ايماقتار • 12 شىلدە، 2019

سۋ شارۋاشىلىعى قىزمەتكەرلەرى كۇنى اتالىپ ءوتتى

210 رەت كورسەتىلدى

قىزىلوردا وبلىسىندا تۇڭعىش رەت ۇكىمەتتىڭ قاۋلىسىنا سايكەس رەسمي تۇردە بەلگىلەنگەن سۋ شارۋاشىلىعى قىزمەتكەرلەرى كۇنى اتاپ ءوتىلدى. مەرەكەلىك شاراعا نۇر-سۇلتان مەن الماتى، سونداي-اق وزبەكستان رەسپۋبليكاسىنىڭ دەلەگاتسيالارى قاتىستى.

وبلىس اكىمىنىڭ ورىنباسارى رۋسلان رۇستەموۆ ايماقتىڭ سۋ شارۋاشىلىعى قىزمەتكەرلەرىن كاسىبي مەرەكەلەرىمەن قۇتتىقتادى.

«ەلباسى، قر تۇڭعىش پرەزيدەنتى نۇرسۇلتان ءابىش ۇلى نازارباەۆتىڭ دەر كەزىندە قابىلداعان شەشىمىنىڭ ارقاسىندا، كىشى ارال تەڭىزىن ساقتاپ قالدىق. بۇگىندە كۇن كورىسى اۋىل شارۋاشىلىعى وندىرىسىنە، ياعني سۋارمالى سۋعا تىكەلەي بايلانىستى اۋىلداعى اعايىننىڭ ارمان-تىلەگىن ورىنداۋ ماقساتىندا سۋ تاپشىلىعىنىڭ الدىن الۋ ءۇشىن وبلىستا بىرقاتار جۇمىستار جۇرگىزىلۋدە. بۇدان بولەك، وبلىستا 3 ملرد تەكشە مەتر تاسقىن سۋ جينايتىن 6 سۋ قويماسىن سالۋ جوسپارلانىپ وتىر. سوڭعى 4 جىلدا اۋىز سۋ ينفراقۇرىلىمىن دامىتۋعا 12 ملرد تەڭگەگە جۋىق قارجى ءبولىنىپ، 60 سۋ ۇڭعىماسى ىسكە قوسىلدى. وبلىس ورتالىعى – قىزىلوردا قالاسى 2015 جىلدان باستاپ تولىعىمەن جەراستى سۋ قورىن پايدالانۋعا كوشتى»، دەدى وبلىس باسشىسىنىڭ ورىنباسارى.

اعىمداعى جىلدىڭ مامىر ايىندا قابىلدانعان قىزىلوردا وبلىسىنىڭ 2019-2022 جىلدارعا ارنالعان الەۋمەتتىك-ەكونوميكالىق دامۋىنىڭ كەشەندى جوسپارىندا ەكولوگيا جانە تابيعاتتى پايدالانۋ سالاسى، ونىڭ ىشىندە سۋ شارۋاشىلىعىن دامىتۋ بويىنشا بىرقاتار جوبالاردى ىسكە اسىرۋ قاراستىرىلعان. اتاپ ايتقاندا، كوكارال بوگەتىن ساقتاۋ جانە سىرداريا وزەنىنىڭ ارناسىن قالپىنا كەلتىرۋ جونىندەگى ءىس-شارالار.

سونداي-اق قىزىلوردا سۋ تورابىن كەشەندى جوندەۋ كوزدەلگەن، ناتيجەسىندە ونىڭ اپاتتىلىق ماسەلەسى شەشىلەتىن بولادى.

بۇدان باسقا، كەشەندى جوسپار اياسىندا «كۇمىسكەتكەن» جانە «قاراوزەك» سۋ قويمالارى سالىنادى، بۇل سۋارمالى جەرلەردىڭ مەليوراتيۆتىك جاعدايىن جاقسارتۋعا جانە سۋارمالى سۋ قورىنىڭ 20 پايىزىن ۇنەمدەۋگە مۇمكىندىك بەرەدى.

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار