فورۋمنىڭ ۇيىمداستىرۋشىلارى اقپارات جانە قوعامدىق دامۋ مينيسترلىگى, وبلىس اكىمدىگى, «ازاماتتىق باستامالاردى قولداۋ ورتالىعى» كەاق.
فورۋم 4 باعىتتا: SOCIAL–ASAR «بيزنەستىڭ الەۋمەتتىك سالانى دامىتۋعا قاتىسۋىنىڭ ءتيىمدى مودەلدەرى», ەCO–ASAR «جاسىل» سەرىكتەستىڭ فورماتىنداعى الەم», IT–ASAR «الەۋمەتتىك سالانىڭ يننوۆاتسيالىق دامۋىنداعى IT جوبالاردىڭ ءرولى» جانە INCLUSIVE – ASAR «ينكليۋزيۆتىك قوعام ۋاقىتى» تاقىرىپتارىندا وتكىزىلەدى.
فورۋم جۇمىسىنا بيزنەس-قۇرىلىمدار, وتاندىق جانە حالىقارالىق ۇەۇ, ساراپشىلار قاۋىمداستىعىنىڭ, ورتالىق جانە مەملەكەتتىك ورگاندار وكىلدەرى قاتىسۋدا.
س.تورايعىروۆ اتىنداعى ۋنيۆەرسيتەت رەكتورى م.ا. مەيرام بەگەنتاەۆ ءسوز سويلەپ, فورۋمعا قاتىسشىلار جۇمىسىنا ساتتىلىك تىلەدى.
ال, ەكى كۇندىك فورۋم شەڭبەرىندە «الەۋمەتتىك يننوۆاتسيالار: وڭىرلىك دامۋ جەتىستىگىنىڭ فورمۋلاسى» تاقىرىبىندا پلەنارلىق وتىرىس وتكىزىلەدى.
ماقسات-ءۇش جاقتى ارىپتەستىكتى جانە ونىڭ تەتىكتەرىن دامىتۋ, الەۋمەتتىك ينۆەستيتسيالار باعىتتارىنىڭ پاراديگماسىنداعى بيزنەستىڭ قىزمەتى, «كىشى» وتاندى دامىتۋعا الەۋمەتتىك ينۆەستيتسيالار ماسەلەلەرىن تالقىلاي الادى.
سونداي-اق, ۇيىمداستىرۋشىلاردىڭ مالىمدەۋىنشە, فورۋمدا ماستەر-كلاسستار, case-study سەمينارلارىن, workshop-تار (پراكتيكۋمدەر), «#7 سپيكەر» ينتەللەكتۋالى كونفەرەنتسياسىن ۇيىمداستىرۋ جانە مەموراندۋمعا قول قويىلماق.
«ASAR activity» جوباسى بارىسىندا فورۋم قاتىسۋشىلارى «بىرگە – تازا قازاقستان» رەسپۋبليكالىق شاراسىنا قوسىلادى.
فورۋم جەرگىلىكتى قوعامداستىقتىڭ الەۋمەتتىك ماسەلەلەردى شەشۋدە بيزنەس, ۇكىمەتتىك ەمەس سەكتور جانە مەملەكەتتىك ورگانداردىڭ كۇش-جىگەرىن بىرىكتىرۋگە ارنالعان.
پاۆلودار
سۋرەتتى تۇسىرگەن: رۋفينا تورپيششەۆا
