىركۇيەكتە بۇۇ با سەسسياسى شەڭبەرىندە ەكى ەل پرەزيدەنتتەرىنىڭ كەزدەسۋى، مامىردا گرۋزيا پرەمەر-ءمينيسترىنىڭ قازاقستانعا رەسمي ساپارى، ۇكىمەتارالىق كوميسسيانىڭ كەزەكتى وتىرىسىنىڭ وتكىزىلۋى ەكىجاقتى ىنتىماقتاستىققا جاڭا سەرپىن بەرگەنى اتاپ ءوتتى. 

كونسۋلتاتسياعا قاتىسۋشىلار ينۆەستيتسيا، ساۋدا جانە تۋريزم سالالارىنداعى ىنتىماقتاستىقتى دامىتۋ، سونداي-اق ەكى ەلدىڭ ترانزيتتىك الەۋەتىن ءتيىمدى پايدالانۋدىڭ ماڭىزدىلىعىن تالقىلادى. 

حالىقارالىق كۇن ءتارتىبىنىڭ وزەكتى ماسەلەلەرى بويىنشا پىكىر الماسىپ،ەكى مەملەكەتتىڭ حالىقارالىق ۇيىمدار شەڭبەرىندەگى تىعىز ىقپالداستىعى،ەكىجاقتى ىنتىماقتاستىقتىڭ شارتتىق-قۇقىقتىق بازاسىن وزەكتەندىرۋ ماسەلەلەرى قارالدى.

م.سىزدىقوۆ قازاقستاننىڭ گرۋزيامەن دوستىق قاتىناستار مەن سىندارلى ساياسي ديالوگتى دامىتۋعا، كوپسالالى ەكونوميكالىق ىنتىماقتاستىقتى كەڭەيتۋگە دايىن ەكەندىگىن اتاپ ءوتتى. بۇل رەتتە كولىك-لوگيستيكا سالاسىندا، اتاپ ايتقاندا، قازاقستان جانە گرۋزيانىڭ پورتتارىن پايدالانىپ، ەكى ەل اراسىنداعى جۇك تاسىمالىن جۇزەگە اسىرۋ بويىنشا بىرلەسكەن جۇمىستىڭ ماڭىزدىلىعى ايتىلدى.

ا.حۆتيسياشۆيلي قازاقستاننىڭ گرۋزيا ءۇشىن ماڭىزدى ساۋدا-ەكونوميكالىق ارىپتەستەرىنىڭ ءبىرى ەكەندىگىن اتاپ كورسەتىپ، قول جەتكىزىلگەن ساياسي بايلانىستاردىڭ جوعارى دەڭگەيىن، ءوزارا ساۋدا اينالىمىنىڭ كولەمى مەن ەكى ەلگە باراتىن تۋريستەر سانىنىڭ ايتارلىقتاي ارتىپ وتىرعانىن، تىعىز قاتىناستاردى ساقتاۋ مەن كوبەيتۋدىڭ ماڭىزدى ەكەندىگىنە توقتالدى.

سوڭعى جاڭالىقتار

التىن وردانىڭ اق تاڭى

رۋحانيات • كەشە

كۇلكى كەرۋەنى № 23

رۋحانيات • كەشە

جاڭعىرعان جامبىل ءوڭىرى

ايماقتار • كەشە

رۋحاني راۋىشتەگى تارتۋ

ايماقتار • كەشە

ۇقساس جاڭالىقتار