سونداي-اق ونىڭ باسشىلىعىنا ناقتى تاپسىرمالار بەرىلدى:
-
قازاگرونى, ونىڭ ەنشىلەس كومپانيالارىنىڭ سانىن قىسقارتۋ, ولاردىڭ اراسىندا فۋنكتسيالاردىڭ قايتالانۋىن بولدىرماي, ولاردىڭ فۋنكتسيونالى بويىنشا ناقتى ارا-جىگىن اجىراتۋ ارقىلى ىقشام حولدينگكە اينالدىرۋ;
-
حولدينگتىڭ باسقارۋ ورگاندارىنا شەتەلدىك ساراپشىلاردى تارتۋ;
-
شتاتتى وڭتايلاندىرۋ جانە حولدينگتىڭ وپەراتسيالىق شىعىستارىن قىسقارتۋ جونىندەگى جۇمىستى جالعاستىرۋ;
-
اۋىل شارۋاشىلىعىن قارجىلاندىرۋعا باعىتتالعان بيۋدجەتتىك قاراجاتتىڭ ءتيىمدى جانە ماقساتتى پايدالانىلۋىن قامتاماسىز ەتۋ;
-
اۋىل شارۋاشىلىعى تاۋار وندىرۋشىلەرى ءۇشىن ءتيىمدى نەسيە ونىمدەرىن ازىرلەۋ, نەسيە بەرۋ پروتسەسىن بارىنشا اۆتوماتتاندىرۋ جانە نەسيە وتىنىمدەرىن قاراۋ ۋاقىتىن قىسقارتۋ.
قازاگرو باسشىلىعى ۇكىمەتتى ەڭبەك ونىمدىلىگىن جانە اوك ءونىمىن ەكسپورتتاۋدى ارتتىرۋعا, جەكە ينۆەستيتسيالار مەن يننوۆاتسيالىق تەحنولوگيالاردى تارتۋعا, سونداي-اق اۋىلدا جاڭا بيزنەس باستامالاردى دامىتۋعا باعىتتالعان 10 جىلدىق كەزەڭگە ارنالعان حولدينگ ستراتەگياسىنىڭ جوباسىن ازىرلەۋ تۋرالى حاباردار ەتتى.
نەسيە قورجىنىنىڭ ساپاسىن جاقسارتۋ جانە توقتاپ تۇرعان جوبالاردى ساۋىقتىرۋ بويىنشا شارالار پاكەتى قابىلداندى.
رەفورمالار ناتيجەسىندە حولدينگ قىسقا مەرزىمدە ىقشام جانە ءتيىمدى قارجى ينستيتۋتىنا اينالادى.
قازاگرو ءوز قىزمەتىنىڭ ناتيجەلىلىگىن ارتتىرۋدى جانە 2020 جىلدىڭ قورىتىندىسى بويىنشا تازا پايدا الۋدى جوسپارلاپ وتىر.
