جوعارى وقۋ ورنىندا بۇگىندە 5 قاباتتى ءبىر جاتاقحانا بار. وندا 465 ستۋدەنت تۇرىپ جاتىر. سونىمەن قاتار ۋنيۆەرسيتەت 135 ورىندىق ءبىر عيماراتتى جالعا الادى. ەكەۋىن قوسقاندا بارلىعى 600 ستۋدەنت جاتاقحانامەن قامتاماسىز ەتىلگەن, بۇل - وقۋ ورنىنداعى بارلىق ستۋدەنتتىڭ 25 پايىزى عانا. قالعان 75 پايىز ستۋدەنت پاتەر جالدايدى نەمەسە تۋىستارىنىڭ ۇيىندە تۇرادى.
جاعداي وسىنداي بولعان سوڭ, ۋنيۆەرسيتەت قالاداعى تاۋەلسىزدىك كوشەسىنەن 3 قاباتتى ءتورت جاتاقحانانىڭ قۇرىلىسىن باستادى. الدىمەن جوبالىق-سمەتالىق قۇجاتتاردى دايىنداۋ ءۇشىن جەزقازعان قالاسىنداعى «شەبەر» جاۋاپكەرشىلىگى شەكتەۋلى سەرىكتەستىگىمەن 14 ميليون 560 مىڭ تەڭگەگە كەلىسىم شارت جاسالدى. جوبانىڭ جالپى قۇنى 575 ميلليون 954 مىڭ تەڭگە تۇرادى. قازىر جاتاقحانا قۇرىلىسىن جۇرگىزەتىن مەردىگەرلەر ءۇشىن بايقاۋ اياقتالىپ, ولار انىقتالعان. قۇرىلىستى مامىر ايىنان باستاپ «نالادوچنىي تسەنتر تەميرتاۋ» دەپ اتالاتىن قۇرىلىس كومپانياسى جۇرگىزۋدە. تەحنيكالىق باقىلاۋدى قوستانايدىق «لير» جشس مىندەتىنە الدى.
قوستاناي
