ۇكىمەت • 12 تامىز، 2019

اسقار مامين تۇرىكمەنستاندا ءى كاسپي ەكونوميكالىق فورۋمىنا قاتىستى

73 رەتكورسەتىلدى

قر پرەمەر-ءمينيسترى اسقار مامين ءى كاسپي ەكونوميكالىق فورۋمىنا قاتىسۋ ءۇشىن جۇمىس ساپارىمەن تۇرىكمەنباشى قالاسىنا باردى. بۇل تۋرالى primeminister.kz حابارلادى. 

فورۋمنىڭ پلەنارلىق وتىرىسىنا تۇرىكمەنستان پرەزيدەنتى گ. بەردىمۋحامەدوۆ، رەسەي ۇكىمەتىنىڭ توراعاسى  د. مەدۆەدەۆ، ازەربايجان پرەمەر-ءمينيسترى ن. مامەدوۆ، يراننىڭ ءبىرىنشى ۆيتسە-پرەزيدەنتى ە. دجاحانگيري، سونداي-اق، وزبەكستان پرەمەر-ءمينيسترى ا. اريپوۆ پەن بولگاريا پرەمەر-ءمينيسترى ب. بوريسوۆ قاتىستى.

فورۋم جۇمىسى اياسىندا قازاقستان پرەمەر-ءمينيسترى اسقار مامين مەن تۇرىكمەنستان پرەزيدەنتى گۋربانگۋلى بەردىمۋحامەدوۆتىڭ جۇمىس كەزدەسۋى ءوتتى، وندا ەكى ەل اراسىنداعى ساۋدا-ەكونوميكالىق ىنتىماقتاستىقتى ودان ءارى دامىتۋ ماسەلەلەرى تالقىلاندى. 2019 جىلدىڭ ءبىرىنشى جارتى جىلدىعىندا قازاقستان مەن تۇرىكمەنستان اراسىنداعى تاۋار اينالىمى $68 ملن قۇرادى، بۇل وتكەن جىلدىڭ سايكەس كەزەڭىنىڭ كورسەتكىشتەرىنەن 2،2 ەسەگە جوعارى. تاراپتار شەكارا ماڭى ايماقتارى اراسىنداعى ىنتىماقتاستىقتى نىعايتۋدىڭ ماڭىزدىلىعىنا توقتالىپ ءوتىپ، ماشينا جاساۋ، حيميا ونەركاسىبى، مەتاللۋرگيا، اۋىل شارۋاشىلىعى، تۋريزم، كولىك، گاز سالالارىنداعى ەكىجاقتى ءوزارا ءىس-قيمىلدى كەڭەيتۋدىڭ ۇلكەن الەۋەتى بار ەكەنىن اتاپ ءوتتى.

قر پرەمەر-ءمينيسترى اسقار مامين ءوزىنىڭ سويلەگەن سوزىندە ەكونوميكالىق فورۋمدى وتكىزۋ 2018 جىلعى 12 تامىزدا اقتاۋدا وتكەن سامميت كەزىندە قول جەتكىزىلگەن، كاسپي ماڭى مەملەكەتتەرىنىڭ باسشىلارىنىڭ ۋاعدالاستىقتارىن ىسكە اسىرۋ جولى ەكەنىن اتاپ ءوتتى. قر تۇڭعىش پرەزيدەنتى – ەلباسى ن. ءا. نازارباەۆتىڭ توراعالىعىمەن وتكەن اقتاۋ ءسامميتى بارىسىندا كاسپي تەڭىزىنىڭ قۇقىقتىق مارتەبەسى تۋرالى تاريحي كونۆەنتسياعا قول قويىلدى.

كاسپيدە ءوزارا ءىس-قيمىلدىڭ تيىمدىلىگىن ارتتىرۋ قازاقستاننىڭ جاعالاۋ ماڭىنداعى وڭىرلەرىن، كولىك جانە ەنەرگەتيكا ينفراقۇرىلىمىن دامىتۋعا، ەكولوگيالىق تەڭگەرىمدى جانە بيوالۋانتۇرلىلىكتى ساقتاۋعا وڭ اسەرىن تيگىزەدى، ال بۇل قر پرەزيدەنتى ق. ك. توقاەۆتىڭ كاسپي ماڭى مەملەكەتتەرىنىڭ ىنتىماقتاستىعىن دامىتۋ تۋرالى نۇسقاۋلارىنا تولىقتاي سايكەس كەلەدى.  

اسقار مامين كاسپي ماڭى مەملەكەتتەرىنىڭ ساۋدا-ينۆەستيتسيالىق، كولىك، ەنەرگەتيكا، تۋرزيم جانە ەكولوگيا سالالارىنداعى ءوزارا ءتيىمدى ىنتىماقتاستىعىن جانداندىرۋعا قاجەت بىرقاتار باستامانى ۇسىندى.

قازاقستان ۇكىمەتىنىڭ باسشىسى ايماق ەلدەرىنە ينۆەستيتسيالار تارتۋ ءۇشىن قولايلى جاعدايلار جاساۋ قاجەتتىگىن اتاپ ءوتتى، سونىڭ ىشىندە «استانا» حالىقارالىق قارجى ورتالىعى مەن ەركىن ساۋدا ايماقتارى تۋرالى ارەكەت ەتىپ تۇرعان كەلىسىمدەردىڭ مۇمكىندىكتەرىن پايدالانا وتىرىپ جاعداي جاساۋ قاجەت.

اسقار مامين كولىك جۇيەلەرىنىڭ فۋنكتسيونالدىق تولىقتىرىلۋىن جاقسارتۋ جانە مۋلتيمودالدى تاسىمالدار تيىمدىلىگىن ارتتىرۋ بويىنشا ۇسىنىستارىن جەتكىزدى. سونىمەن قاتار، كاسپيدە ءتۋريزمدى دامىتۋ پەرسپەكتيۆالارى دا اتالىپ ءوتتى. كاسپي تەڭىزىنىڭ شيپاجايلارى جىل سايىن بىرنەشە ميلليون ءتۋريستتى قابىلداي الادى.

قازاقستان تاراپى كاسپي تەڭىزىنىڭ ەكوجۇيەسىن ساقتاۋ جۇمىستارىن كۇشەيتۋ قاجەتتىگىنە باسا كوڭىل ءبولدى. قازاقستاندا قۇرىلعان حالىقارالىق جاسىل تەحنولوگيالار مەن ينۆەستيتسيالىق جوبالار ورتالىعى تازا تەحنولوگيالاردى ەنگىزۋدىڭ تابىستى پلاتفورماسىنا اينالا الادى.

سونىمەن قاتار، قازاقستان ۇكىمەتىنىڭ باسشىسى اسقار مامين يران يسلام رەسپۋبليكاسىنىڭ ءبىرىنشى ۆيتسە-پرەزيدەنتى ەسحاك دجاحانگيريمەن كەلىسسوزدەر وتكىزدى، وندا ەكىجاقتى ساۋدا-ەكونوميكالىق ىنتىماقتاستىقتىڭ وزەكتى ماسەلەلەرى تالقىلاندى.

كۇننىڭ ەكىنشى جارتىسىندا اسقار مامين تۇرىكمەنباشى قالاسىنىڭ تەڭىز پورتىنداعى حالىقارالىق كاسپي يننوۆاتسيالىق تەحنولوگيالار كورمەسىنە باردى.

سوڭعى جاڭالىقتار

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار