پودپولكوۆنيك قاجىمۇرات المابەكوۆتىڭ توراعالىعىمەن وتكەن شاراعا وبلىستىق ء«دىن سالاسىنداعى ماسەلەلەردى زەرتتەۋ» ورتالىعى ديرەكتورىنىڭ ورىنباسارى ايگۇل ءالى, جازۋشى, جۋرناليست ءمادي الجانباي, ءدىنتانۋشى قانات مۇتەباەۆ قاتىستى.
- ەرتە زاماننان قازاقى داستۇرىمىزبەن بىتە قايناسقان اسىل ءدىندى دارىپتەۋ, عاسىردان عاسىرعا قانىمىزدا تاسىپ, جۇرەگىمىزدە تۋلاپ جاتقان ىزگى ادامي قاسيەت-قۇندىلىقتاردى قايتا تۇلەتۋ ارقىلى ۇلتتىق بولمىسىمىزدى جوعالتپاۋ, تاريحىن تەرەڭگە تارتا جايعان مادەنيەتىمىز بەن ادەبيەتىمىزبەن, سالت-ءداستۇر, ادەت-عۇرپىمىزدى ناسيحاتتاپ, سونداي-اق ءدىني ساۋاتتىلىقتى ارتتىرۋ ارقىلى تەرىس پيىعىلدى ءدىني اعىمداردان ساقتانۋ جولدارىن باستى ماقسات-مۇددەسىنە اينالدىرعان «رۋحاني كەرۋەن» شارا بارىسىندا تىڭدارماندار اراسىندا ساليقالى اڭگىمە ءوربىتتى. وندا مەملەكەتتەگى ءدىني احۋال جايى, قوعامدى جايلاعان جەمقورلىق دەرتى, ەلى, جەرىنە دەگەن پاتريوتيزم, «ۇلتتىق كود» تاقىرىپتارى جايلى كەڭىنەن ايتىلدى, - دەيدى اسكەري ءبولىمنىڭ قوعاممەن بايلانىس ءبولىمىنىڭ مامانى, مايور اسەل مۇراتحان.
شارا بارىسىندا ورتالىق قىزمەتشىلەر وزدەرىن تولعاندىرعان سۇراقتارىن قويىپ, ەركىن پىكىر الماستى. ياعني, جاستاردىڭ قۇمار ويىندارعا سالىنۋ جايى, اسكەريلەردىڭ الەۋمەتتىك ماسەلەسى جايلى ساۋالدارىن ورتاعا سالدى. ءدىنتانۋشىلار تاراپى تاقىرىپتى كەڭىنەن تارقاتىپ, تۇشىمدى جاۋاپ بەردى. وسىلايشا, اسكەريلەردىڭ رۋحىن سەرپىلتكەن باسقوسۋ اشىق اسپان استىنداعى كورمە كەشەنىن تاماشالاۋمەن جالعاستى. ء«دىني ەكسترەميزم مەن تەرروريزمگە جول جوق» تاقىرىبىنداعى open air فورماتىنداعى كورمەگە قوعامدا بەلەڭ العان جات اعىمدار تۋرالى سۋرەتتەر قويىلعان. وندا ماماندار قازاقستان تەرريتورياسىندا ۋاعىزدارىمەن, الەۋمەتتىك جەلىلەردە تارالعان بەينە, اۋديو جازبالارىن تىڭداۋعا تىيىم سالىنعان تۇلعالار تۋرالى تىلگە تيەك ەتتى.
الماتى وبلىسى
