ايماقتار • 14 ماۋسىم، 2019

مەيىرگەر شارحات

247 رەتكورسەتىلدى

مەيىربيكە دەگەن ءسوزدىڭ توركىنى – مەيىرىم. سىرقات جاندى ساۋىقتىرۋعا بار كۇش-جىگەرىن ارنايتىن ابزال جان عانا بۇل  ماماندىقتىڭ ناعىز يەسى اتانا الادى. اتىراۋ وبلىسىنداعى قۇلسارى قالاسىندا وسىنداي مەيىربيكە تۇرادى. ونى جىلىوي اۋدانىنىڭ حالقى «مەيىرگەر شارحات» دەپ ەرەكشە قۇرمەتپەن اتايدى. اۋداندىق اۋرۋحانادا 28 جىلدان بەرى ەڭبەك ەتىپ كەلە جاتقان شارحات سادۋاقاسوۆا ءۇشىن الدىنا كەلگەن ناۋقاستىڭ قۇلان-تازا ايىعىپ كەتكەنىنەن ارتىق باقىت جوق. جازدىڭ اپتاپ ىستىعىندا، قىستىڭ قاقاعان ايازىندا، كۇزگى نوسەر جاۋىندا دا، تاۋلىكتىڭ قاي ۋاقىتى بولسىن ول كومەك كۇتىپ وتىرعان ادامنىڭ ۇيىنە جەتكەنشە اسىعادى. ءدارىسىن بەرىپ، ەكپەسىن سالىپ، قىزۋىن ولشەپ، جاعدايى جاقسارعانشا قاسىندا وتىرۋ قاشاننان ادەتىنە اينالعان. قالا تۇرعىنى زەينوللا بوزتاەۆ: «دەنساۋلىعىم سىر بەرە قالسا، مەيىرگەر شارحاتتى ىزدەيمىن، دەيدى. – كەز كەلگەن ۋاقىتتا قاسىمىزدان تابىلادى، ءبىزدىڭ ۋچاسكەدە وسىنداي مەديتسينا مامانىنىڭ بولعانىنا قۋانامىز». مۇنداي مىسالدار كوپ. وزىنە بولىنگەن ۋچاسكەنىڭ جاسىمەن دە، كارىسىمەن دە ءتىل تابىسىپ، ەلگە ەتەنە جاقىن بولعانى ءۇشىن دە جەرلەستەرى ونى جاقسى كورەدى.

ناۋقاس ادامعا كەيدە دارىگەردىڭ دارىسىنەن بۇرىن اشىق-جارقىن قاباعى اسەر ەتەدى. شارحات مايلانقىزى ەمدىك شارالار جۇرگىزبەس بۇرىن ءار سىرقاتتىڭ جانىنا ءۇڭىلىپ، كۇش-جىگەر بەرۋدى ادەتىنە اينالدىرعان. «مەيىرگەر بولعىسى كەلەتىن جاستاردىڭ الدىمەن ادامگەرشىلىك قاسيەتتەرى جوعارى بولۋى ءتيىس، – دەيدى ول. – ادام تاعدىرىنا نەمقۇرايلى قاراماۋ، كۇي­زەلىسكە ءتوزىمدى بولۋ دا ماڭىزدى. مەنىڭ ۋچاس­كەمدە 1700 ادام بار، ولاردىڭ ءبارىن تۋىس­تارىمداي كورەمىن».

شارحات  مايلانقىزى 1965 جىلى جىلىوي اۋدانى قاراتون اۋىلىندا كوپ بالالى وتباسىندا دۇنيەگە كەلگەن. ورتا مەكتەپتى ءتامام­داعاننان كەيىن سول كەزدەگى گۋرەۆ مەديتسينا كوللەدجىنە وقۋعا تۇسەدى. بالا كۇننەن ار­مانداعان مەيىربيكە ماماندىعىن مەڭگەرىپ، ەڭ­بەك جولىن ماڭعىستاۋ وبلىسى مۇنايلى اۋدانىنداعى جەدەل جاردەم بولىمشەسىنەن باستادى. 1986 جىلى تۋعان جەرىنە ورالىپ، تەڭىز قالاشىعىندا جۇمىسىن جالعاستىرعان. 1991 جىلى تۇرمىس قۇرىپ، جىلىوي اۋداندىق ورتالىق اۋرۋحاناسىنا مەيىرگەر بولىپ ورنالاستى. سودان بەرى وسى جۇمىسىن ابىرويمەن اتقارىپ كەلەدى.

قىزمەتىندە ارىپتەستەرىنە سىيلى، اۋىلداستارىنا بەدەلدى شارحات سادۋاقاسوۆا ءبىر اۋلەتتىڭ ونەگەلى كەلىنى، اسىل جار، ابزال انا. ومىرگە ءۇش بالا اكەلىپ، زايىبىمەن بىرگە باقىتتى عۇمىر كەشۋدە.

قاراپايىم ادامي باقىت دەگەن دە وسى ەمەس پە؟

 

اتىراۋ

سوڭعى جاڭالىقتار

تولەم الۋعا – Telegram-بوت

قوعام • بۇگىن، 08:05

پەتروپاۆل كارانتينگە جابىلدى

ايماقتار • بۇگىن، 08:00

قارجى حالىققا باعىتتالادى

ۇكىمەت • بۇگىن، 07:53

قۇپتارلىق قادام

پارلامەنت • بۇگىن، 07:47

مەشىتتە بەتپەردە تسەحى اشىلدى

ايماقتار • بۇگىن، 07:35

ەلگە پايداسى تيگەن ادام جاقسى

پارلامەنت • بۇگىن، 07:30

اۋدان ءومىرىنىڭ ايناسى

ايماقتار • بۇگىن، 07:27

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار