كەڭەسكە قازاقستان پرەزيدەنتى ق.توقاەۆ, ءۇندىستان پرەمەر-ءمينيسترى ن.مودي, قحر توراعاسى س.تسزينپين, رەسەي پرەزيدەنتى ۆ.پۋتين, پاكىستان پرەمەر-ءمينيسترى ي.حان, وزبەكستان پرەزيدەنتى ش. ميرزيوەۆ, تاجىكستان پرەزيدەنتى ە.راحمون, سونداي-اق اۋعانستان پرەزيدەنتى ا.گاني, بەلارۋس پرەزيدەنتى ا.لۋكاشەنكو, يران پرەزيدەنتى ح.رۋحاني, موڭعوليا پرەزيدەنتى ح.باتتۋلگا قاتىسىپ جاتىر.
مەملەكەت باسشىلارى 14 قۇجاتقا, ونىڭ ىشىندە 13 شەشىم مەن شىۇ-عا مۇشە مەملەكەتتەر باسشىلارى كەڭەسىنىڭ بىشكەك دەلاراتسياسىنا قول قويادى دەپ كۇتىلۋدە. سونىمەن قاتار وتىرىس اياسىندا باق, سپورت, دەنساۋلىق ساقتاۋ, شىۇ-نىڭ حالىقارالىق بايلانىسىن كەڭەيتۋ سالالارىنداعى ىقتىماقتاستىقتى قامتيتىن 7 قۇجاتقا قول قويۋ كوزدەلىپ وتىر.
قازاقستان تاراپى باستاماشىلىعىمەن ازىرلەنگەن دەنساۋلىق ساقتاۋ, شىۇ-نىڭ «استانا» حالىقارالىق قارجى ورتالىعىمەن ءوزارا ءىس-قيمىلى, تسيفرلاندىرۋ جانە اقپاراتتىق-كوممۋنيكاتسيالىق تەحنولوگيالار, «شىۇ-اۋعانستان» بايلانىس توبىنىڭ مۇنان ارعى ءىس-قيمىلى سىندى سالالارداعى ىنتىماقتاستىقتى دامىتۋعا باعىتتالعان قۇجاتتار دا راسىمدەلمەك.
ايتا كەتەيىك, 2019-2020 جىلدارى ۇيىمعا توراعالىق رەسەي تاراپىنا وتەدى جانە شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ كەزەكتى وتىرىسى 2020 جىلعا جوسپارلانعان.
