قازاقستان • 17 قازان، 2019

قازاقستان مەن بۇۇ اراسىنداعى ىنتىماقتاستىق تالقىلاندى

69 رەتكورسەتىلدى

بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى. 

نۇر-سۇلتان قالاسىندا ورنىقتى دامۋ سالاسىنداعى ستراتەگيالىق جوسپارلاۋ بويىنشا ءماجىلىس وتۋدە. مەملەكەتتىك ورگاندار، بۇۇ ەلدىك باعدارلاماسى، ازاماتتىق قوعام جانە عىلىمي توپتار وكىلدەرىنىڭ قاتىسۋىمەن ءوتىپ جاتقان ەكى كۇندىك وتىرىستىڭ ماقساتى – قازاقستان مەن بۇۇ اراسىنداعى ورنىقتى دامۋ سالاسىنداعى 2021-2025 جىلدارعا ارنالعان ىنتىماقتاستىق باعدارلاماسىنىڭ نەگىزگى كونتۋرلارى مەن باسىمدىقتارىن انىقتاۋ بولىپ تابىلادى.

وتىرىستىڭ اشىلۋىندا ءسوز سويلەگەن قر سىرتقى ىستەر ءمينيسترىنىڭ ورىنباسارى ەرجان اشىقباەۆ مەملەكەت باسشىسى ق.توقاەۆ ايقىنداعان قازاقستاننىڭ دامۋىنىڭ نەگىزگى باسىمدىقتارى جايلى باياندادى. اتاپ ايتقاندا، ەلىمىزدىڭ تۇرعىندارىنىڭ ەكونوميكالىق ءال-اۋقاتى مەن الەۋمەتتىك جاعدايىن جاقسارتۋ بويىنشا جۇرگىزىلىپ جاتقان جۇمىس تۋرالى اتاپ ايتىلدى. وتىرىس قاتىسۋشىلارى بۇۇ-نىڭ 2030 جىلعا دەيىنگى كۇن ءتارتىبىن ىسكە اسىرۋ جانە 80%-ى ستراتەگيالىق مەملەكەتتىك قۇجاتتار مەن باعدارلامالارعا ەنگەن ورنىقتى دامۋ ماقساتتارىن لوكاليزاتسيالاۋ بويىنشا ۇكىمەتتىڭ جۇمىسىمەن تانىستىرىلدى.

بۇۇ-نىڭ قازاقستانداعى تۇراقتى ۇيلەستىرۋشىسى نوريماسا شيمومۋرا قازاقستان مەن بۇۇ اراسىنداعى ىنتىماقتاستىق دەڭگەيىن جانە ەلىمىزدىڭ ورنىقتى دامۋىن قامتاماسىز ەتۋ سالاسىنداعى جەتىستىكتەرىن جوعارى باعالاپ، جاڭا ستراتەگيالىق قۇجات ءوزارا سەرىكتەستىكتى ودان ءارى نىعايتۋ ءۇشىن جاقسى نەگىز بولاتىتىنا سەنىم ءبىلدىردى.  

سوڭعى جاڭالىقتار

تاۋەلسىزدىك – تۇعىرىم

ايماقتار • كەشە

كۇلكى كەرۋەنى № 25

رۋحانيات • كەشە

ۇقساس جاڭالىقتار