مەديتسينا • 14 ماۋسىم، 2019

مەديتسينا مايتالماندارى ماراپاتتالدى

336 رەت كورسەتىلدى

دارىگەر ماماندىعىن تاڭداۋ ءۇشىن مەيىرىم توگەر جۇرەك پەن ۇلكەن ادامي قۇندىلىقتاردى قاستەرلەي ءبىلۋ قاجەت. ويتكەنى اق جەلەڭدى جاندار پاتسيەنتكە ءبىلىمى مەن بىلىگىن، جۇرەك جىلۋىن سىيلاماسا، دەندەگەن دەرتتى جەڭۋ مۇمكىندىگى تارىلا تۇسپەك. سوندىقتان دارىگەرلەردىڭ العاۋسىز مەيىرىمىنىڭ ءوزى شيپالى ەم ىسپەتتى.

ماۋسىم ايىنىڭ ءۇشىنشى جەكسەنبىسىنە تامان ەلىمىزدە مەديتسينا قىزمەتكەرلەرىن قۇرمەتكە بولەگەن مەرەكەلىك شارالاردىڭ تىزبەگى باستالدى. ماسەلەن، ەلوردا­نىڭ بەيبىتشىلىك جانە كەلىسىم سارايىندا جاستار جىلى  جانە «رۋ­حاني جاڭعىرۋ» باعدارلاماسى ايا­سىندا «جاستار ەنەرگياسى – ەلور­دالىق دەنساۋلىق ءىسىنىڭ سە­نىم­دى بولاشاعى» اتتى مەديتسينا قىزمەتكەرلەرى كۇنىنە ارنالعان دەن­ساۋلىق ساقتاۋ مەكەمەلەرى اراسىنداعى «ALTYN SHIPAGER» مەديتسينالىق سىيلىعىن تابىستاۋ ءراسىمى وتكىزىلدى. قىزىل كىلەممەن ءجۇرىپ، قوشەمەتكە بولەنگەن مەديتسينا قىزمەتكەرلەرىنىڭ جۇزدەرى بال-بۇل جاينادى.

استانالىق مەديتسينا قىزمەت­كەر­لەرى اراسىندا اتالعان سىيلىق­تى تاپسىرۋ سالتاناتى بيىل ەكىن­شى مارتە ءوتتى. دەنساۋلىق ساق­تاۋ ءمينيسترى ەلجان ءبىرتانوۆ ءارىپ­تەستەرىن قۇتتىقتاي وتىرىپ، «ەڭ ۇزدىك جاس ۋچاسكەلىك دارىگەر» نومي­ناتسياسىنىڭ جەڭىمپازى – «نيەت» وتباسىلىق دەنساۋلىق ساقتاۋ ور­تا­لىعىنىڭ جالپى تاجىريبەلىك دارىگەرى سالتانات تاكەەۆاعا «التىن شيپاگەر» مۇسىنشەسى مەن 1 ملن تەڭگە قارجىلاي سەرتيفيكاتىن تابىستادى. سونداي-اق مينيستر ءبىر توپ مەديتسينا قىزمەتكەرلەرىنە ۆەدومستۆولىق گراموتالار، مەدالدار مەن مەملەكەتتىك وردەندەر تاپسىردى. سالتاناتتى كەشتە 11 اتالىم بويىنشا سىنعا تۇسكەن جەڭىمپازدار التىنداتقان لاۆر بۇتاعىن يەلەندى. ەجەلگى نانىم بويىنشا لاۆر اعاشى – جەڭىسكە جەتۋ، قورعاۋ مەن ماڭگىلىك ۇعىمدارىنىڭ جانە تازا ءبىلىمنىڭ نىشانى سانالادى.

سونىمەن بىرگە كەشە «استانا بالەت» عيماراتىندا «دەنساۋلىق ساقتاۋ جۇيەسىنىڭ ۇزدىكتەرى» رەس­پۋب­ليكالىق بايقاۋىنىڭ جەڭىمپازدارى ماراپاتتالدى. «ءار­بىر ناۋقاستىڭ جان قينالىسىن ءوز بويلارىڭىزدان وتكىزەسىزدەر، ولاردىڭ جۇزىندەگى ءاربىر كۇلكى سىزدەردىڭ جۇمىستارىڭىزعا تىكەلەي بايلانىستى»، دەدى دەن­ساۋلىق ساقتاۋ مينيسترلىگىنىڭ جاۋاپتى حاتشىسى بولات توكەجانوۆ ماراپاتتاۋ راسىمىندە.

2019 جىلدىڭ قۇرمەتىنە بيىل 19 اتالىم بەلگىلەنىپتى. بايقاۋ ءناتي­جەسىندە، «ۇزدىك دارىگەر» اتالىمىندا پاۆلودارلىق ونكولوگ-حيرۋرگ تەلمان العوجين ۇزدىك دەپ تانىلدى.  ارىپتەستەرى الدىندا مەرەيگە بولەنگەن جەڭىمپاز: «مەنىڭ ەڭبەك وتىلىمە بيىل – 23 جىل. 1996 جىلى ينستيتۋت بىتىرىسىمەن پاۆلودار وبلىستىق ونكولوگيالىق ديسپانسەرىنە جۇمىسقا كەلدىم. وسى جەردە تابان اۋدارماستان 20 جىلدان استام ۋاقىت ەڭبەك ەتۋ­دەمىن»، دەدى.

ال جامبىل وبلىسى قورداي اۋداندىق ورتالىق اۋرۋحاناسىنىڭ دارىگەرى، اكۋشەر-گينەكولوگ شى­نار وسەرباەۆا «ۇزدىك اۋىل ءدارى­گەرى»، اقمولا وبلىسىنداعى كوپبەيىندى وبلىستىق اۋرۋحانانىڭ مەدبيكەسى وكسانا سيتنەر «ۇزدىك مەدبيكە» اتالىمىندا توپ جاردى.

الماتى قالاسى قوعامدىق دەنساۋلىق ساقتاۋ باسقارماسى جەدەل جاردەم قىزمەتىنىڭ 3-ءبولى­مىندە جۇمىس ىستەيتىن داريعا قانە­توۆا «ۇزدىك فەلدشەر» اتانسا، «العاشقى مەديتسينالىق-سانيتارلىق كومەك كورسەتۋدەگى ۇزدىك دارىگەر» اتالىمىندا اقتوبە قالاسىنداعى «وتباسىلىق مەديتسينا ورتالىعىنىڭ» دارىگەرى گۇلاينا ءىزىموۆا ەرەكشەلەندى. ءار اتالىمنىڭ ۇزدىگى قۇرمەتكە لايىق ەكەنى انىق. ال نوميناتسيا تاپسىرۋعا شىققان دارىگەرگە  ۇزاق قول سوعۋ سيرەك بولاتىن كورىنىس. ويتكەنى ول قوشامەتتىڭ ءجونى بولەك، ول ارىپتەستىڭ بىلىگىن، ەڭبەگىن باعالاۋ. زال تولى جيىلعان قاۋىم التىن قانداۋىرلى دارىگەر جاقسىلىق دوسقاليەۆكە قۇرمەت كورسەتتى.

سونىمەن «ۇزدىك سانيتارلىق-ەپيدەميولوگيالىق دارىگەر» نو­مي­ناتسياسىنىڭ باس جۇلدەسى ال­ما­تى وبلىسى تاۋارلار­ مەن قىزمەتتەردىڭ ساپاسىن باقى­لاۋ دەپارتامەنتى ىلە اۋداندىق باسقارماسىنىڭ مامانى باعيلا ابەۋوۆاعا بۇيىرسا، قى­زىلوردالىق اسەل قادىراليەۆا «ۇزدىك قوعامدىق دەنساۋلىق ساقتاۋ ما­مانى» اتانىپ، پاۆلودار قالاسى №3 ەمحاناسىنىڭ باس دارىگەرى قايىرلى قابىلوۆ «دەنساۋلىق ساقتاۋداعى ۇزدىك مەنەدجەر-ۇيىم­­داستىرۋشى» جۇلدەسىن جە­ڭىپ الدى. «مەديتسينالىق جو­عا­­رى وقۋ ورىندارىنىڭ ءۇز­دىك وقى­تۋشىسى» اتالىمىندا «ۇلت­تىق مەديتسينالىق ۋنيۆەرسيتەت» اق فارماتسيا ەكونوميكاسى، ۇيىمداستىرۋ جانە باسقارۋ كا­­فەدراسىنىڭ مەڭگەرۋشىسى قاي­رات جاقىپبەكوۆ توپ جاردى. «مەديتسينالىق كوللەدجدىڭ ءۇز­دىك وقىتۋشىسى» جۇلدەسى قوس­تا­ناي جوعارى مەديتسينالىق كول­لەدجىنىڭ وقىتۋشىسى سۆەت­لا­نا شۋلەيكوعا، «دەنساۋلىق ساق­تاۋ سالاسىنداعى ۇزدىك جاس زەرت­­تەۋشى» اتالىمىندا «سەمەي مەديتسينالىق ۋنيۆەرسيتەتى» اق­ دەكانى ايان مىساەۆ ۇزدىك شىق­تى. ال «دەنساۋلىق ساقتاۋ سا­لا­سىنداعى ۇزدىك عالىم» نوميناتسياسى قاراعاندى مەملەكەتتىك مەديتسينالىق ۋنيۆەرسيتەتىنىڭ ديرەكتورى دميتري بابەنكوعا تابىستالدى. «ۇزدىك سانيتارلىق-ەپيدەميولوگيالىق ساراپتاما مامانى» اتالىمىن عىلىمي-پراك­­تيكالىق سانيتارلىق-ەپي­دە­ميولوگيالىق ساراپتاما ور­تا­­لىعى فيليالىنىڭ زەرتحانا مەڭگەرۋشىسى گاۋھار نۇسىپباەۆا يەلەنسە، قاراعاندى وبلىستىق ونكولوگيالىق ديسپانسەرىنىڭ ونكولوگ-دارىگەرى تاتيانا حايتيدي «ۇزدىك تاۋەلسىز ساراپشى» اتاندى. سونىمەن بىرگە «دەنساۋلىق ساقتاۋ سالاسىنداعى ۇزدىك الەۋمەتتىك قىز­مەتكەر» اتالىمىندا الماتى №4 قالالىق ەمحاناسىنىڭ الەۋ­مەتتىك قىزمەتكەرى ەردوس كەمال­شاەۆ جە­ڭىم­پاز اتاندى.

جەڭىمپازدارعا ديپلوم جانە ەستەلىك سىيلىقتار تابىس ەتىلدى. سالتاناتتى جيىن مەرەكەلىك كونتسەرتپەن اياقتالدى.

سوڭعى جاڭالىقتار

كابۋلدا جارىلىس بولدى

وقيعا • بۇگىن، 17:08

وتاندىق فيلمدەردىڭ ۇلەسى ارتادى

قازاقستان • بۇگىن، 16:20

الماتىدا باقىلاۋ كۇشەيتىلدى

كوروناۆيرۋس • بۇگىن، 14:08

اقشا ەمەس، ابىروي قىمبات

بوكس • بۇگىن، 13:04

كۇرشىم وزەنى دە لاستانا باستادى

ەكولوگيا • بۇگىن، 12:38

تىلىكسىز وتا جاسالدى

مەديتسينا • بۇگىن، 12:20

ۇقساس جاڭالىقتار