ايماقتار • 14 ماۋسىم، 2019

روبوت ارقىلى وپەراتسيا جاسايدى

254 رەت كورسەتىلدى

جاس دارىگەر، حيرۋرگ رينات مۇزدىباەۆتى وبلىستىق دەنساۋلىق ساقتاۋ باسقارماسى بەرگەن تىزىمنەن ۇيالى تەلەفونى ارقىلى تاۋىپ، حابارلاستىق. دارىگەر جۇمىس ىستەيتىن ۋرولوگيا ءبولىمىن ارالاپ، بەيتانىس ەمدەلۋشىلەردى اڭگىمەگە تارتتىق. «پاتسيەنتتەرگە جاقسى قارايدى، ارىپتەستەرىنىڭ ءبارى قۇرمەتتەيدى» دەدى بىزگە وسى جەردە 16 جىلدان بەرى جۇمىس ىستەيتىن گالينا پورياگينا.

 ۋرولوگيا ءبولىمىنىڭ بەكەتىن­دە وتىرعان قىزداردان ءوزىمىز ءومىرى كورمەگەن دارىگەر تۋرالى­ سىر سۋىرپاقتادىق. «التىن قول­­دى دارىگەر. ول كوبىنە ءىش قۇرى­لىستارىنا لاپاروسكوپيالىق وپەراتسيالار جاسايدى. وسىن­دا­عى بىلتىر اشىلعان روبوت­تان­دىرىلعان حيرۋرگيا ورتا­لىعىندا ءبىزدىڭ بولىمنەن رينات قانا وپەراتسيا جاساي الادى. ءبىلىمىن جەتىل­دىرىپ، شەتەلدە وقىپ كەلدى»، دەدى وزدەرىن ەلۆيرا، اراي، تانيا دەپ تانىستىرعان ءۇش مەدبيكە.

ءبىز پالاتا ارالاپ جۇرگەندە ىزدە­گەن دارىگەرىمىز دە قىزمەت ءبول­مەسىنە كەلىپ، كۇتىپ وتىر ەكەن. 1982 جىلى وسكەمەندە دۇنيەگە كەل­گەن، 2005 جىلى سەمەيدىڭ مە­دي­تسينالىق اكادەمياسىن ءبىتىر­گەن رينات مۇراتحان ۇلى 2008 جىل­دان بەرى شىعىس قازاقستان وبلىستىق مامانداندىرىلعان مەدي­تسينالىق ورتالىعىنىڭ (بۇ­رىنعى №1 قالالىق اۋرۋحانا)  ۋرو­لوگيا بولىمىندە ەڭبەك ەتىپ كەلەدى. «وپەراتسيالاردى روبوتتىڭ كومەگىمەن دە، لاپاروسكوپيالىق تاسىلمەن دە جاسايمىز. وبلىس اكىمى دانيال احمەتوۆتىڭ باستاماسىمەن اشىلعان روبوتتاندىرىلعان حيرۋرگيا ورتالىعىندا بىلتىردان بەرى 100-دەن استام وپەراتسيا ج­ا­سادىق. ارينە، بريگادامەن، كو­مان­­دامەن جۇمىس ىستەيمىز. ونىڭ ىشىندە حيرۋرگ تە، ۋرولوگ تا، ونكولوگ تا بار» دەيدى ءبىرىنشى ساناتتى ۋرو­لوگ-دارىگەر.

رينات 2017 جىلى وڭىردەگى دارىگەرلەردىڭ بىلىكتىلىگىن ارتتىرۋ باعدارلاماسى اياسىندا گەرمانيا مەن يتاليا مەملەكەتتەرىنە بارىپ، روبوت كومەگىمەن وپەراتسيا جاساۋدىڭ قىر-سىرىن سول جاقتاعى ما­مانداردان ۇيرەنىپ قايتىپتى. «ءاري­نە، روبوتتى اشىق وپەراتسيامەن سا­لىستىرۋعا كەلمەيدى. دەسەك تە ار­تىقشىلىقتارى كوپ. ماسەلەن، ادامنىڭ اتى ادام عوي، وپەراتسيا بارىسىندا كەيدە دارىگەردىڭ قولى دىرىلدەۋى مۇمكىن. ال روبوت ناقتى. ءسال باياۋ بولۋى مۇمكىن، بىراق ءدال. باعدارلامانى قوياسىڭ، بولدى. روبوتتىڭ قولدارى دا يكەمدى. ادامنان گورى مۇمكىندىگى زور. ادام ىستەي المايتىن دۇنيەلەردى جاسايدى. 360 گرادۋستا ەمىن-ەركىن بۇرىلادى. تەز ەمدەپ، تەز تىگەدى. روبوت پەن لاپاروسكوپيا اشىق وپە­راتسيالاردى ازايتۋعا سەپتىگىن تي­گىزدى» دەيدى ول.

ءسوز اراسىندا بۇعان دەيىن قان­­شا وپەراتسيا جاساعانىن دا سۇ­را­دىق. «ەسىمدە جوق، ساناماپپىن. ءبىز­ مەرگەن ەمەسپىز عوي» دەپ قىس­قا قا­يىر­­دى.

جاس دارىگەر بىلتىر ەلباسىنىڭ جارلىعىمەن «ەرەن ەڭبەگى ءۇشىن» مەدالىمەن ماراپاتتالىپتى. 2018 جىلى «قازاقستاننىڭ 100 جاڭا ەسى­مى» جوباسىنىڭ وبلىستىق كەزە­ڭىنە قاتىستى. «مەنى كىم ۇسىن­عا­نىن ءوزىم دە بىلمەدىم» دەپ تاڭ­دا­نادى ءوزى.

ءيا، رينات مۇراتحان ۇلى قاق-سوقتا ءىسى جوق، اتاق-ابىروي سوڭىنان الاوكپە بولىپ جۇگىرمەيتىن قارا­پايىم دارىگەر.

وسكەمەن

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار