قازاقستان رەسپۋبليكاسى ۇكىمەتىنىڭ قاۋلىسى №1607
سەنبى, 16 اقپان 2013 6:29
2012 جىلعى 14 جەلتوقسان استانا, ۇكىمەت ءۇيى
«جول شارۋاشىلىعىن قۇقىقتىق قامتاماسىز ەتۋدى جەتىلدىرۋ تۋرالى» قازاقستان رەسپۋبليكاسى ۇكىمەتىنىڭ 1998 جىلعى 5 قىركۇيەكتەگى №845 قاۋلىسىنا وزگەرىستەر مەن تولىقتىرۋ ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
سەنبى, 16 اقپان 2013 6:29
2012 جىلعى 14 جەلتوقسان استانا, ۇكىمەت ءۇيى
«جول شارۋاشىلىعىن قۇقىقتىق قامتاماسىز ەتۋدى جەتىلدىرۋ تۋرالى» قازاقستان رەسپۋبليكاسى ۇكىمەتىنىڭ 1998 جىلعى 5 قىركۇيەكتەگى №845 قاۋلىسىنا وزگەرىستەر مەن تولىقتىرۋ ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1.«جول شارۋاشىلىعىن قۇقىقتىق قامتاماسىز ەتۋدى جەتىلدىرۋ تۋرالى» قازاقستان رەسپۋبليكاسى ۇكىمەتىنىڭ 1998 جىلعى 5 قىركۇيەكتەگى № 845 قاۋلىسىنا (قازاقستان رەسپۋبليكاسىنىڭ ءپۇاج-ى, 1998 ج., № 31, 269-قۇجات) مىناداي وزگەرىستەر مەن تولىقتىرۋ ەنگىزىلسىن:
1) كورسەتىلگەن قاۋلىمەن بەكىتىلگەن قازاقستان رەسپۋبليكاسىنىڭ اۋماعىندا اۆتوموبيل جولدارىن پايدالانۋ قاعيدالارى:
مىناداي مازمۇنداعى 4-1-تارماقپەن تولىقتىرىلسىن:
«4-1. وسى قاعيدالاردا مىناداي نەگىزگى ۇعىمدار پايدالانىلادى:
پاسپورت – سىرتقى (كورنەكى) جارناما وبەكتىسى مەن جول سەرۆيسى وبەكتىسى ناقتى جاي-كۇيىنىڭ اۆتوموبيل جولدارى سالاسىنداعى نورماتيۆتىك-تەحنيكالىق قۇجاتتاردا بەلگىلەنگەن تالاپتارعا سايكەستىگىن راستايتىن قۇجات;
تەحنيكالىق شارت – اۆتوموبيل جولدارىندا جول قوزعالىسى قاۋىپسىزدىگىن جانە جول عيماراتتارىن ساقتاۋدى قامتاماسىز ەتۋ ماقساتىندا جۇمىستاردى جۇرگىزۋ كەزىندە ورىندالۋعا جاتاتىن نورماتيۆتىك تەحنيكالىق تالاپتاردى بەلگىلەيتىن قۇجات.»;
11, 12جانە 12-1-تارماقتارمىنادايرەداكتسياداجازىلسىن:
«11. جولداردا جۇمىس جۇرگىزۋگە اۆتوموبيل جولدارىن باسقارۋشى نەمەسە وسى قاعيدالاردا كوزدەلگەن جاعدايلاردا جول پوليتسياسىنىڭ بولىمشەلەرى بەرگەن جۇمىس جۇرگىزۋ قۇقىعىنا رۇقسات (وردەرى) بولعان كەزدە عانا جول بەرىلەدى.
اۆتوموبيل جولدارىن باسقارۋشىلار ءتيىستى رۇقساتتى (وردەردى) بەرگەن كەزدە جۇمىس جۇرگىزۋ باستالعانعا دەيىن ءۇش جۇمىس كۇنى بۇرىن جول پوليتسياسىنىڭ بولىمشەلەرىن حاباردار ەتەدى.»;
12. اۆتوموبيل جولدارىن پايدالانۋشىلار:
1) جول ورگاندارىمەن:
ءىرى گاباريتتى جانە (نەمەسە) اۋىر سالماقتى كولىك قۇرالدارىنىڭ جۇرۋىنە; اۆتوموبيل جولدارىنىڭ ارنالاردىڭ, بايلانىس جانە ەلەكتر بەرۋ جەلىلەرىنىڭ, مۇناي قۇبىرلارىنىڭ, گاز قۇبىرلارىنىڭ, سۋ قۇبىرلارىنىڭ جانە تەمىر جولداردىڭ جانە باسقا دا ينجەنەرلىك جەلىلەر مەن كوممۋنيكاتسيالاردىڭ كەسىپ وتۋىنە;
اۆتوموبيل جولدارىنىڭ جول بويىنداعى جولاعىندا قوناق ۇيلەردى, موتەلدەردى, كەمپينگتەردى, اۆتوموبيلدەرگە جانارماي قۇيۋ ستانتسيالارىن, تەحنيكالىق قىزمەت كورسەتۋ ستانتسيالارىن, تاماقتانۋ جانە ساۋدا پۋنكتتەرىن ورنالاستىرۋعا;
اۆتوموبيل جولدارىنىڭ جولاق بولىگىندە سىرتقى (كورنەكى) جارنامانى ورناتۋعا;
جۇكتەردى تيەۋ جانە ءتۇسىرۋ ءۇشىن جولدان ءتۇسۋ ورىندارى مەن الاڭدار جاساۋعا;
اۆتوموبيل جولدارىندا كولىك قۇرالدارى مەن جاياۋ جۇرگىنشىلەردىڭ جۇرۋىنە كەدەرگى كەلتىرەتىن كەز كەلگەن جۇمىستاردى جۇرگىزۋگە;
اۆتوموبيل جولدارىنىڭ جولاق بولىگىندە جانە جول بويىنداعى بولىگىندە سىرتقى جارىق ءتۇسىرۋ تىرەۋلەرىن ورناتۋعا;
ەسكەرتكىشتەر قويۋعا, شارباقتاردى, ساندىك اعاشتاردى وتىرعىزۋعا;
جالپى پايدالانىمداعى جولاۋشى كولىك قۇرالدارى قوزعالىسىنىڭ مارشرۋتتارىن اشۋعا جانە ايالداما پۋنكتتەرىن ورنالاستىرۋعا;
2) جول پوليتسياسىنىڭ بولىمشەلەرىمەن:
اۆتوموبيل جولدارىندا بۇقارالىق جانە سپورتتىق ءىس-شارالاردى وتكىزۋگە كەلىسىمدەر جۇرگىزەدى.
12-1. جول ورگاندارى ءوتىنىش بەرگەن ساتتەن باستاپ بەس ءجۇمىس كۇنىنەن كەشىكتىرمەي جۇرگىزىلەتىن اۆتوموبيل جولدارىنىڭ جولاق بولىگىندە سىرتقى (كورنەكى) جارنامانى ورناتۋعا كەلىسۋدى قوسپاعاندا (تەحنيكالىق شارتتار مەن پاسپورتتار بەرۋدى جۇزەگە اسىرادى), جەتى جۇمىس كۇنىنەن كەشىكتىرمەي جۇرگىزەدى.
جول پوليتسياسىنىڭ بولىمشەلەرى كەلىسۋدى جەتى جۇمىس كۇنىنەن كەشىكتىرمەي جۇرگىزەدى.
14-تارماق مىناداي رەداكتسيادا جازىلسىن:
«14. قازاقستان رەسپۋبليكاسىنىڭ اۆتوموبيل جولدارى بويىنشا قوزعالۋ ءۇشىن ارنالعان اۆتوكولىك قۇرالدارىنىڭ مۇمكىن بولاتىن پارامەترلەرىن, قازاقستان رەسپۋبليكاسىنىڭ اۋماعىنداعى بولىنبەيتىن ءىرى گاباريتتى جانە اۋىر سالماقتى جۇكتەردى تاسىمالداۋدى ۇيىمداستىرۋ جانە جۇزەگە اسىرۋ قاعيدالارىن قازاقستان رەسپۋبليكاسىنىڭ ۇكىمەتى ايقىندايدى.»;
23-تارماقتىڭ 3) تارماقشاسى مىناداي رەداكتسيادا جازىلسىن:
«3) جول بەلگىلەرى مەن قورشاۋلاردى ورنالاستىرۋدىڭ جانە جۇمىس جۇرگىزىلەتىن ورىنداردىڭ سحەماسىن;»;
24-تارماق الىنىپ تاستالسىن;
32-تارماقتىڭ ءۇشىنشى ابزاتسى مىناداي رەداكتسيادا جازىلسىن:
«جول ورگاندارىنىڭ, اۆتوموبيل جولدارىن باسقارۋشىلاردىڭ نەمەسە وسى قاعيدالاردا كوزدەلگەن جاعدايلاردا, جول پوليتسياسى بولىمشەلەرىنىڭ ءتيىستى كەلىسىمىنسىز جوندەۋ جانە باسقا جۇمىستار جۇرگىزۋگە;»;
44-تارماق مىناداي رەداكتسيادا جازىلسىن:
«44. بۇقارالىق جانە سپورتتىق ءىس-شارالاردى وتكىزۋ كەزىندە جولداردا قوزعالىستى شەكتەۋ نەمەسە توقتاتۋ تۋرالى شەشىمدى جول پوليتسياسىنىڭ بولىمشەلەرى قابىلدايدى.»;
46-تارماق مىناداي رەداكتسيادا جازىلسىن:
«46. جولدىڭ نەمەسە جولدىڭ جولاق بولىگىنىڭ شەگىندە جۇمىس جۇرگىزۋشى ۇيىمدار مەن ازاماتتار جول ورگاندارىمەن كەلىسىلگەن تەحنيكالىق شارتتارى مەن جۇمىس مەرزىمدەرىن ساقتاماعانى, سونداي-اق جۇمىس جۇرگىزۋ ايماعىندا دا, ۋاقىتشا كىرەتىن جانە شىعاتىن جەرلەردە دە قوزعالىستىڭ قاۋىپسىزدىگىن ساقتاماعانى ءۇشىن زاڭدا بەلگىلەنگەن تارتىپپەن جاۋاپتى بولادى.»;
2) كورسەتىلگەن قاۋلىمەن بەكىتىلگەن جالپى پايدالانىمداعى اۆتوموبيل جولدارىنىڭ جولاق بولىگىندە سىرتقى (كورنەكى) جارنامانى ورنالاستىرۋ تارتىبىندە:
7-تارماقتىڭ ءبىرىنشى بولىگى مىناداي رەداكتسيادا جازىلسىن:
«7. پاسپورتتى حالىقارالىق جانە رەسپۋبليكالىق ماڭىزى بار جالپى پايدالانىمداعى اۆتوموبيل جولدارى بويىنشا جول ورگانى نەمەسە وبلىستىق نەمەسە اۋداندىق ماڭىزى بار جالپى پايدالانىمداعى اۆتوموبيل جولدارى بويىنشا جەرگىلىكتى اتقارۋشى ورگان بەس جۇمىس كۇنى ىشىندە بەرەدى.»; 15-تارماقتىڭ ءبىرىنشى بولىگى مىناداي رەداكتسيادا جازىلسىن:
«15.قۇجاتتامالاردى تيىسىنشە رەسىمدەمەي جانە ونى جول ورگاندارىندا نەمەسە جەرگىلىكتى اتقارۋشى ورگانداردا كەلىسپەي, سىرتقى (كورنەكى) جارناما وبەكتىلەرىن ءوز بەتىنشە ورنالاستىرۋعا تىيىم سالىنادى.».
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
