«تۇركىستانداعى قوناق ۇيدە بولعان ورتتەن زارداپ شەككەن ءىىم قىزمەتكەرلەرىنىڭ تەز ساۋىعىپ كەتۋىن تىلەيمىن. ولاردىڭ ەرەن ەڭبەكتەرى مەملەكەتتىك ناگرادالارعا لايىق», دەپ جازدى قازاقستان پرەزيدەنتى.
ەسكە سالا كەتەيىك, 10 قىركۇيەك كۇنى تۇركىستان قالاسىندا ورنالاسقان Royal Grand قوناقۇيىندە ءورت شىعىپ, سالدارىنان 11 ادام زارداپ شەككەن. 6 ءورت ءسوندىرۋ قىزمەتكەرى مەديتسينالىق كومەككە جۇگىنگەن. 3 پوليتسيا قىزمەتكەرى جانە 2 قالا تۇرعىنىنا مەديتسينالىق جاردەم كورسەتىلگەن. ورتالىق قالالىق اۋرۋحاناعا 5 زارداپ شەگۋشى جەتكىزىلدى. ولاردىڭ تورتەۋى جاتقىزىلىپ, ءبىر ازامات قايتارىلدى. جاراقات بەكەتىنە 3 ادام تاسىمالداندى. وقيعا ورنىندا پوليتسەيلەر مەن تجق قىزمەتكەرلەرى جۇمىس ىستەپ, ءتىلسىز جاۋدى اۋىزدىقتادى.
