كومپانيا قۇرىلتايشىلارىنىڭ ءبىرى ءارى باسقارۋشى ديرەكتورى داۋرەن راحمانقۇل فابريكا الماتى قالاسىندا ورنالاسقانىن تىلگە تيەك ەتىپ, پرەزيدەنتتىڭ ءوز تاۋارىن ساتىپ الۋى كۇتپەگەن جاعداي بولعانىن ايتتى. «ايقىن» گازەتىندە ءبىزدىڭ اياق كيىم تۋرالى ماقالا شىقتى. پرەزيدەنت ءباسپاسوز قىزمەتىنىڭ جەتەكشىسى بەرىك ءۋالي قاسىم-جومارت توقاەۆتىڭ وسى ماقالانى وقىپ, جاس كاسىپكەرلەردىڭ وسىنداي اۋىر وندىرىسپەن اينالىسقانىنا قۋانىپ, اياق كيىم ساتىپ العىسى كەلەتىنىن ايتتى. وعان گازەتتەگى سۋرەت ۇناعان» دەيدى كاسىپكەر.
كەيىنىرەك كاسىپكەر WhatsApp مەسسەندجەرىمەن ءباسپاسوز قىزمەتىنىڭ جەتەكشىسىنە اياق كيىمدەردىڭ مودەلدەرىن جىبەرگەن. پرەزيدەنت اياق كيىمنىڭ قوڭىر ءتۇسىن تاڭداپتى.
ء«تۋفليدى «قازپوشتا»-مەن جىبەردىك جانە ول تولەپ الدى. باعاسى 21 مىڭ تەڭگە, ال اياق كيىم ولشەمى – 43. ول قوڭىر ءتۇستى لوفەر الدى. ءبىزدىڭ اياق كيىمدەر تازا بىلعارىدان» دەپ اتاپ ءوتتى داۋرەن راحمانقۇل.
پرەزيدەنت اپپاراتىنان ءتورت جۇپ اياق كيىمگە تاپسىرىس بەرىلگەن ەكەن. ءبىر جۇبى قاسىم-جومارت توقاەۆقا, ەكىنشىسىن بەرىك ۋاليگە جانە تاعى ەكەۋىن ەكى قىزمەتكەر بەرگەن. سونىمەن قاتار پرەزيدەنت اكىمشىلىگىندە ىستەيتىن ايەلدەر اياق كيىمدەرگە قىزىعىپ, وزدەرىنە تاپسىرىس بەرمەكشى بولعان ەكەن.
الايدا, فابريكا ايەلدەر اياق كيىمىن تىكپەيتىن كورىنەدى.
ەسكە سالا كەتسەك, بۇگىن قاسىم-جومارت توقاەۆ Twitter جەلىسىندەگى پاراقشاسىندا قازاقستاندىق كاسىپكەردەن اياق كيىم ساتىپ العانىن جازعان بولاتىن.
«ايقىن» قاراپايىم ەڭبەك ادامدارىن ۇنەمى ناسيحاتتايدى. جاقىندا ەتىك تىگەتىن جاس كاسىپكەر تۋرالى جاقسى سۇحبات جاريالاندى. وتاندىق ءونىمدى قولداۋ ماقساتىندا مەن دە ءبىر اياق كيىمىن ساتىپ الدىم. ادال ەڭبەك ەتىپ, ناقتى كاسىپپەن اينالىسۋعا دەگەن كوزقاراس ورنىعۋى ءتيىس» دەپ جازدى قاسىم-جومارت توقاەۆ.
