بيىلعى التى ايدا كىسى ءولتىرۋ – 28,6, قاراقشىلىق – 40, الاياقتىق – 19,8 پروتسەنتكە تومەندەگەن. مال ۇرلىعىنىڭ ازايعانى بايقالادى. گەرويند ساۋدالاۋمەن اينالىساتىن قىلمىستىق توپ قۇرىقتالىپ, ءىس سوتقا جولدانىپتى.
«كامەلەتكە تولماعانداردىڭ قۇقىقتارىن قورعاۋ سالاسىندا زورلىق ارەكەتتەرىمەن بايلانىستى قۇقىقبۇزۋشىلىقتار 14,3 پروتسەنتكە كەمىدى. الەۋمەتتىك جەلىلەردە 67 توپتىڭ 58 روليگىى بۇعاتتالدى», دەيدى باسقارما باستىعىنىڭ مىندەتىن اتقارۋشى ەرلان نۇرۇشكين.
جۇمىس بەرۋشىلەر تاراپىنان جىبەرىلگەن بىرقاتار ولقىلىقتار تۇزەتىلىپتى. سولاردىڭ ءبىرى جالاقىعا قاتىستى. ماڭداي تەر, تابان اقىسىن الا الماي جۇرگەن 6 مىڭنان استام جۇمىسشى-قىزمەتكەردىڭ جارتى ميلليرد تەڭگەگە جۋىق ەڭبەكاقىسى وتەلگەن.
پەتروپاۆل قالاسىنىڭ پروكۋرورى اسقات اۋقاتوۆتىڭ ايتۋىنشا, 45 كاسىپورىن جالاقى جونىنەن قارىزدار بولىپ قالعان. مۇنداي كەلەڭسىز وقيعا «زيكستو» اق-دا ورىن الىپ, باستاماشىل توپ زاڭدىلىقتى قاداعالاۋ ورگانىنا جۇگىنگەن. پروكۋراتۋرانىڭ ارالاسۋى ارقاسىندا باسشىلىق اۋىسىپ,جاعداي قالپىنا كەلتىرىلگەن.
سولتۇستىك قازاقستان وبلىسى
