«قورعاس ءىسى». سەڭ قوزعالدى…
بەيسەنبى, 25 ءساۋىر 2013 2:39
قازىرگى كۇنى «قورعاس» بەكەتى دەسە جۇرتتىڭ ءبارى ەلەڭ ەتە قالاتىن بولدى. ونداعى كەزىندە ەل-جۇرتتى دۇرلىكتىرگەن كەلەڭسىزدىكتەر ءدۇمپۋى ءالى باسىلار ەمەس. دەگەنمەن, قىلمىسكەرلەرگە «قورعاس» قورعان بولۋدان قالىپ بارا جاتقان سەكىلدى. سەبەبى, ەندى اتىشۋلى «قورعاس», «قالجات» جانە «دوستىق» كەدەن بەكەتتەرى ارقىلى كونتراباندالىق تاۋارلاردى كەدەرگىسىز وتكىزىپ, اقشا تابۋ امالى ازىرگە الىستاي تۇسكەن كورىنەدى. وعان جاقىندا ەلىمىزدىڭ باس پروكۋراتۋراسىنىڭ ارنايى پروكۋرورىنىڭ جەتەكشىلىگىمەن «قورعاس» قىلمىستىق ءىسىنىڭ تەرگەلۋى اياقتالىپ, ايىپتاۋ قورىتىندىسىمەن الماتى قالاسىنىڭ پروكۋرورىنا جولدانعانى ايعاق بولىپ تۇر.
بەيسەنبى, 25 ءساۋىر 2013 2:39
قازىرگى كۇنى «قورعاس» بەكەتى دەسە جۇرتتىڭ ءبارى ەلەڭ ەتە قالاتىن بولدى. ونداعى كەزىندە ەل-جۇرتتى دۇرلىكتىرگەن كەلەڭسىزدىكتەر ءدۇمپۋى ءالى باسىلار ەمەس. دەگەنمەن, قىلمىسكەرلەرگە «قورعاس» قورعان بولۋدان قالىپ بارا جاتقان سەكىلدى. سەبەبى, ەندى اتىشۋلى «قورعاس», «قالجات» جانە «دوستىق» كەدەن بەكەتتەرى ارقىلى كونتراباندالىق تاۋارلاردى كەدەرگىسىز وتكىزىپ, اقشا تابۋ امالى ازىرگە الىستاي تۇسكەن كورىنەدى. وعان جاقىندا ەلىمىزدىڭ باس پروكۋراتۋراسىنىڭ ارنايى پروكۋرورىنىڭ جەتەكشىلىگىمەن «قورعاس» قىلمىستىق ءىسىنىڭ تەرگەلۋى اياقتالىپ, ايىپتاۋ قورىتىندىسىمەن الماتى قالاسىنىڭ پروكۋرورىنا جولدانعانى ايعاق بولىپ تۇر.
سوعان وراي الماتى قالاسىنىڭ پروكۋرورى ايىپتاۋ قورىتىندىسىن بەكىتكەننەن كەيىن ءىس الماتى قالاسىنىڭ قىلمىستىق ىستەر بويىنشا مامانداندىرىلعان اۋدانارالىق اسكەري سوتىنا قاراۋ ءۇشىن جولدانعانىن حابارلادى. ايىپتالۋشىلارعا جانە ولاردىڭ قورعاۋشىلارىنا كولەمى 35 تومدى قۇرايتىن ايىپتاۋ قورىتىندىلارى تابىس ەتىلىپتى. ال سوتقا تۇسكەن قىلمىستىق ىستەردىڭ كولەمى 1576 تومدى قۇرايدى.
ءسويتىپ, باس پروكۋراتۋرانىڭ ارنايى پروكۋرورلار دەپارتامەنتىنىڭ باستىعى ۇ. پاتساەۆتىڭ ايتۋىنشا, تەرگەۋ بارىسىندا ۇلتتىق قاۋىپسىزدىك جانە كەدەندىك باقىلاۋ ورگاندارىنىڭ لاۋازىمدى تۇلعالارى قولداۋ كورسەتكەن ۇيىمداسقان توپتىڭ قىلمىستىق جولى اشىلعان. ولار وزدەرىنىڭ قىزمەتتىك وكىلەتتىكتەرىن پايدالانا وتىرىپ, «قورعاس», «قالجات» جانە «دوستىق» كەدەن بەكەتتەرى ارقىلى كونتراباندالىق تاۋارلاردى كەدەرگىسىز وتكىزۋدى قامتاماسىز ەتكەن.
قىتايدان قازاقستانعا تاۋارلاردى كونتراباندالىق جولمەن كىرگىزۋ, قىلمىستىق جولمەن تابىلعان اقشالاي قاراجاتتى الۋ جانە زاڭداستىرۋدىڭ امالى اشىلىپ, ايىپتى تۇلعالار انىقتالدى. كەدەن ورگاندارىنىڭ قورىتىندىسى بويىنشا 2011 جىلى اكەلىنگەن جانە ۇستالعان كونتراباندالىق جۇكتىڭ قۇنى 1,5 ملرد. تەڭگەنى قۇراعان.
ۇيىمداسقان قىلمىستىق قاۋىمداستىقتىڭ باقىلاۋىنداعى 34 كاسىپورىن انىقتالدى, ولار جاساندى تۇلعالاردىڭ اتىنا ءراسىمدەلگەن جانە ولاردىڭ مەكەنجايىنا نەگىزگى كونتراباندالىق جۇك اعىمى جىبەرىلگەن. سونداي-اق, قىلمىستىق سىزبا بويىنشا قۇجاتتاردى راسىمدەگەن بروكەرلىك كومپانيالار انىقتالىپتى.
تەرگەۋ بارىسىندا ۇيىمداسقان قىلمىستىق قاۋىمداستىقتىڭ 2 كوشباسشىسى جانە قىلمىستىق جولمەن تابىلعان قاراجاتتى جيناعان 3 كاسسير اشكەرەلەندى. قىلمىستىق قاۋىمداستىقتا اتقارىلاتىن رولدەرىنە بايلانىستى ءىس بويىنشا جاۋاپكەرشىلىككە تارتىلىپ وتىرعاندار اراسىنان جالعان ىلەسپە جانە كەدەندىك قۇجاتتاردى دايىنداۋمەن اينالىسىپ كەلگەن 6 بروكەر, كونتراباندالىق جۇكتى الىپ ءجۇرۋ توبىنان 8 ادام, قحر-دان كونتراباندالىق جۇكتى جىبەرۋشى 1 ادام, كەدەندىك بەكەتتەردە جالعان قۇجاتتاردى پايدالانۋ ارقىلى كونتراباندالىق جۇكتى كەدەندىك تازارتۋدى جۇزەگە اسىرعان 8 ايىپتالۋشى انىقتالدى.
ۇيىمداسقان قىلمىستىق قاۋىمداستىق مۇشەلەرىنىڭ قىلمىستىق جولمەن تابىلعان م ۇلىكتەرىن انىقتاۋ ءۇشىن اتقارىلعان جۇمىستاردىڭ قورىتىندىسى بويىنشا 67 جىلجىمايتىن م ۇلىك نىسانىنا, 162 اۆتوكولىككە, بانك ەسەپ-شوتتارىندا, سەيفتەردە ساقتالعان 69 ملن. تەڭگەگە, 1,5 ملن. اقش دوللارىنا, 164 مىڭ ەۆروعا, قۇنى 1,5 ملن. تەڭگەنى قۇرايتىن التىننىڭ 8 ترويا ۋنتسياسىنا (284,828 گرامم), قۇنى 2,6 ملن. تەڭگەنى قۇرايتىن پلاتينانىڭ 10 ترويا ۋنتسياسىنا (311,035 گرامم), قۇنى 1,1 ملن. تەڭگەنى قۇرايتىن ءپاللاديدىڭ 10 ترويا ۋنتسياسىنا (311,035 گرامم) توقتام سالىندى.
سونداي-اق, ايىپتالۋشىلاردىڭ تۇرعىن ۇيلەرىن ءتىنتۋ بارىسىندا 10,2 ملن. تەڭگە, 354 مىڭ اقش دوللارى, 70 مىڭ اراب ديرحامى, 52 مىڭ رەسەي ءرۋبلى, 61 مىڭ قىرعىز سومى, 5 مىڭ اعىلشىن فۋنت ستەرلينگى سوماسىنداعى قولما-قول اقشالاي قاراجات, سونداي-اق ءىرى كولەمدەگى قۇندى زاتتار, ياعني ولاردىڭ ىشىندە بەلگىلى وندىرۋشىلەردىڭ زەرگەرلىك بۇيىمدارى, قول ساعاتتار جانە ت.ب. ءبارى الىندى. ۇيىمداسقان قىلمىستىق توپ مۇشەلەرىنىڭ جانە ولاردىڭ قولداۋشىلارىنىڭ زاڭسىز تابىلعان قاراجاتتارىن, جاقىن تۋىستارى مەن تانىستارى ارقىلى زاڭداستىرۋ ءۇشىن پايدالانۋ دەرەكتەرى انىقتالعان.
زاڭسىز تابىلعان قاراجاتتى زاڭداستىرۋ كومپانيالار جەلىسى ارقىلى, اتاپ ايتقاندا, «تات كرەديت» كرەديتتىك سەرىكتەستىك» جشس ارقىلى جۇرگىزىلگەن, ونىڭ جەتەكشىسى لاۋازىمدى تۇلعالار ەنگىزگەن اقشالاي قاراجاتتىڭ نەگىزىندە ولارعا الماتى جانە استانا قالالارىنداعى تۇرعىن-ءۇي كەشەندەرىندەگى قىمبات تۇراتىن پاتەرلەر جانە باسقا ءمۇلىكتەر ساتىپ الۋدى, ولاردىڭ جانە وتباسى مۇشەلەرىنىڭ كارتوچكالىق ەسەپ-شوتتارىن تولتىرۋدى, شەتەلدىك ساپارلارىن تولەۋدى جانە ت.ب. قامتاماسىز ەتكەن.
قازىرگى ۋاقىتتا اۋىر جانە اسا اۋىر قىلمىستار جاساعاندارى ءۇشىن 45 ادام قىلمىستىق جاۋاپكەرشىلىككە تارتىلىپ وتىر, ولاردىڭ اراسىندا ۇلتتىق قاۋىپسىزدىك كوميتەتىنىڭ 3 قىزمەتكەرى, كەدەن قىزمەتىنىڭ 15 قىزمەتكەرى بار. قىلمىستىق ءىس بويىنشا 42 ايىپتالۋشى تۇتقىندالدى, 3 ادامعا قاتىستى «ەشقايدا كەتپەۋ تۋرالى قولحات الۋ» تۇرىندەگى بۇلتارتپاۋ شاراسى قولدانىلىپ, بولەك شىعارىلعان قىلمىستىق ءىس بويىنشا 19 ايىپتالۋشىعا ىزدەۋ جاريالانعان.
الەكساندر تاسبولاتوۆ,
«ەگەمەن قازاقستان».
