«ال ونىڭ اكتسيزىنىڭ باعاسى - 8 تەڭگە. بۇل كورشىلەس مەملەكەتتەرمەن سالىستىرعاندا الدەقايدا از. جوبالارىمىزعا سايكەس اكتسيزدىڭ ستاۆكاسىن 10 تەڭگەگە دەيىن ارتتىرۋ كەرەك», دەدى ۇلتتىق ەكونوميكا ءمينيسترى رۋسلان دالەنوۆ
جوبا 1 جەلتوقساندا تالقىلاۋعا ۇسىنىلادى. ودان سوڭ 1 جارىم ايدان كەيىن شەشىم قابىلدانادى.
وسىعان دەيىن ەنەرگەتيكا ءمينيسترى قانات بوزىمباەۆ كورشى ەلدىڭ جۇرگىزۋشىلەرى ارزان بەنزيندى كوبىرەك الىپ كەتۋ ءۇشىن جانارماي قۇيۋ بەكەتتەرىنە قوسىمشا ىدىسپەن كەلەتىنىن ايتقان بولاتىن. ول ەلدەن كەلەتىن جۇك تاسىمالدايتىن ترانزيتتىك ماشينالار ءتىپتى 3-4 توننالىق قوسىمشا باكتارمەن جابدىقتالاتىن كورىنەدى.
ساراپشىلار ۇكىمەتتىڭ رەسمي مالىمەتىنە دەيىن-اق بەنزين باعاسىنىڭ كۇزگە قاراي قىمباتتايتىنىن ايتىپ قويعان. ولاردىڭ تۇسىندىرۋىنشە, سۇيىق وتىن باعاسىن وسىرۋگە بىرنەشە سەبەپ بار. قازاقستانداعى ءۇش بىردەي مۇناي وڭدەۋ زاۋىتى قارىز اقشاعا جاڭارتىلىپ جاتىر.
ونىڭ شىعىنىن جابۋ قاراپايىم كولىك جۇرگىزۋشىلەرىنىڭ ەسەبىنەن جۇرگىزىلۋى بەك مۇمكىن.
جانارماي باعاسىنىڭ ءسات سايىن قىمباتتاۋى قوعام ءۇشىن ۇيرەنشىكتى جايت بولىپ كەتتى وتاندىق ساراپشىلار جانارماي باعاسى الداعى ۋاقىتتا دا قىمباتتاي بەرەتىنىن ايتىپ وتىر.
ەلدەگى باعاعا اسەر ەتەتىن فاكتور كوكتەمگى جانە كۇزگى ەگىستىك ناۋقانىمەن عانا شەكتەلىپ وتىرعان جوق.
قازاقستاندىق ساراپشى ەرلان يبراگيم 2025 جىلى ەۋرازيالىق ەكونوميكالىق وداقتىڭ بىرىڭعاي نارىعى قالىپتاسۋى ءتيىس ەكەنىن ايتادى. سول سەبەپتى , جانارماي مەن باسقا دا تاۋارلار باعاسى بارشاعا ورتاق بولۋى كەرەك.
«بىزدەگى جانارماي قۇنىنىڭ رەسەي نارىعىنىڭ باعامىنا جاقىنداپ كەلە جاتقانى سودان», دەيدى ەكونوميكالىق ساراپشى ەرلان يبراگيم.
ۇكىمەت قولدا بار بەنزيندى ساقتاپ قالۋ ءۇشىن شەكارا ارقىلى اۆتوكولىكپەن الىپ وتۋگە شەكتەۋ قوياتىن جاڭا بۇيرىق ازىرلەپ جاتىر. بۇيرىققا سايكەس, وتىندى تەك زاۋىتتىق بەنزين باكتارىمەن تاسىمالداۋعا عانا رۇقسات بەرىلەدى جانە قوسىمشا تەك 20 ليترلىك كانيسترا الۋعا بولادى.
قازىر نارىقتا جانارماي قورى جەتكىلىكتى. ۇكىمەت قوسىمشا رەسەيدەن قاجەتتى بەنزيندى ساتىپ العان. بىراق باعاسى قىمبات.
بۇعان دەيىن ەنەرگەتيكا ءمينيسترى قازاننىڭ سوڭىندا جانارمايدىڭ ورتاشا قۇنى 160-161 تەڭگە بولادى دەپ ەدى. بۇگىن ءبىزدى ودان دا جوعارى باعا كۇتىپ تۇرعانى بەلگىلى بولدى.
شەنەۋنىكتەردىڭ بولجامىنا سەنسەك, جانارماي تەك قاراشانىڭ ورتاسىندا ازداپ ارزانداۋى مۇمكىن. ءبىر ايدان كەيىن ەلىمىزدەگى مۇناي وڭدەيتىن ءۇش زاۋىت تا ىسكە قوسىلىپ, وتاندىق بەنزيننىڭ كولەمى ارتادى ەكەن.
ءبۇشىن استانا مەن الماتىدا اي-92 ماركالى بەنزين 157 تەڭگەدەن ساتىلۋدا. ەستەرىڭىزگە سالا كەتەيىك, قازىرگى ۋاقىتتا قازاقستاندىق بەنزينگە سالىناتىن اكتسيز كولەمىن ەكى جارىم ەسەگە ارتتىرۋ جونىندە قۇجات ازىرلەنىپ جاتىر.
الماتى
