QazaqGeography مەن قر ۇلتتىق مۋزەيىنىڭ بىرلەسىپ ۇيىمداستىرعان كورمەسىنىڭ ماقساتى – قولونەر شەبەرلەرى, وسى سالاداعى جاستار شىعارماشىلىعىنا قولداۋ بىلدىرە وتىرىپ, قولدانبالى ونەر تۋىندىلارىن تانىتۋ جانە ناسيحاتتاۋ. سونىمەن قاتار, قولدانبالى ونەر بويىنشا جاڭا تەحنولوگيالىق ىزدەنىستەر قولدانۋدا جاڭا باعىتتى تانىستىرۋ.
«قازىرگى تاڭدا ستانوكتا, مونۋمەنتالدى كەسكىندەمەدە, گرافيكا مەن مۇسىندەۋدە, سونىمەن قاتار ساندىك-قولدانبالى ونەردە كوپتەگەن ستيلدەر مەن باعىتتار بار. قولدانبالى ونەر – حالىقتىڭ مادەني ءومىرىن كورسەتەتىن سالا. بۇل ونەر ءتۇرى وتكەنىمىز بەن بۇگىنىمىزدى ورتاق ءبىر ارنادا توعىستىرادى. قولونەر تۋىندىلارىنىڭ اراسىندا كيىز ونىمدەرىن ەرەكشە اتاعان ءجون. سەبەبى ەرتە داۋىردەن حالىق مادەنيەتىنە ەنگەن بۇل ونىمدەر بۇكىل ەلدىڭ تاريحىن, رۋحاني ءومىرىن ناسيحاتتايدى»,- دەيدى كورمەنىڭ ارت ساراپشىسى مەن كۋراتورى ارمات بەكتاس.
كورمەنىڭ حەدلاينەرلەرى — ArlanDesign گالەرەياسىنىڭ نەگىزىن قالاۋشىلار – ءتورت اعايىندى اڭقاۋوۆتاردىڭ جۇمىستارى. بالا كەزىنەن باستاپ تورتەۋى دە تىرەك-قيمىل جۇيەسىنە زاقىم كەلتىرەتىن سيرەك كەزدەسەتىن ديۋشەن ەربا-روت ميوپاتياسىمەن اۋىرادى. اعايىندى اڭقاۋوۆتار ءوز شىعارمالارىندا قوي ءجۇنىنىڭ ەرەكشە تەحنيكامەن وڭدەلگەن ءتۇرىن كەڭىنەن قولدانادى. ولار اتا-بابالارىمىزدىڭ كوشپەلى ءومىر سالتى, سالت-داستۇرلەرىمەن رۋحتاندىرىلعان قولدانبالى ونەردىڭ ادەمى تۋىندىلارىن جاسايدى. وزدەرىنىڭ زور ىزدەنىستەرى, ەڭبەكتەرى, زور تالانتتىڭ ناتيجەسىندە قولدانبالى ونەردىڭ جاۋھار تۋىندىلارىن دۇنيەگە اكەلگەن. ولار قولدانعان جاڭا تەحنولوگيالىق باعىت – كيىزدى كەسكىندەمە جاعىنان كورسەتۋ. بۇل تەحنولوگيانىڭ الەمدە بالاماسى جوق. سونىمەن قاتار, بوتاگوز تولەشتىڭ تۋىندىلارى ۇسىنىلادى, ونىڭ ىشىندە «رويال», «ارمان كەرۋەنى», «دجاز» جانە تاعى باسقالارىن اتاپ وتۋگە بولادى.
كورمە 30 قىركۇيەككە دەيىن جالعاسادى.
