ايماقتار • 13 تامىز، 2019

كونە شاھاردىڭ كورىكتى جەرلەرىن تاماشالادى

23 رەتكورسەتىلدى

قازاقستان رەسپۋبليكا­سىنىڭ تۇڭعىش پرەزيدەنتى – ەلباسى نۇرسۇلتان نازارباەۆ­ت­ىڭ­ «رۋحاني جاڭعىرۋ» باع­دار­لاماسىنىڭ اياسىندا جانە جاستار جىلىنا وراي «ەجەلگى تاراز ەسكەرتكىشتەرى» تاريحي-مادەني قورىق-مۋزەيى تاراز قالاسىندا سايا­حات ۇيىمداستىردى.

«تۋعان ەلگە ساياحات» اتتى جوباعا رەسەي، قىتاي، موڭ­عوليا، قىرعىزستان مەم­لەكەتتەرىنەن كەلگەن قانداستارىمىز بەن ەلى­مىزدىڭ ءاربىر ايماعىنان با­لالار قاتىستى. تاراز توپىراعىنا كەلگەن ەكس­كۋر­سيالىق تۋر ەكى جۇز­دەن استام وقۋشىدان قۇ­رالعان. اتالعان توپ «كونە تاراز» كەشەنىندە ۇيىم­داستىرىلعان ءىس-شاراعا بەلسەنە قاتىسىپ، «كونە تاراز» اشىق اسپان اس­تىنداعى ساياباعىندا تا­­­­راز توپىراعىنان تا­بىل­­­عان قۇندى دا تاري­حي جا­دى­گەرلەردەن قۇرال­عان «كو­نەنىڭ كوزى – تاراز­دىڭ­ ءوزى» اتتى ارحەو­لو­گيا­لىق كورمەنى تاماشالادى. سونى­مەن قاتار، جەتكىنشەك تۋريستەر «قا­زاق­تىڭ ۇلتتىق تاعامى» ات­تى بالالارعا ار­نال­عان داس­تارقاننان ءدام تات­تى.

جالپى، جاس تۋريس­تەر ءۇشىن كونە شاھاردىڭ كورىكتى جەرلەرىنە ساياحات قىزىقتى ءوتتى. ساياحات با­رىسىندا بالالارعا «ەجەلگى تاراز – كوپەستەر قا­لاسى» اتتى تاقىرىپتا ۆيكتورينالىق سۇراقتار قويىلىپ، دۇرىس جاۋاپ بەرگەن وقۋشىلار مەن تاربيەشىلەرگە ءتۇر­لى كادەسىيلار مەن اتال­عان قورىق-مۋزەيدىڭ باس­­پا ونىمدەرى تابىس ەتىل­دى. بۇدان كەيىن بالالار تاراز قالاسىندا ورنا­لاسقان قاراحان كەسەنەسى مەن «تورتكۇل» كەرۋەن-ساراي كەشەنىمەن تانىستى. ەكسكۋرسيا بارىسىندا كەيبىر وقۋشىلار كونە شاھارعا العاش رەت كەلىپ تۇرعانىن ايتىپ، العان اسەرلەرىمەن دە ءبو­لىستى. ماسەلەن، گاككۋ تا­ڭات ەسىمدى وقۋشى ەكى مىڭ جىلدىق تاريحى بار تاراز توپىراعىنا تۇڭ­عىش رەت كەلىپتى. بۇرىن تەك كونە شاھار تۋرالى كىتاپ­تاردان وقىپ، تەلەديداردان كورگەنىن ايتقان جەتكىنشەك كەلەشەكتە دە تاراز قالاسىنا اتا-اناسىمەن جانە تۋىستارىمەن ساياحاتتاپ كەلگىسى كەلەتىنىن ايتتى.

 

جامبىل وبلىسى

 

سوڭعى جاڭالىقتار

ۇقساس جاڭالىقتار