زاڭ جوباسى «نۇر-وتان» پارتياسىنىڭ سايلاۋالدى باعدارلاماسىنىڭ شارالارىن, مەملەكەت باسشىسىنىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىن, قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ «نۇر-وتان» پارتياسىنىڭ XVIII سەزىندە بەرىلگەن تاپسىرمالارىن ورىنداۋ ماقساتىندا, سونداي-اق 2019 جىلعى بيۋدجەتتى اتقارۋ اياسىندا دايىندالعان بولاتىن.2019 جىلعى ەلدىڭ الەۋمەتتىك-ەكونوميكالىق دامۋ بولجامىنىڭ كورسەتكىشتەرى اعىمداعى جىلعى ساۋىردە تۇزەتىلگەن بولجام دەڭگەيىندە ساقتالعان.اعىمداعى جىلدىڭ باسىنان بەرى ەكونوميكانىڭ دامۋ سەرپىنى ەسكەرىلە وتىرىپ, 2019 جىلى ءجىو ءوسىمى بۇرىن بەكىتىلگەن 3,8 % دەڭگەيىندە بولادى دەپ كۇتىلۋدە.2019 جىلعا مۇنايدىڭ بولجامدى باعاسىن ءبىر باررەل ءۇشىن 55 اقش دوللارى دەڭگەيىندە ساقتاۋ ۇسىنىلادى.قازاقستان رەسپۋبليكاسى ۇلتتىق بانكىنىڭ بولجامى بويىنشا جىلدىق ينفلياتسيانىڭ نىسانالى ءدالىزى 4,0 – 6,0% شەگىندە ساقتالعان.
ناقتىلاۋدىڭ نەگىزگى مىندەتتەرى الەۋمەتتىك سالادا شۇعىل قارجىلاندىرىلاتىن جەكەلەگەن ماسەلەلەردى شەشۋ, كەيىنگى جىلداردا ەكونوميكانىڭ ءوسۋى ءۇشىن قوسىمشا كوزدەر جاساۋ جانە 2019 جىلدىڭ سوڭىنا دەيىن ۇكىمەتتىڭ كەزەك كۇتتىرمەيتىن مىندەتتەرگە ارنالعان رەزەرۆىنىڭ اقىلعا قونىمدى دەڭگەيىن قامتاماسىز ەتۋ بولىپ تابىلادى.وسى مىندەتتەردى ىسكە اسىرۋ شىعىستاردى قايتا ءبولۋ جانە 94,9 ملرد. تەڭگەگە ۇلعايتا وتىرىپ, اعىمداعى جىلدىڭ 9 ايى ىشىندە ورىندالۋ ناتيجەلەرى بويىنشا تۇسىمدەردى تۇزەتۋ ارقىلى قامتاماسىز ەتىلەتىن بولادى.
الەۋمەتتىك بلوك شىعىستارى 5,4 ترلن. تەڭگەنى نەمەسە 6,7 ملرد. تەڭگەگە ۇلعايۋمەن شىعىستاردىڭ جالپى كولەمىنىڭ 44,9%-ىن قۇرايدى.ناقتى سەكتور شىعىستارى 15,6 ملرد. تەڭگەگە ۇلعايتىلعان جانە 2,2 ترلن. تەڭگەنى قۇرايدى.جىلىتۋ ماۋسىمىن ۇزدىكسىز وتكىزۋدى قامتاماسىز ەتۋ, جىلۋمەن جابدىقتاۋ وبەكتىلەرىن جىلىتۋ كەزەڭىنە دايىنداۋ ءۇشىن, سونداي-اق باسقا دا كەزەك كۇتتىرمەيتىن ماسەلەلەردى شەشۋ ماقساتىندا ۇكىمەتتىڭ كەزەك كۇتتىرمەيتىن شىعىندارعا ارنالعان رەزەرۆى 61,8 ملرد. تەڭگەگە ۇلعايتىلعان.
زاڭ جوباسىن تالقىلاۋ بارىسىندا سەناتورلار و.پەرەپەچينا, ع.دۇيسەمباەۆ, ن.قىلىشباەۆ, ە.مۇقاەۆ جانە ب.شەلپەكوۆ بيۋدجەتتى ناقتىلاۋ جونىندەگى بىرقاتار ۇسىنىستار ايتتى.
زاڭ جوباسى پالاتانىڭ قاراۋىنا جىبەرىلدى.
