قۇجاتتى دايىنداۋ كەزىندە حالىقارالىق ەكولوگيالىق رەتتەۋ تاجىريبەسى, قاۋىمداستىقتاردىڭ, حالىقتىڭ پىكىرى مەن ۇسىنىستارى ەسەپكە الىندى. جوباداعى نورمانىڭ ءبىرى – «زاڭبۇزۋشى جويادى» مىندەتتى قاعيداتىنىڭ ەنگىزىلۋى.
«ياعني, زاڭ بۇزۋشىنىڭ ەكولوگيالىق زارداپتى تابيعي تۇردە جويۋى, قايتالانعانى ءۇشىن قىزمەتىن توقتاتۋعا دەيىنگى جاۋاپكەرشىلىگى, جوبالاۋ كومپانيالارىنىڭ جاۋاپكەرشىلىگى مىندەتتەمەسى ەنگىزىلەدى», دەدى ۆيتسە-مينيستر.
ەكولوگيالىق كودەكستى جەتىلدىرۋدەگى باستى باعىتتىڭ ءبىرى – «لاستاۋشى تولەيدى» ەكولوگيالىق قاعيداتىن ىسكە اسىرۋ.
«بۇل باعىت تولىقتاي ەكولوگيالىق رەتتەۋدەن باس تارتۋدى قاراستىرادى. تولىپ جاتقان تابيعاتتى پايدالانۋشىنى تارتىپكە شاقىرماي-اق, تەك ءىرى لاستاۋشى كاسىپورىندارعا كوڭىل ءبولۋ قاجەت. بۇل رەتتە وسى ءىرى كاسىپورىنداردىڭ ءبارىن ەسەپكە الۋ ءۇشىن بۇل ساناتتاعىلاردىڭ ءدال سانىن انىقتاۋ قاجەت», - دەپ اتاپ ءوتتى.
سوندىقتان جاڭا ەكولوگيالىق كودەكستە مۇنداي تالاپتى تەك ء«بىرىنشى ساناتتاعىلارعا» قاتىستى عانا قولدانۋ ۇسىنىلۋدا, وسىلايشا, شىن مانىندەگى ەكولوگيالىق قاۋىپتى نىساندارعا عانا نازار اۋدارىلادى. ء«بىرىنشى ساناتتاعى» كومپانيالار سونداي-اق وندىرىسكە زياندى زاتتار شىعارىندىلارىن تومەندەتەتىن «ەڭ وزىق قولجەتىمدى تەحنولوگيالاردى» ەنگىزۋگە ءتيىس.
