ايتۋىنشا, قازاقستاندا ءسۇت بەزىنىڭ قاتەرلى ىسىگىمەن اۋىراتىندار قاتارى جاسارىپ بارا جاتىر.
ء«بىز حالىققا وبىر اۋرۋلارىن انىقتايتىن تەكسەرىستەرگە, سكرينينگتەرگە كەلىڭىزدەر دەپ, الدىن الۋ جۇمىستارىن بارىنشا ناسيحاتتايمىز. ءومىرىڭىزدىڭ ءبىر كۇنىن تەكسەرىسكە ارناڭىز. ءسۇت بەزىنىڭ قاتەرلى ىسىگى قازىر ەلىمىزدە جاسارىپ بارادى. بۇل دەرتكە 32 جاسىندا, ءتىپتى 28 جاسىندا شالدىققاندار كەزدەستى. سول سەبەپتى, تەگىن تەكسەرىستەن ءوتۋ جاسىن 50-دەن 40 جاسقا دەيىن تومەندەتتىك. ياعني, وسى جاستاعى ايەلدەر كەز كەلگەن كلينيكاعا كەلىپ, تەگىن مامموگرافيادان وتە الادى. مامموگرافتار بارلىق جەردە بار», - دەدى ديليارا قايداروۆا.
سونىمەن قاتار ەلىمىزدە قاتەرلى ىسىكتىڭ الدىن الۋ ءۇشىن بالالارعا تەگىن ەكپە سالىناتىنىن دا ايتىپ ءوتتى.
«دۇنيەجۇزىلىك دەنساۋلىق ساقتاۋ ۇيىمى جاتىر موينى قاتەرلى ىسىگىن ۆاكتسيناتسيا ارقىلى الدىن الۋعا بولاتىن دەرتتەر قاتارىنا جاتقىزادى. ءبىز جاس قىز بالالارعا اتا-انانىڭ رۇقساتىمەن جاتىر موينى قاتەرلى ىسىگى ۆاكتسيناتسياسىن تەگىن ەگۋدى ۇسىنباقپىز. ياعني, اتا-انا رۇقسات بەرسە, بالاسىنا تەگىن ۆاكتسيناتسيا جاسايمىز», - دەدى ديليارا قايداروۆا.
