كەزدەسۋ بارىسىندا تاراپتار قازاقستان مەن امەريكا قارىم-قاتىناستارىنىڭ اۋقىمدى ماسەلەلەرى جونىندە پىكىر الماستى. ن.نۇرسيپاتوۆتىڭ ايتۋىنشا, اقش-پەن كەڭەيتىلگەن ستراتەگيالىق ارىپتەستىكتى نىعايتۋ قازاقستاننىڭ نەگىزگى سىرتقى ساياسي باسىمدىقتارىنىڭ ءبىرى بولىپ تابىلادى.
دەپۋتاتتار دەلەگاتسيانى قازاقستاندا جۇزەگە اسىپ جاتقان الەۋمەتتىك-ەكونوميكالىق جانە ساياسي رەفورمالار تۋرالى حاباردار ەتىپ, قازاقستان پرەزيدەنتى ق.توقاەۆتىڭ الەۋمەتتىك-ەكونوميكالىق جانە تۇرعىن ءۇي جونىندەگى ماڭىزدى ماسەلەلەردى شەشۋ, سوت-قۇقىقتىق جۇيەنى رەفورمالاۋ, سىبايلاس جەمقورلىققا قارسى كۇرەستى كۇشەيتۋ, ايماقتار مەن ازاماتتىق قوعامدى دامىتۋ, جاستاردى ىلگەرىلەتۋ ءۇشىن جاعداي جاساۋ, ازاماتتاردىڭ قارىز جۇكتەمەسىن تومەندەتۋگە باعىتتالعان ون نەگىزگى باسىمدىقتارىنىڭ جۇزەگە اسۋى بارىسىنا ەگجەي-تەگجەيلى توقتالدى.
سەناتور ن.نۇرسيپاتوۆ پارلامەنتارالىق قاتىناستاردىڭ قارقىندى دامۋىنا ريزاشىلىق ءبىلدىردى جانە سەناتتىڭ زاڭ شىعارۋ قىزمەتى تۋرالى حاباردار ەتتى.
