ايماقتار • 31 شىلدە، 2019

ەلوردا اكىمدىگى ەكى قىزدى سۋدان قۇتقارعان پوليتسيا قىزمەتكەرى مەن قۇتقارۋشىنى ماراپاتتادى

155 رەت كورسەتىلدى

قالا اكىمى التاي كولگىنوۆ «پريچال» دەمالىس ايماعىندا سۋعا باتىپ بارا جاتقان قىزداردى قۇتقارعان پوليتسيا قىزمەتكەرى رۋسلان سايدوۆ پەن قۇتقارۋشى دميتري ينكيندى ماراپاتتادى. بۇل تۋرالى قالا اكىمدىگىنىڭ رەسمي سايتى حابارلادى.

ء«بىزدىڭ پوليتسيا قىزمەتكەرلەرى مەن قۇتقارۋشىلار ءوز مىندەتتەرىن ابىرويمەن اتقاردى. سىزدەردىڭ جۇمىستارىڭىزدا قيىندىقتار مەن سىناقتار كوپ. ومىردە ءارتۇرلى قيىن جاعدايلار بولىپ تۇرادى، سول كەزدە سىزدەر بىزگە كومەككە كەلەسىزدەر. قاراپايىم سوزبەن ايتقاندا، قۇتقارۋشىلار مەن پوليتسەيلەر ەلدىڭ تىنىش ۇيقىسى ءۇشىن ءبارىن جاسايدى. 28 شىلدەدە شامامەن ساعات 15.00-دە قۇتقارۋشى دميتري ينكين «پريچال» قوناق ءۇيىنىن اۋماعىندا سۋعا باتىپ بارا جاتقان ەكى قىزدى كورىپ، ولاردىڭ ارتىنان سۋعا سەكىردى. وعان جاعالاۋدى كۇزەتىپ جۇرگەن پوليتسيانىڭ اعا ينسپەكتورى رۋسلان سايدوۆ كومەكتەسىپ، وقيعانىڭ كۋاسى بولدى. سىزدەر بىرگە قىزداردى شىعاردىڭىزدار، اۋرۋحاناعا دەيىن العاشقى مەديتسينالىق كومەك كورسەتىپ، جەدەل جاردەم دارىگەرلەرىنە تاپسىردىڭىزدار. ەكى ادامنىڭ ءومىرىن ساقتاپ قالدىڭىزدار»،- دەدى قالا اكىمى التاي كولگىنوۆ.

قالا باسشىسى التاي كولگىنوۆ دميتري ينكين مەن رۋسلان سايدوۆقا ەرلىگى مەن باتىلدىعى ءۇشىن العىس ايتتى.

astana.gov.kz

«بىرنەشە سەكۋند ىشىندە شەشىم قابىلدادىڭىزدار. سۋدان قۇتقارۋ پوليتسەيدىڭ تىكەلەي مىندەتى ەمەس. بىراق سىزدەر كەرەك ۋاقىتتا كەرەك جەردە بولدىڭىزدار. جاساعان ەرلىكتەرىڭىز باسقالارعا ۇلگى بولادى. ەل قورعانى دەگەن اتاققا ابىرويلى قىزمەت ەتە بەرىڭىزدەر! ەڭبەكتەرىڭىزگە جەمىس، ىستەرىڭىزگە ساتتىلىك تىلەيمىن»،- دەدى ا. كولگىنوۆ.

وسى جىلدىڭ وزىندە ەلوردالىق قۇتقارۋشىلار سۋدان 18 ادامدى قۇتقاردى.

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار