قازاقستان رەسپۋبليكاسى پرەزيدەنتىنىڭ جارلىعى № 525
سارسەنبى, 27 ناۋرىز 2013 1:41
«مەملەكەتتiك قىزمەتتiڭ كادر رەزەرۆi تۋرالى» قازاقستان رەسپۋبليكاسى پرەزيدەنتىنىڭ 2003 جىلعى 4 جەلتوقسانداعى №1243 جارلىعىنا وزگەرىستەر ەنگىزۋ تۋرالى
«مەملەكەتتىك قىزمەت تۋرالى» 1999 جىلعى 23 شىلدەدەگى قازاقستان رەسپۋبليكاسى زاڭىنىڭ 14-بابىن ىسكە اسىرۋ ماقساتىندا قاۋلى ەتەمىن:
1. «مەملەكەتتiك قىزمەتتiڭ كادر رەزەرۆi تۋرالى» قازاقستان رەسپۋبليكاسى پرەزيدەنتىنىڭ 2003 جىلعى 4 جەلتوقسانداعى № 1243 جارلىعىنا (قازاقستان رەسپۋبليكاسىنىڭ ءپۇاج-ى, 2003 ج., № 47, 524-قۇجات; 2004 ج., № 21, 265-قۇجات; 2006 ج., № 1, 1-قۇجات; 2007 ج., № 43, 499-قۇجات; 2008 ج., № 20, 182-قۇجات; № 42, 465-قۇجات) مىناداي وزگەرىستەر ەنگىزىلسىن:
2-تارماق الىپ تاستالسىن;
جوعارىدا اتالعان جارلىقپەن بەكىتىلگەن مەملەكەتتىك قىزمەتتىڭ كادر رەزەرۆى تۋرالى ەرەجە وسى جارلىققا قوسىمشاعا سايكەس جاڭا رەداكتسيادا جازىلسىن.
سارسەنبى, 27 ناۋرىز 2013 1:41
«مەملەكەتتiك قىزمەتتiڭ كادر رەزەرۆi تۋرالى» قازاقستان رەسپۋبليكاسى پرەزيدەنتىنىڭ 2003 جىلعى 4 جەلتوقسانداعى №1243 جارلىعىنا وزگەرىستەر ەنگىزۋ تۋرالى
«مەملەكەتتىك قىزمەت تۋرالى» 1999 جىلعى 23 شىلدەدەگى قازاقستان رەسپۋبليكاسى زاڭىنىڭ 14-بابىن ىسكە اسىرۋ ماقساتىندا قاۋلى ەتەمىن:
1. «مەملەكەتتiك قىزمەتتiڭ كادر رەزەرۆi تۋرالى» قازاقستان رەسپۋبليكاسى پرەزيدەنتىنىڭ 2003 جىلعى 4 جەلتوقسانداعى № 1243 جارلىعىنا (قازاقستان رەسپۋبليكاسىنىڭ ءپۇاج-ى, 2003 ج., № 47, 524-قۇجات; 2004 ج., № 21, 265-قۇجات; 2006 ج., № 1, 1-قۇجات; 2007 ج., № 43, 499-قۇجات; 2008 ج., № 20, 182-قۇجات; № 42, 465-قۇجات) مىناداي وزگەرىستەر ەنگىزىلسىن:
2-تارماق الىپ تاستالسىن;
جوعارىدا اتالعان جارلىقپەن بەكىتىلگەن مەملەكەتتىك قىزمەتتىڭ كادر رەزەرۆى تۋرالى ەرەجە وسى جارلىققا قوسىمشاعا سايكەس جاڭا رەداكتسيادا جازىلسىن.
2. وسى جارلىق العاشقى رەسمي جاريالانعان كۇنىنەن باستاپ, بىراق 2013 جىلعى 26 ناۋرىزدان ەرتە ەمەس, قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى
ن.نازارباەۆ.
استانا, اقوردا, 2013 جىلعى 22 ناۋرىز
№ 525
قازاقستان رەسپۋبليكاسى پرەزيدەنتىنىڭ 2013 جىلعى 22 ناۋرىزداعى № 525 جارلىعىمەن بەكىتىلگەن
مەملەكەتتiك قىزمەتتiڭ كادر رەزەرۆi تۋرالى ەرەجە
مەملەكەتتiك قىزمەتتiڭ كادر رەزەرۆi تۋرالى وسى ەرەجە مەملەكەتتiك اكiمشiلiك قىزمەتتiڭ كادر رەزەرۆiن قالىپتاستىرۋ جانە ونىمەن جۇمىستى ۇيىمداستىرۋ ءتارتىبىن رەگلامەنتتەيدi.
1. «ا» كورپۋسىنىڭ مەملەكەتتىك اكىمشىلىك قىزمەتىنىڭ كادر رەزەرۆى
1. «ا» كورپۋسىنىڭ مەملەكەتتىك اكىمشىلىك قىزمەتىنىڭ كادر رەزەرۆى (بۇدان ءارى – «ا» كورپۋسىنىڭ كادر رەزەرۆى) – «ا» كورپۋسىنىڭ بوس مەملەكەتتىك لاۋازىمدارىنا ورنالاسۋعا ۇمىتكەر قازاقستان رەسپۋبليكاسى ازاماتتارىنىڭ قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن قالىپتاستىرىلعان جۇيەلەنگەن ءتىزىمى.
«ا» كورپۋسىنىڭ كادر رەزەرۆىن مەملەكەتتىك قىزمەت ىستەرى جونىندەگى ۋاكىلەتتى ورگان «ا» كورپۋسىنىڭ كادر رەزەرۆىنە الۋ ءۇشىن قازاقستان رەسپۋبليكاسىنىڭ پرەزيدەنتi جانىنداعى كادر ساياساتى جونىندەگى ۇلتتىق كوميسسيا (بۇدان ءارى – ۇلتتىق كوميسسيا) ۇسىنىم بەرگەن ازاماتتار قاتارىنان قالىپتاستىرادى.
2. لاۋازىمىنان بوساتىلعان «ا» كورپۋسىنىڭ مەملەكەتتىك اكىمشىلىك قىزمەتشىسى بوساتىلعان كۇنىنەن باستاپ ءبىر جىلعا ۇلتتىق كوميسسيانىڭ شەشىمى بويىنشا كادر رەزەرۆىنە الىنادى. لاۋازىمىنان تەرiس سەبەپتەرمەن بوساتىلعان «ا» كورپۋسىنىڭ مەملەكەتتىك اكىمشىلىك قىزمەتشىسى كادر رەزەرۆىنە الىنبايدى.
3. «ا» كورپۋسىنىڭ كادر رەزەرۆىنە ىرىكتەۋ جانە «ا» كورپۋسىنىڭ بوس لاۋازىمدارىنا ورنالاسۋعا كونكۋرستىق ىرىكتەۋ قازاقستان رەسپۋبليكاسىنىڭ پرەزيدەنتى ايقىندايتىن تارتىپپەن جۇزەگە اسىرىلادى.
4. لاۋازىمدارى «ا» كورپۋسىنىڭ مەملەكەتتىك اكىمشىلىك لاۋازىمدارىنا وزگەرتىلگەن مەملەكەتتىك قىزمەتشىلەر «ا» كورپۋسىنىڭ كادر رەزەرۆىنە قازاقستان رەسپۋبليكاسىنىڭ پرەزيدەنتى بەكىتەتىن مەملەكەتتىك قىزمەت وتكەرۋ ءتارتىبى تۋرالى ەرەجەدە ايقىندالاتىن تارتىپپەن, ۇلتتىق كوميسسيانىڭ شەشىمى بويىنشا الىنادى.
5. «ا» كورپۋسىنىڭ كادر رەزەرۆىنەن شىعارۋ ءۇشىن:
1) «ا» كورپۋسىنىڭ كادر رەزەرۆىنە الىنعان ادامنىڭ ءوتىنىش بەرۋى;
2) وسى ەرەجەنىڭ 2-تارماعىندا كوزدەلگەن جاعدايلاردى قوسپاعاندا, «ا» كورپۋسىنىڭ كادر رەزەرۆىنە الىنعان كۇنىنەن باستاپ ەكى جىل ءوتۋى;
3) «ا» كورپۋسىنىڭ رەزەرۆشiسىنiڭ كورiنەۋ جالعان مالىمەت بەرگەنiن جانە قۇجاتتاردى بۇرمالاعانىن ايعاقتايتىن فاكتiلەردىڭ انىقتالۋى;
4) «ا» كورپۋسىنىڭ كادر رەزەرۆiنە الۋ تۋرالى شەشiم قابىلداۋ ساتiندە بەيمالiم بولعان نەمەسە ورىن الماعان, قازاقستان رەسپۋبليكاسىنىڭ زاڭناماسىنا سايكەس ازاماتتاردىڭ مەملەكەتتiك قىزمەتتە بولۋىن شەكتەيتiن نەگiزدەردىڭ تۋىنداۋى;
5) مەملەكەتتىك اكىمشىلىك قىزمەتشىلەر اتقاراتىن لاۋازىمىنان تەرىس سەبەپتەر بويىنشا بوساتىلعان;
6) قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردا, ونىڭ ىشىندە تارتىپتىك ىستەردى, مەملەكەتتىك ورگاندار وتكىزگەن باعالاۋ ماتەريالدارىن قاراۋ ناتيجەلەرى بويىنشا ۇلتتىق كوميسسيانىڭ ۇسىنىمدارى نەگىز بولىپ تابىلادى.
2. «ب» كورپۋسىنىڭ مەملەكەتتىك اكىمشىلىك قىزمەتىنىڭ كادر رەزەرۆى
2.1. جالپى ەرەجەلەر
6. «ب» كورپۋسىنىڭ مەملەكەتتىك اكىمشىلىك قىزمەتىنىڭ كادر رەزەرۆى (بۇدان ءارى – «ب» كورپۋسىنىڭ كادر رەزەرۆى) – «ب» كورپۋسىنىڭ بوس مەملەكەتتىك لاۋازىمدارىنا ورنالاسۋعا ۇمىتكەر قازاقستان رەسپۋبليكاسى ازاماتتارىنىڭ قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن قالىپتاستىرىلعان جۇيەلەنگەن ءتىزىمى.
7. مەملەكەتتىك قىزمەت ىستەرى جونىندەگى ۋاكiلەتتi ورگان جانە ونىڭ اۋماقتىق ورگاندارى «ب» كورپۋسىنىڭ كادر رەزەرۆiنە الۋ تۋرالى شەشiم قابىلداعان ساتتەن باستاپ, رەزەرۆكە الۋ تۋرالى ءوتiنiش بەرگەن ازامات «ب» كورپۋسىنىڭ كادر رەزەرۆiندە تۇراتىن ادام (بۇدان ءارi – رەزەرۆشi) مارتەبەسiنە يە بولادى. مەملەكەتتىك اكىمشىلىك قىزمەتتىڭ كادر رەزەرۆiندە تۇرۋ بiر جىلدان ۇزاققا سوزىلمايدى.
رەزەرۆشiلەردى «ب» كورپۋسىنىڭ مەملەكەتتiك اكiمشiلiك قىزمەتى لاۋازىمدارىنىڭ تيiستi نەمەسە تومەنگi ساناتى لاۋازىمىنا تاعايىنداۋ لاۋازىمدار ساناتتارىنىڭ بiر توبى شەگiندە جۇزەگە اسىرىلادى.
رەزەرۆشىلەردى تاعايىنداۋ «ب» كورپۋسىنىڭ كادر رەزەرۆىنە الىنعان كۇنىنەن باستاپ بiر جىل iشiندە وزدەرiنiڭ كەلiسiمiمەن جانە بىلىكتىلىك تالاپتارىنا ساي بولعاندا جۇزەگە اسىرىلادى.
8. «ب» كورپۋسىنىڭ كادر رەزەرۆiن مەملەكەتتىك قىزمەت ىستەرى جونىندەگى ۋاكiلەتتi ورگان جانە ونىڭ اۋماقتىق ورگاندارى:
1) كونكۋرستىق iرiكتەۋگە قاتىسقان جانە مەملەكەتتىك ورگاننىڭ كونكۋرستىق كوميسسياسى كادر رەزەرۆiنە الۋ ءۇشىن ۇسىنىم بەرگەن;
2) قازاقستان رەسپۋبليكاسى پرەزيدەنتىنىڭ جانىنداعى ءبىلىم بەرۋ ۇيىمدارىندا مەملەكەتتiك تاپسىرىس نەگiزiندە جوعارى وقۋ ورنىنان كەيىنگى ءبىلىم باعدارلامالارى بويىنشا وقۋدان وتكەن;
3) شەتەلدە كادرلار دايارلاۋ جونiندەگi رەسپۋبليكالىق كوميسسيا ايقىندايتىن باسىم ماماندىقتار بويىنشا شەتەلدiڭ جوعارى وقۋ ورىندارىن اياقتاعان;
4) مەملەكەتتiك ورگاندار حالىقارالىق ۇيىمدارعا نەمەسە باسقا مەملەكەتتەرگە جۇمىسقا جiبەرگەن ازاماتتاردىڭ قاتارىنان قالىپتاستىرادى.
9. «ب» كورپۋسىنىڭ كادر رەزەرۆi مەملەكەتتiك قىزمەتشiلەر لاۋازىمدارىنىڭ تiزiلiمiنە سايكەس «ب» كورپۋسىنىڭ مەملەكەتتiك اكiمشiلiك لاۋازىمدارىنىڭ ءاربiر ساناتى ءۇشiن قالىپتاستىرىلادى.
10. «ب» كورپۋسىنىڭ كادر رەزەرۆiنە الۋ ازاماتتاردىڭ ءوزىنىڭ ەرىكتى قالاۋى نەگiزiندە, وسى ەرەجەدە بەلگىلەنگەن تارتىپپەن مەملەكەتتىك قىزمەت ىستەرى جونىندەگى ۋاكiلەتتi ورگاننىڭ نەمەسە ونىڭ اۋماقتىق ورگاندارىنىڭ شەشiمiمەن جۇزەگە اسىرىلادى.
11. رەزەرۆشi جونiندەگi دەرەكتەردi مەملەكەتتىك قىزمەت ىستەرى جونىندەگى ۋاكiلەتتi ورگان جانە ونىڭ اۋماقتىق ورگاندارى جۇيەلەنگەن تiزiمگە ەنگiزەدi جانە مەملەكەتتىك قىزمەت ىستەرى جونىندەگى ۋاكiلەتتi ورگان بەكiتكەن تيiستi تiركەۋ نىساندارىن تولتىرادى.
12. مەملەكەتتىك ورگاننىڭ كونكۋرستىق كوميسسياسىنىڭ ۇسىنىمى بويىنشا «ب» كورپۋسىنىڭ كادر رەزەرۆiنە الىنعان رەزەرۆشى كونكۋرستىق كوميسسياسى ونى الۋعا ۇسىنعان مەملەكەتتىك ورگانعا عانا «ب» كورپۋسىنىڭ كادر رەزەرۆiنەن كونكۋرستان تىس تارتىپتە تاعايىندالادى.
رەزەرۆشiنiڭ زاڭنامادا بەلگiلەنگەن تارتiپپەن «ب» كورپۋسىنىڭ مەملەكەتتiك اكىمشiلiك قىزمەتىنiڭ بوس لاۋازىمىنا ورنالاسۋعا كونكۋرسقا قاتىسۋ قۇقىعى ساقتالادى.
13. مەملەكەتتىك قىزمەت ىستەرى جونىندەگى ۋاكiلەتتi ورگاننىڭ جانە ونىڭ اۋماقتىق ورگاندارىنىڭ رەزەرۆشi بiلiكتiلiك تالاپتارىنا ساي بولعان جاعدايدا ءوز ءوتiنiشi بويىنشا ونى لاۋازىمدار ساناتىنىڭ بiر توبى شەگiندە تومەنگi ساناتتاعى لاۋازىمدارعا ورنالاسۋ ءۇشىن «ب» كورپۋسىنىڭ كادر رەزەرۆiنە اۋىستىرۋعا قۇقىعى بار.
14. «ب» كورپۋسىنىڭ كادر رەزەرۆiمەن جۇمىستى ۇيىمداستىرۋ مەملەكەتتىك قىزمەت ىستەرى جونىندەگى ۋاكiلەتتi ورگانعا جانە ونىڭ اۋماقتىق ورگاندارىنا جۇكتەلەدى.
15. مەملەكەتتىك قىزمەت ىستەرى جونىندەگى ۋاكiلەتتi ورگان مەن ونىڭ اۋماقتىق ورگاندارىنىڭ «ب» كورپۋسىنىڭ كادر رەزەرۆiمەن جۇمىستى ۇيىمداستىرۋ جونiندەگi ءوزارا iس-قيمىل ءتارتiبiن مەملەكەتتىك قىزمەت ىستەرى جونىندەگى ۋاكiلەتتi ورگان ايقىندايدى.
2.2. «ب» كورپۋسىنىڭ كادر رەزەرۆiن كونكۋرستىق iرiكتەۋگە قاتىسقان ازاماتتار قاتارىنان قالىپتاستىرۋ
16. «ب» كورپۋسىنىڭ كادر رەزەرۆiنە الۋ ءۇشىن مەملەكەتتىك ورگاننىڭ كونكۋرستىق كوميسسياسى ۇسىنعان ازاماتتار «ب» كورپۋسىنىڭ كادر رەزەرۆiنە كونكۋرس جاريالانعان لاۋازىم ساناتى بويىنشا الىنادى.
«ب» كورپۋسىنىڭ كادر رەزەرۆiنە الۋ تۋرالى مەملەكەتتىك ورگاننىڭ كونكۋرستىق كوميسسياسى ۇسىنىمدارى ءاربiر بوس لاۋازىم ءۇشiن بiر كانديداتتان ارتىق بولمايتىنداي ەتىپ شىعارىلادى.
ەگەر كونكۋرستىڭ ناتيجەسiندە بوس لاۋازىمعا ورنالاسۋعا كانديدات انىقتالماسا, كونكۋرسقا قاتىسۋشىلاردىڭ ەشقايسىسىنا «ب» كورپۋسىنىڭ كادر رەزەرۆiنە الۋ ءۇشiن ۇسىنىم بەرىلمەيدى.
17. «ب» كورپۋسىنىڭ كادر رەزەرۆiنە الۋ تۋرالى ۇسىنىم ءۇشiن نەگiزدەر كونكۋرسقا قاتىسۋشىنىڭ بوس لاۋازىم ءۇشiن قويىلاتىن بiلiكتiلiك تالاپتارىنا سايكەستiگi, شەكتى ءماندى قاناعاتتاندىراتىن تەستiلەۋ كورسەتكىشتەرi مەن مەملەكەتتىك ورگاننىڭ كونكۋرستىق كوميسسياسى جۇرگiزگەن اڭگiمەلەسۋدiڭ ناتيجەلەرi بولىپ تابىلادى.
18. «ب» كورپۋسىنىڭ كادر رەزەرۆiنە الۋ ءۇشiن ۇسىنىم جاساۋ تۋرالى شەشiمدi مەملەكەتتىك ورگاننىڭ كونكۋرستىق كوميسسياسى داۋىس بەرۋ ارقىلى قابىلدايدى.
19. مەملەكەتتىك ورگاننىڭ كونكۋرستىق كوميسسياسىنىڭ شەشiمi, ەگەر وتىرىسقا ونىڭ قۇرامىنىڭ كەمiندە ۇشتەن ەكiسi قاتىسقان جانە مەملەكەتتىك ورگاننىڭ كونكۋرستىق كوميسسياسىنىڭ قاتىسىپ وتىرعان مۇشەلەرiنiڭ كوپشiلiگi ونى قولداپ داۋىس بەرگەن بولسا, زاڭدى دەپ ەسەپتەلەدi. كوميسسيا مۇشەلەرiنiڭ قاتىسۋى اۋىسۋ قۇقىعىنسىز جۇزەگە اسادى.
كوميسسيا مۇشەلەرiنiڭ سىرتتاي داۋىس بەرۋiنە رۇقسات ەتiلمەيدi.
20. «ب» كورپۋسىنىڭ كادر رەزەرۆiنە الۋ ءۇشiن كونكۋرس وتكiزۋشi مەملەكەتتiك ورگان ون جۇمىس كۇنi iشiندە مەملەكەتتىك قىزمەت ىستەرى جونىندەگى ۋاكىلەتتى ورگانعا جانە ونىڭ اۋماقتىق ورگاندارىنا كونكۋرستىق كوميسسيا وتىرىسىنىڭ «ب» كورپۋسىنىڭ كادر رەزەرۆiنە الۋعا ۇسىنىم جاساۋ جونiندەگi حاتتاماسىنان ءۇزiندiنi, كونكۋرسقا قاتىسۋشىنىڭ جەكە iسپاراعىن جانە ونىڭ «ب» كورپۋسىنىڭ كادر رەزەرۆiنە الىنۋعا جازباشا كەلiسiمiن ۇسىنادى.
21. مەملەكەتتىك قىزمەت ىستەرى جونىندەگى ۋاكiلەتتi ورگان جانە ونىڭ اۋماقتىق ورگاندارى وسى ەرەجەنiڭ 20-تارماعىندا كورسەتىلگەن قۇجاتتاردى العاننان كەيىن جەتi جۇمىس كۇنi ىشىندە «ب» كورپۋسىنىڭ كادر رەزەرۆiنە الۋ نەمەسە مۇنداي الۋدان باس تارتۋ تۋرالى شەشiم قابىلدايدى. باس تارتۋ ءۇشiن نەگiزدەر كونكۋرسقا قاتىسۋشىنىڭ وسى ەرەجەنiڭ 17-تارماعىنىڭ تالاپتارىنا ساي بولماۋى نەمەسە مەملەكەتتىك قىزمەت ىستەرى جونىندەگى ۋاكiلەتتi ورگان بەكiتكەن مەملەكەتتiك اكiمشiلiك بوس لاۋازىمعا ورنالاسۋعا كoنكۋpc وتكiزۋ قاعيدالارىنىڭ بۇزىلۋى بولىپ تابىلادى
2.3. «ب» كورپۋسىنىڭ مەملەكەتتىك اكىمشىلىك قىزمەتىنىڭ كادر رەزەرۆiن قازاقستان رەسپۋبليكاسى پرەزيدەنتىنىڭ جانىنداعى ءبىلىم بەرۋ ۇيىمدارىندا مەملەكەتتiك تاپسىرىس نەگiزiندە جوعارى وقۋ ورنىنان كەيىنگى ءبىلىم باعدارلامالارى بويىنشا وقۋدان وتكەن نەمەسە باسىم ماماندىقتار بويىنشا شەتەلدiڭ جوعارى وقۋ ورىندارىن اياقتاعان ازاماتتار قاتارىنان قالىپتاستىرۋ
22. قازاقستان رەسپۋبليكاسى پرەزيدەنتىنىڭ جانىنداعى ءبىلىم بەرۋ ۇيىمدارىندا مەملەكەتتiك تاپسىرىس نەگiزiندە جوعارى وقۋ ورنىنان كەيىنگى باعدارلامالارى بويىنشا وقۋدان وتكەن نەمەسە باسىم ماماندىقتار بويىنشا شەتەلدiڭ جوعارى وقۋ ورىندارىن اياقتاعان ازاماتتار ءۇشiن «ب» كورپۋسىنىڭ لاۋازىمدارى تيiستi ساناتتارىنىڭ كادر رەزەرۆiنە الىنۋ قۇقىعى وقۋدى اياقتاعان ساتتەن باستاپ تۋىندايدى.
23. وسى ەرەجەنiڭ 22-تارماعىندا سانامالانعان ازاماتتاردى «ب» كورپۋسىنىڭ كادر رەزەرۆiنە الۋ ولار مەملەكەتتىك قىزمەت ىستەرى جونىندەگى ۋاكiلەتتi ورگان بەلگىلەگەن تارتiپپەن تەستiلەۋدەن وتكەننەن كەيiن جۇزەگە اسىرىلادى.
24. وسى ەرەجەنiڭ 22-تارماعىندا اتالعان ازاماتتار «ب» كورپۋسىنىڭ كادر رەزەرۆiنە الىنۋ ءۇشiن مەملەكەتتىك قىزمەت ىستەرى جونىندەگى ۋاكiلەتتi ورگانعا نەمەسە ونىڭ اۋماقتىق ورگاندارىنا مىناداي قۇجاتتار ۇسىنادى:
1) ءوتiنiش جانە مەملەكەتتىك قىزمەت ىستەرى جونىندەگى ۋاكiلەتتi ورگان بەلگiلەگەن نىسان بويىنشا تولتىرىلعان ساۋالناما;
2) بiلiمi تۋرالى قۇجاتتاردىڭ كوشىرمەلەرى نەمەسە وقۋدى اياقتاعانىن راستايتىن قۇجاتتاردىڭ تۇپنۇسقالارى, ال شەتەلدiڭ وقۋ ورنىن اياقتاعان جاعدايدا سونىمەن بىرگە بiلiمi تۋرالى قۇجاتتاردىڭ نەمەسە وقۋدى اياقتاعانىن راستايتىن قۇجاتتاردىڭ نوتاريات كۋالاندىرعان اۋدارماسى;
3) ەڭبەك قىزمەتiن راستايتىن, قازاقستان رەسپۋبليكاسىنىڭ زاڭناماسىندا بەلگiلەنگەن قۇجاتتاردىڭ كوشiرمەلەرi;
4) دەنساۋلىق ساقتاۋ سالاسىنداعى ۋاكىلەتتى ورگان بەلگiلەگەن نىسانداعى دەنساۋلىق جاعدايى تۋرالى انىقتاما;
5) «ب» كورپۋسىنىڭ مەملەكەتتiك اكiمشiلiك قىزمەتi لاۋازىمدارىنىڭ تيiستi ساناتى ءۇشiن بەلگiلەنگەن تەستىلەۋدەن ءوتۋ ناتيجەلەرi;
6) 3×4 سم كولەمدەگi ءبىر فوتوسۋرەت.
ازاماتتار سالىستىرۋدى جۇزەگە اسىرۋ ءۇشىن 2) جانە 3) تارماقشالاردا كورسەتىلگەن قۇجاتتاردىڭ تۇپنۇسقالارىن ۇسىنادى, كەيىن قۇجاتتار ازاماتقا قايتارىلادى.
25. ازاماتتار وزدەرiنiڭ بiلiمiنە, جۇمىس تاجiريبەسiنە, كاسiبي دەڭگەيi مەن جەكە باس قاسيەتىنە قاتىستى قوسىمشا اقپارات (بiلiكتiلiگiن ارتتىرۋ, عىلىمي دارەجەلەر مەن اتاقتار بەرiلۋi تۋرالى قۇجاتتاردىڭ كوشiرمەلەرi, مiنەزدەمەلەر, ۇسىنىمدار, عىلىمي جاريالانىمدار) ۇسىنا الادى. ەگەر ازامات ەڭبەك قىزمەتiن جۇزەگە اسىرماعان جاعدايدا, ەڭبەك قىزمەتiن راستايتىن قۇجاتتىڭ كوشiرمەلەرiن ۇسىنۋ تالاپ ەتiلمەيدi.
26. وسى ەرەجەنiڭ 24-تارماعىندا كوزدەلگەن ءوتiنiش جانە قۇجاتتار تۇسكەن ساتتەن باستاپ ءۇش جۇمىس كۇنi iشiندە مەملەكەتتىك قىزمەت ىستەرى جونىندەگى ۋاكiلەتتi ورگان نەمەسە ونىڭ اۋماقتىق ورگانى ازاماتتى «ب» كورپۋسىنىڭ مەملەكەتتiك اكiمشiلiك قىزمەتى لاۋازىمىنىڭ تيiستi ساناتىنا «ب» كورپۋسىنىڭ كادر رەزەرۆiنە الۋ نەمەسە مۇنداي الۋدان باس تارتۋ تۋرالى شەشiم قابىلدايدى.
27. «ب» كورپۋسىنىڭ كادر رەزەرۆىنە الۋدان باس تارتۋ ءۇشىن نەگىزدەر «ب» كورپۋسىنىڭ مەملەكەتتiك اكiمشiلiك لاۋازىمىنىڭ تيiستi ساناتىنا قويىلاتىن ۇلگiلىك بiلiكتiلiك تالاپتارىنا, قازاقستان رەسپۋبليكاسىنىڭ مەملەكەتتiك قىزمەت تۋرالى زاڭناماسىنىڭ تالاپتارىنا ساي بولماۋى, تەستىلەۋدە مەملەكەتتىك قىزمەت ىستەرى جونىندەگى ۋاكiلەتتi ورگان بەلگىلەگەن شەكتى ماننەن تومەن ناتيجەلەر الۋى نەمەسە وسى ەرەجەنiڭ 24-تارماعىندا كورسەتiلگەن قۇجاتتاردىڭ ۇسىنىلماۋى بولىپ تابىلادى.
2.4. مەملەكەتتiك ورگاندار حالىقارالىق ۇيىمدارعا نەمەسە باسقا مەملەكەتتەرگە جۇمىسقا جiبەرگەن ازاماتتاردان مەملەكەتتiك اكiمشiلiك قىزمەتتiڭ كادر رەزەرۆiن قالىپتاستىرۋ
28. مەملەكەتتiك ورگاندار حالىقارالىق ۇيىمدارعا نەمەسە باسقا مەملەكەتتەرگە جۇمىسقا جiبەرگەن ازاماتتىڭ «ب» كورپۋسىنىڭ كادر رەزەرۆiنە الىنۋ قۇقىعى حالىقارالىق ۇيىمداردان نەمەسە باسقا مەملەكەتتەردەن جۇمىستان ورالعان ساتتەن باستاپ تۋىندايدى جانە قايتىپ ورالعاننان كەيiن ءۇش اي ىشىندە ساقتالادى.
29. وسى ەرەجەنiڭ 28-تارماعىندا سانامالانعان ازاماتتاردى «ب» كورپۋسىنىڭ كادر رەزەرۆiنە الۋ ولار مەملەكەتتىك قىزمەت ىستەرى جونىندەگى ۋاكiلەتتi ورگان بەلگiلەگەن تارتىپپەن تەستiلەۋدەن وتكەننەن كەيiن جۇزەگە اسىرىلادى.
30. وسى ەرەجەنiڭ 28-تارماعىندا اتالعان ازاماتتار «ب» كورپۋسىنىڭ كادر رەزەرۆiنە الىنۋ ءۇشiن مەملەكەتتىك قىزمەت ىستەرى جونىندەگى ۋاكiلەتتi ورگانعا نەمەسە ونىڭ اۋماقتىق ورگانىنا مىناداي قۇجاتتار ۇسىنادى:
1) ءوتiنiش جانە مەملەكەتتىك قىزمەت ىستەرى جونىندەگى ۋاكiلەتتi ورگان بەلگiلەگەن نىسان بويىنشا تولتىرىلعان ساۋالناما;
2) بiلiمi تۋرالى قۇجاتتاردىڭ كوشىرمەلەرى نەمەسە وقۋدى اياقتاعانىن راستايتىن قۇجاتتاردىڭ تۇپنۇسقالارى, ال شەتەلدiڭ وقۋ ورنىن اياقتاعان جاعدايدا سونىمەن بىرگە بiلiمi تۋرالى قۇجاتتاردىڭ نەمەسە وقۋدى اياقتاعانىن راستايتىن قۇجاتتاردىڭ نوتاريات كۋالاندىرعان اۋدارماسى;
3) ەڭبەك قىزمەتiن راستايتىن, قازاقستان رەسپۋبليكاسىنىڭ زاڭناماسىندا بەلگiلەنگەن قۇجاتتاردىڭ كوشiرمەلەرi;
4) دەنساۋلىق ساقتاۋ سالاسىنداعى ۋاكىلەتتى ورگان بەلگiلەنگەن نىسانداعى دەنساۋلىق جاعدايى تۋرالى انىقتاما;
5) «ب» كورپۋسىنىڭ مەملەكەتتiك اكiمشiلiك قىزمەتi لاۋازىمدارىنىڭ تيiستi ساناتى ءۇشiن بەلگiلەنگەن تەستىلەۋدەن ءوتۋ ناتيجەلەرi;
6) 3×4 سم كولەمدەگi ءبىر فوتوسۋرەت.
ازاماتتار سالىستىرۋدى جۇزەگە اسىرۋ ءۇشىن 2) جانە 3) تارماقشالاردا كورسەتىلگەن قۇجاتتاردىڭ تۇپنۇسقالارىن ۇسىنادى, كەيىن قۇجاتتار ازاماتقا قايتارىلادى.
31. ازاماتتار وزدەرiنiڭ بiلiمiنە, جۇمىس تاجiريبەسiنە, كاسiبي دەڭگەيi مەن جەكە باس قاسيەتىنە قاتىستى قوسىمشا اقپارات (بiلiكتiلiگiن ارتتىرۋ, عىلىمي دارەجەلەر مەن اتاقتار بەرiلۋi تۋرالى قۇجاتتاردىڭ كوشiرمەلەرi, مiنەزدەمەلەر, ۇسىنىمدار, عىلىمي جاريالانىمدار) ۇسىنا الادى.
32. وسى ەرەجەنiڭ 30-تارماعىندا كوزدەلگەن ءوتiنiش جانە قۇجاتتار تۇسكەن ساتتەن باستاپ ءۇش جۇمىس كۇنi iشiندە مەملەكەتتىك قىزمەت ىستەرى جونىندەگى ۋاكiلەتتi ورگان نەمەسە ونىڭ اۋماقتىق ورگانى «ب» كورپۋسىنىڭ مەملەكەتتiك اكiمشiلiك قىزمەتى لاۋازىمدارىنىڭ تيiستi ساناتىنا «ب» كورپۋسىنىڭ كادر رەزەرۆiنە الۋ نەمەسە مۇنداي الۋدان باس تارتۋ تۋرالى شەشiم قابىلدايدى.
33. «ب» كورپۋسىنىڭ كادر رەزەرۆىنە الۋدان باس تارتۋ ءۇشىن نەگىزدەر «ب» كورپۋسىنىڭ مەملەكەتتiك اكiمشiلiك لاۋازىمدارىنىڭ تيiستi ساناتىنا قويىلاتىن ۇلگiلىك بiلiكتiلiك تالاپتارىنا, قازاقستان رەسپۋبليكاسىنىڭ مەملەكەتتiك قىزمەت تۋرالى زاڭناماسىنىڭ تالاپتارىنا ساي بولماۋى, تەستىلەۋدە مەملەكەتتىك قىزمەت ىستەرى جونىندەگى ۋاكiلەتتi ورگان بەلگىلەگەن شەكتى ماننەن تومەن ناتيجەلەر الۋى نەمەسە وسى ەرەجەنiڭ 30-تارماعىندا كورسەتiلگەن قۇجاتتاردىڭ ۇسىنىلماۋى بولىپ تابىلادى.
2.5. «ب» كورپۋسىنىڭ كادر رەزەرۆىنە الىنعان ازاماتتاردىڭ مەملەكەتتiك اكiمشiلiك لاۋازىمدارعا ورنالاسۋى
34. بوس مەملەكەتتىك اكiمشiلiك لاۋازىم بار مەملەكەتتiك ورگان كونكۋرس وتكiزگەنگە دەيiن تيiستi ساناتقا رەزەرۆشiلەردiڭ تiزiمiن بەرۋ تۋرالى مەملەكەتتىك قىزمەت ىستەرى جونىندەگى ۋاكiلەتتi ورگانعا نەمەسە ونىڭ اۋماقتىق ورگانىنا سۇراتۋ جولدايدى. سۇراتۋ مەملەكەتتىك قىزمەت ىستەرى جونىندەگى ۋاكiلەتتi ورگان بەكiتكەن نىساندا جولدانادى.
35. مەملەكەتتىك قىزمەت ىستەرى جونىندەگى ۋاكiلەتتi ورگان نەمەسە ونىڭ اۋماقتىق ورگانى سۇراتۋدى العان كۇننەن باستاپ ءۇش جۇمىس كۇنى ىشىندە مەملەكەتتiك اكiمشiلiك قىزمەت لاۋازىمدارىنىڭ سۇراتىلعان ساناتىنا قويىلاتىن بىلىكتىلىك تالاپتارىنا ساي كەلەتىن رەزەرۆشiلەردiڭ تiزبەسiن جولدايدى.
36. مەملەكەتتiك ورگان رەزەرۆشiمەن اڭگiمەلەسۋ وتكiزەدى.
مەملەكەتتiك ورگان رەزەرۆشiلەرگە اڭگىمەلەسۋ وتكىزۋ ورنى مەن ۋاقىتى تۋرالى ونى وتكىزگەنگە دەيىنگى بەس جۇمىس كۇنىنەن كەشىكتىرمەي حابارلايدى, «ب» كورپۋسىنىڭ مەملەكەتتىك اكiمشiلiك قىزمەتىنىڭ اتالعان لاۋازىمىنىڭ فۋنكتسيونالدىق مىندەتتەرىنە سايكەس كەلەتىن سۇراقتار تىزبەسىن بەكىتەدى.
37. مەملەكەتتiك ورگان بوس مەملەكەتتىك اكiمشiلiك لاۋازىمعا رەزەرۆشiنi ورنالاستىرۋ تۋرالى شەشiم قابىلداۋ كەزىندە وسى مەملەكەتتiك ورگاننىڭ كونكۋرستىق كوميسسياسىنىڭ ۇسىنىمى بويىنشا «ب» كورپۋسىنىڭ كادر رەزەرۆiنە بۇرىن الىنعان ادامداردىڭ كانديداتۋرالارىن بiرiنشi كەزەكتە قارايدى.
اتالعان مەملەكەتتىك ورگاننىڭ كونكۋرستىق كوميسسياسىنىڭ ۇسىنىمى بويىنشا كادر رەزەرۆىنە الىنعان رەزەرۆشى بوس مەملەكەتتىك اكىمشىلىك لاۋازىمعا مەملەكەتتىك ورگان بەلگىلەگەن بىلىكتىلىك تالاپتارىنا سايكەس كەلگەن جاعدايدا, مەملەكەتتىك ورگان وسى رەزەرۆشىنى لاۋازىمعا قابىلداۋعا مىندەتتى.
ەگەر «ب» كورپۋسىنىڭ كادر رەزەرۆىندە بەلگىلەنگەن بىلىكتىلىك تالاپتارىنا سايكەس كەلەتىن ءبىر رەزەرۆشىدەن كوبىرەك ادام تۇرعان جاعدايدا, اڭگىمەلەسۋ كەزىندە نەعۇرلىم كوپ سۇراققا جاۋاپ بەرگەن رەزەرۆشى لاۋازىمعا تاعايىندالادى.
38. «ب» كورپۋسىنىڭ كادر رەزەرۆىندە وسى ەرەجەنىڭ 37-تارماعىندا كورسەتىلگەن رەزەرۆشىلەر بولماعان جاعدايدا, مەملەكەتتىك ورگان بەلگىلەنگەن بىلىكتىلىك تالاپتارىنا سايكەس كەلەتىن باسقا رەزەرۆشىلەرمەن اڭگىمەلەسۋ وتكىزەدى. بۇل رەتتە اڭگىمەلەسۋ كەزىندە نەعۇرلىم كوپ سۇراققا جاۋاپ بەرگەن رەزەرۆشى لاۋازىمعا تاعايىندالادى.
39. «ب» كورپۋسىنىڭ كادر رەزەرۆiندە لاۋازىمداردىڭ وسى ساناتى بويىنشا نەمەسە بوس مەملەكەتتىك اكىمشىلىك لاۋازىمعا مەملەكەتتiك ورگان بەلگiلەگەن بiلiكتiلiك تالاپتارىنا سايكەس كەلەتiن رەزەرۆشiلەر بولماعان جاعدايدا مەملەكەتتiك ورگان كونكۋرس وتكiزەدى.
40. مەملەكەتتiك ورگان قابىلدانعان شەشiم تۋرالى مەملەكەتتىك قىزمەت ىستەرى جونىندەگى ۋاكiلەتتi ورگاندى نەمەسە ونىڭ اۋماقتىق ورگانىن رەزەرۆشىلەر ءتىزىمىن العان كۇنىنەن باستاپ بەس جۇمىس كۇنi iشiندە حاباردار ەتۋگە مiندەتتi.
41. بوس مەملەكەتتىك اكىمشىلىك لاۋازىمعا ورنالاسۋ جونىندەگى جوعارىدا كورسەتىلگەن شەشiم تۋرالى جازباشا حابارلامانىڭ نەگiزiندە مەملەكەتتىك قىزمەت ىستەرى جونىندەگى ۋاكiلەتتi ورگان نەمەسە ونىڭ اۋماقتىق ورگانى «ب» كورپۋسىنىڭ كادر رەزەرۆىنە تيiستi وزگەرiستەر ەنگiزەدi. مەملەكەتتىك قىزمەت ىستەرى جونىندەگى ۋاكiلەتتi ورگان نەمەسە ونىڭ اۋماقتىق ورگانى مەملەكەتتiك ورگان تاڭداعان رەزەرۆشiنi حاباردار ەتەدi, ونىڭ جەكە ءiسىن مەملەكەتتiك ورگانعا جولدايدى.
42. رەزەرۆشىنىڭ مەملەكەتتىك قىزمەتكە كىرۋى قازاقستان رەسپۋبليكاسىنىڭ زاڭناماسىندا كوزدەلگەن تارتىپپەن جانە قازاقستان رەسپۋبليكاسىنىڭ مەملەكەتتىك قىزمەت تۋرالى زاڭناماسىندا بەلگىلەنگەن تالاپتار ساقتالا وتىرىپ جۇزەگە اسىرىلادى.
2.6. «ب» كورپۋسىنىڭ كادر رەزەرۆىنەن شىعارۋ
43. مەملەكەتتىك قىزمەت ىستەرى جونىندەگى ۋاكiلەتتi ورگان جانە ونىڭ اۋماقتىق ورگاندارى ازاماتتاردى «ب» كورپۋسىنىڭ كادر رەزەرۆiنەن شىعارۋدى:
1) رەزەرۆشi مەملەكەتتiك قىزمەتتiڭ بوس اكiمشiلiك لاۋازىمىنا ورنالاسقان;
2) رەزەرۆشi «ب» كورپۋسىنىڭ كادر رەزەرۆىنەن شىعۋ تۋرالى ءوتiنiش بەرگەن;
3) «ب» كورپۋسىنىڭ كادر رەزەرۆiنە الۋ تۋرالى شەشiم قابىلداۋ ساتiندە بەيمالiم بولعان نەمەسە ورىن الماعان, قازاقستان رەسپۋبليكاسىنىڭ زاڭناماسىنا سايكەس ازاماتتاردىڭ مەملەكەتتiك قىزمەتتە بولۋىن شەكتەيتiن نەگiزدەر تۋىنداعان;
4) وسى ەرەجەنiڭ 7-تارماعىندا كورسەتiلگەن مەرزiم وتكەن;
5) بوس مەملەكەتتىك اكىمشىلىك لاۋازىمعا ورنالاسۋعا كونكۋرس وتكىزۋ ءتارتىبى بۇزىلعان;
6) «ب» كورپۋسىنىڭ كادر رەزەرۆىنە الۋدىڭ وسى ەرەجەدە بەلگىلەنگەن ءتارتىبى مەن شارتتارى بۇزىلعان جاعدايلاردا جۇزەگە اسىرادى.
44. مەملەكەتتىك اكىمشىلىك قىزمەتتىڭ كادر رەزەرۆىنىڭ ازاماتتار الىنعان لاۋازىمدار ساناتى وزگەرگەن جاعدايدا ولاردىڭ «ب» كورپۋسى مەملەكەتتىك اكىمشىلىك لاۋازىمىنا تاعايىندالۋى جاڭادان بەلگىلەنگەن سانات بويىنشا جۇزەگە اسىرىلادى. تاعايىنداۋ مەملەكەتتiك اكiمشiلiك قىزمەتتىڭ كادر رەزەرۆىنە الىنعان كۇننەن باستاپ بiر جىل iشiندە رەزەرۆشىلەردىڭ كەلiسiمiمەن جانە ولار بiلiكتiلiك تالاپتارىنا ساي بولعان جاعدايدا جۇزەگە اسىرىلادى.
