وبلىس اكىمدىگى مەن «وتانداستار قورى» كەاق ەكىجاقتى مەموراندۋمىنىڭ ناتيجەسىندە جازعى دەمالىسقا موڭعوليانىڭ ۇلان-باتىر قالاسى, قوبدا, باي-ولكە ايماقتارىنان 80-گە جۋىق بالا مۇعالىمدەرىمەن بىرگە اتامەكەنگە دەمالۋعا كەلدى.
ۇستاز باقىتگۇل قوناربايقىزىنىڭ ايتۋىنشا, بالالار كۇن سايىن بىلىكتى جانە ءبىلىمدى ۇستازداردان ءدارىس الىپ, مادەني-سپورتتىق شارالارعا قاتىسادى. اتاپ ايتار بولساق, وسىنداعى ۇزدىك وقۋشىلاردىڭ ءبىرى اللابەرگەن قۇرمەتحان ۇلى ولگەي قالاسىنداعى جالپى ءبىلىم بەرەتىن №1 مەكتەپتە وقيدى. دزيۋدودان ەكى دۇركىن ايماق چەمپيونى. ال كەلەسى ءبىر وقۋشى مۇحاممەدالي امانكەلدى ۇلى ەل كولەمىندە ماڭىزدى جارىس – ماتەماتيكادان وتەتىن «مازالاي» وليمپياداسىنىڭ قولا جۇلدەگەرى بولسا, قوبىلاندى ەركىن ۇلى اعىلشىن ءتىلى, حيميا, بيولوگيا سەكىلدى ءپان تۇرلەرىنەن ايماقتىق وليمپيادا جەڭىمپازى.
الدا اتاجۇرتىنا اياق باسقان وقۋشىلار ءماشھۇر ءجۇسىپ كەسەنەسىنە, جاسىباي باتىردىڭ ەسكەرتكىشىنە تاعزىم ەتەدى. باياناۋىلدىڭ باسقا دا كورىكتى جەرلەرىنە ساياحاتقا شىعادى.
«جىل سايىن الىس-جاقىن شەتەلدەردە تۇرىپ جاتقان قازاق وتباسىلارىمەن كەزدەسىپ, ولاردىڭ ۇل-قىزدارىن اتامەكەنگە تارتۋ جونىندە ۇگىت-ناسيحات جۇرگىزەمىز. ەلگە كەلىپ, ءبىلىم الىپ, تۇراقتاپ قالعىسى كەلەتىندەر از ەمەس», دەيدى دۇنيەجۇزى قازاقتارى قاۋىمداستىعىنىڭ پاۆلودار وبلىستىق بولىمشەسىنىڭ باسشىسى بولات زاۋىت.
پاۆلودار وبلىسى,
باياناۋىل اۋدانى
