رەسمي دەلەگاتسيانى قارسى العان وبلىس اكىمى اماندىق باتالوۆ:
- سىزدەردى جەتىسۋ جەرىندە كورگەنىمە قۋانىشتىمىن. وزدەرىڭىز بىلەسىزدەر, الماتى وبلىسى - وتە ۇلكەن ايماق, نەگىزگى باعىتى اگروونەركاسىپتىك كەشەندى دامىتۋعا باعىتتالعان. رەسپۋبليكاداعى اۋىل شارۋاشىلىعى ونىمدەرىنىڭ جالپى كولەمىنىڭ 17% بىزدە وندىرىلەدى. بۇگىندە ونەركاسىپ ءوندىرىسى, سونىڭ ىشىندە وڭدەۋ سالاسى دا جاقسى دامۋ ۇستىندە. اسىرەسە, ءبىزدىڭ ءوڭىردىڭ ينۆەستيتسيالىق تارتىمدىلىعىن ەرەكشە اتاپ وتەر ەدىم. وبلىستا «لۋكويل», «مارەۆەن فۋد» سياقتى تانىمال كومپانيالاردىڭ زاۋىتتارى جۇمىس ىستەيدى. جاسىل ەنەرگەتيكا باعىتىندا دا بەلسەندى جۇمىس جۇرگىزىپ كەلەمىز. جۋىردا قۋاتى 100 مۆت بولاتىن كۇن ەلەكتر ستانساسىن ىسكە قوستىق, جوبالار مۇنىمەن توقتالىپ قالمايدى. ءبىز ەكونوميكانىڭ بارلىق سالالارىنا ينۆەستيتسيا تارتۋعا مۇددەلىمىز. سونىمەن قاتار بۇگىنگى كەزدەسۋ ءبىزدىڭ وبلىستا «رانجيس» ءىرى كوتەرمە-بولشەك ساۋدا ورتالىعىن اشۋ تۋرالى ماسەلەنىڭ العا جىلجۋىنا ىقپال ەتەدى دەپ ويلايمىن, - دەدى ا. باتالوۆ.
ءوز كەزەگىندە فرانتسيانىڭ قازاقستانداعى توتەنشە جانە وكىلەتتى ەلشىسى فيليپپە مارتينە جىلى قابىلداۋ مەن ينۆەستيتسيالىق فورۋمعا قاتىسۋعا شاقىرعانى ءۇشىن وبلىس باسشىلىعىنا ريزاشىلىعىن ءبىلدىردى. اۋىل شارۋاشىلىعىندا, تۋريزمدە, تسيفرلاندىرۋ مەن جەك-ءتى دامىتۋ باعىتتارىندا ىنتىماقتاستىق بايلانىستى كەڭەيتۋگە مۇمكىندىكتەر بار ەكەنىن اتاپ وتكەن مارتينە مىرزا, «Idemia Identity & Security» جانە «AlmaTech LLP» كومپانيالارىنىڭ MESTA FUSION» جول قوزعالىسى ەرەجەلەرىنىڭ بۇزىلۋىن فوتوبەينەتىركەۋ جۇيەسىن ەنگىزۋ مەن ىسكە قوسۋ جوباسىن تانىستىردى. بۇل جوبا جول قاۋىپسىزدىگىن قامتاماسىز ەتۋگە ارنالعان.
سونداي-اق مارتينە مىرزا شۇجىق ونىمدەرىن جانە فۋا-گرا شىعارۋدا ءبىر جارىم عاسىرلىق تاجىريبەسى بار «Lostە» كومپانياسىن تانىستىرىپ, كومپانيانىڭ وڭىرمەن بىرلەسىپ جۇمىس ىستەۋگە دايىن ەكەنىن ايتتى.
- بۇل - سىزدەردى حاباردار ەتكىمىز كەلگەن ەكى ناقتى جوبا. الداعى ۋاقىتتا بۇلار ەكى جاقتى ناتيجەلى سەرىكتەستىكتى دامىتۋعا ىقپال ەتەدى دەپ ويلايمىن, - فرانتسۋزدىق ەلشى. سول سياقتى ول ءوز سوزىندە ءوڭىردىڭ تۋريزم سالاسىنا الەۋەتتى ينۆەستورلار تارتۋعا دا قولداۋ كورسەتۋگە ءازىر ەكەندىگىن جەتكىزدى.
كەزدەسۋدى قورىتىندىلاعان وبلىس اكىمى اماندىق باتالوۆ جول قاۋىپسىزدىگىن قامتاماسىز ەتەتىن جوبانى وڭىرگە ەنگىزۋ ماسەلەسىنىڭ وزەكتىلىگىنە توقتالىپ ءوتتى:
- ءبىز وسى جوبانى تەرەڭىرەك مەڭگەرىپ, ونى جۇزەگە اسىرۋشى كومپانيا وكىلدەرىمەن جەلتوقسان ايىنا دەيىن كەزدەسسەك دەيمىز. اۋىل شارۋاشىلىعىنا كەلسەك, بىزدە قانداي ناقتى جوبالار بار جانە قاي باعىتتا سىزدەرمەن ىنتىماقتاستىق جاساعىمىز كەلەتىنى تۋرالى ويلانايىق. جالپى بىزگە شاعىن قانت زاۋىتى, ءجۇزىم, جەمىس-جيدەك ونىمدەرىن, تەرى مەن ءجۇن وڭدەيتىن زاۋىتتار قاجەت. سونىمەن بىرگە باس كونسۋلمەن تۋريزم سالاسىنداعى قارىم-قاتىناس ماسەلەلەرىن ەگجەي-تەگجەيلى قاراستىراتىن بولامىز. بىزگە وسى سالادا تولىمدى تاجىريبە اسا كەرەك. «رانجيس» كومپانياسىمەن ىنتىماقتاستىقتى دامىتۋ ماسەلەسى دە شەشىمىن تابادى دەپ سەنەمىن. اتاپ وتسەك, بىزدە مۇنداي بىرلەسكەن جوبالار بۇرىننان بار. مىسالى, قاراساي اۋدانىندا «لەرۋا مەرلەن» ساۋدا كەشەنى جۇمىس ىستەپ تۇر. ء بىز ءوز تاراپىمىزدان قولداۋ كورسەتۋگە دايىنبىز. ەت وڭدەۋ تۋرالى جوبا دا ءبىزدى قىزىقتىرادى, ونى زەردەلەپ كورۋىمىز كەرەك, - دەگەن ا.باتالوۆ كەزدەسۋگە كەلىپ, ءتيىمدى ۇسىنىستار بىلدىرگەن ەلشىلەرگە ريزاشىلىق ءبىلدىردى.
ايتا كەتۋ كەرەك, فرانتسيانىڭ قازاقستانداعى توتەنشە جانە وكىلەتتى ەلشىسى فيليپپە مارتينە تالدىقورعاندا وتەتىن «JETISY INVEST-2019» كاسىپكەرلىك, ينۆەستيتسيالار مەن يننوۆاتسيالار حالىقارالىق فورۋمىنا قاتىسادى.
