ايماقتار • 17 قازان، 2019

مەتسەنات بەكزات التىنبەكوۆ 10 انانى «ەگەمەنگە» تەگىن جازدىردى

85 رەتكورسەتىلدى

جەزقازعان قالاسىندا قازاقستان حالقى اسسامبلەياسىنىڭ «قايىرىمدىلىق كەرۋەنى» اكتسياسى اياسىندا وڭىرگە اتى ءماشھۇر مەتسەنات بەكزات التىنبەكوۆ كوپ بالالى وتباسىلارعا تولىمدى تارتۋ جاساپ، سىي-قۇرمەت كورسەتتى. بۇل جولى جومارت جان ۇسىنعان كومەككە ۇيىندە توعىز بالاسى بار احمەتوۆتەر مەن التى بالا ءوسىرىپ وتىرعان بەيسەنباەۆتار وتباسىلارى يە بولدى.

نەگىزى، «قايىرىمدىلىق كەرۋەنى» جەزقازعان قالاسىندا ءبىراز جىلدان بەرى ءداستۇرلى تۇردە ءوتىپ كەلە جاتقان شاراپاتتى شارا. مەتسەناتتىڭ ايتۋىنشا، بيىلعى اكتسيا كوپبالالى وتباسىلارعا قۇرمەت كورسەتۋدى الدىنا ماقسات ەتىپ قويعان ەكەن.

– نەگىزى، بىرنەشە وتباسىنىڭ الەۋمەتتىك جاعدايىن جان-جاقتى قاراستىرىپ، ىرىكتەۋدەن وتكىزدىك. ولاردىڭ ىشىندە تاڭداۋ كومەككە ءزارۋ بولعانىمەن دە، ۇيىشىلىك ىنتىماعى ايرانداي ۇيىپ وتىرعان شاڭىراقتارعا ءتۇستى، – دەگەن مەتسەنات كوپبالالى احمەتوۆتەر مەن بەيسەنباەۆ وتباسىلارىنا «ەگەمەن قازاقستان» گازەتى اتىنان ارقايسىسى 100 مىڭ تەڭگە تۇراتىن قالى كىلەمدەردى تارتۋ ەتتى. سونداي-اق، اتالعان وتباسىلاردىڭ بالالارىنا ماۋسىمدىق كيىم-كەشەك العانعا دەپ 100 مىڭ تەڭگە كولەمىندە اقشالاي كومەك كورسەتىلدى.  بۇدان بولەك، ەكى ۇيگە  جەمىس-جيدەك پەن ازىق-ت ۇلىككە تولى سەبەتتەر سىيعا تارتىلدى. 

بيىلعى «قايىرىمدىلىق كەرۋەنى» اكتسياسى ەل گازەتى «ەگەمەن قازاقستاننىڭ» 100 جىلدىق مەرەيتويى اياسىندا وتكەندىكتەن، مەتسەنات بەكزات التىنبەكوۆ جەزقازعان- ۇلىتاۋ ءوڭىرىنىڭ مادەني ومىرىنە ولشەۋسىز ەڭبەك ءسىڭىرىپ جۇرگەن «اق اجەلەر» ءانسامبلىنىڭ مۇشەلەرىنە تاماشا تارتۋ جاسادى. جومارت جۇرەكتەن ۇىسىنىلعان جەمىس-جيدەك تولى سەبەتتەن بولەك، 10 ونەرپاز اجەنىڭ ارقايسىنا باس باسىلىمنىڭ  ءبىر جىلدىق جازىلىم كۋپوندارى تابىس ەتىلدى.

– ءبىز اجەلەرىمىزدىڭ وتباسىندا، جالپى قازاقتىڭ ءار شاڭىراعىندا ەل جاڭالىعىن جەتكىزەتىن «ەگەمەن قازاقستان» گازەتىنىڭ بولعانىن قالايمىز. سول سەبەپتى الداعى ۋاقىتتا دا كومەككە مۇقتاج قاريالارىمىز باس باسىلىمدى جىل بويى وقىپ تۇرۋى ءۇشىن گازەتكە تەگىن جازدىرىپ وتىراتىن بولامىز، – دەدى مەتسەنات.

قاراعاندى وبلىستىق ءماسليحاتىنىڭ دەپۋتاتى، وبلىستىق «قوعامدىق كەلىسىم» كەڭەسىنىڭ توراعاسى، Nur Otan پارتياسى ساياسي كەڭەسىنىڭ مۇشەسى بەكزات التىنبەكوۆ 15 جىلدان بەرى قايىرىمدىلىق ىستەرىمەن اينالىسىپ كەلەدى. جومارت جاننىڭ جاقىندا عانا جوعارى دەڭگەيدە وتكەن «تۇلعا» سىيلىعىن تاپسىرۋ شاراسى كوپ شارۋاسىنىڭ ءبىرى عانا. «تۇلعا» دەمەكشى، مەتسەنات بۇل سىيلىقتىڭ رەسمي تۇردە بەكىتىلىپ، ارنايى ديرەكتسياسى مەن قورى قۇرىلىپ، الداعى ۋاقىتتا اقپارات، ونەر، ءبىلىم سالالارى بويىنشا جىل سايىن ءداستۇرلى تۇردە تاپسىرىلىپ تۇراتىنىن ءمالىم ەتتى.

ەسكە سالساق، بەكزات التىنبەكوۆتىڭ جەكە باستاماسىمەن بيىل تۇڭعىش رەت وتكەن «تۇلعا» سىيلىعىنىڭ تاپسىرىلۋ سالتاناتى ەل گازەتى «ەگەمەن قازاقستاننىڭ» 100 جىلدىق مەرەيتويىنا ارنالدى.

    

 

قاراعاندى وبلىسى

 

سوڭعى جاڭالىقتار

سىرداعى دوستىق مەرەكەسى

ايماقتار • كەشە

كۇلكى كەرۋەنى № 19

رۋحانيات • كەشە

جاس بۋىن جاڭعىرۋ جولىندا

رۋحانيات • كەشە

ۇقساس جاڭالىقتار