مەنىڭ ويىمشا, پرەزيدەنتتىڭ قازاقستان حالقىنا ارناعان جولداۋىندا ەلدەگى ەڭ وزەكتى ماسەلەلەردىڭ ءبارى قامتىلدى. ياعني, پرەزيدەنت جاعدايدى باقىلاپ, ءبىلىپ وتىر. ءبىز جۋىردا عانا باتىس وڭىرىندە بولىپ, سايلاۋشىلارىمىزبەن كەزدەستىك. سوندا ايتىلعان ەلىمىزدىڭ پروبلەمالاردىڭ بارلىعى بۇگىنگى جولداۋدا كوتەرىلىپ جاتقانىنا قاتتى قۋانىپ وتىرمىن. ماسەلەن, تۋريستىك كلاستەردى كوتەرۋدە قانداي ماسەلەلەردى قاۋزاۋ كەرەك, قانداي سۇراقتاردىڭ توڭىرەگىندە جۇمىس ىستەۋ كەرەكتىگىنە مەملەكەت باسشىسى جان-جاقتى توقتالدى. مەن پرەزيدەنت جولداۋىنداعى كوپ ماسەلەلەردىڭ ىشىنەن حالىقتى الەۋمەتتىك قولداۋ تەتىكتەرىن ەرەكشە اتاپ وتەر ەدىم. ونىڭ ىشىندە كولىك قاتىناسىنا قاتىستى ماسەلەلەر كوتەرىلدى. جاڭاوزەن قالاسىندا سايلاۋشىلار ماڭعىستاۋ وڭىرىنە جەتۋ, تەمىر جولمەن قاتىناۋ قيىندىعىن, اۋە قاتىناسىنىڭ باعاسى شەكتەن تىس قىمبات ەكەنىن ايتقان بولاتىن. بۇگىن پرەزيدەنتىمىز وسى ماسەلەلەردى كوتەردى.
سونداي-اق پرەزيدەنت كەلەسى جىلى ۇلى ابايدىڭ 175 جىلدىعىن توي رەتىندە اتاپ ءوتىپ قانا قويماي, اقىن شىعارمالارىن باسقا قىرىنان ۇعىنۋعا ۇندەدى. بۇل ماسەلەلەر توڭىرەگىندە پارلامەنتتىڭ الدىندا ۇلكەن مىندەتتەر تۇر. پرەزيدەنت سايلاۋالدى باعدارلاماسىن تولىعىمەن جۇزەگە اسىرۋعا بەكىنىپ وتىر. پارلامەنت وسى رەتتە كوپتەگەن زاڭدارعا وزگەرىستەر ەنگىزۋى ءتيىس.
نۇرلان دۋلاتبەكوۆ,
پارلامەنت ءماجىلىسىنىڭ دەپۋتاتى
