ونىڭ باستى سەبەبى قالاداعى كارىز جەلىلەرىنە سارقىندى سۋدىڭ تازارتىلماي قۇيىلاتىنى بولىپ وتىر. سونداي-اق «قازگيدرومەت» اق-نىڭ اۆتوماتتاندىرىلعان بەكەتتەرى اۋاداعى كۇكىرتتى سۋتەگىنىڭ كوبەيىپ كەتۋ دەرەگىن بىرنەشە رەت تىركەگەنى دە وبلىس ورتالىعىنداعى ەكولوگيالىق احۋالدى كۇردەلەندىرە تۇسۋدە. ايتالىق, بەلگىلەنگەن شەك بويىنشا ونىڭ قالىپتى دەڭگەيى 0,8 ميلليگرامم بولسا, بۇل كورسەتكىش رۇقسات ەتىلگەن نورمادان 10 ەسە اسىپ كەتكەن.
تاعى ءبىر ماسەلە, «اقبۇلاق» اق ماماندارى جىل باسىنان بەرى قالدىق سۋداعى زياندى زاتتار قۇرامى مەن مولشەرىن انىقتاۋ ءۇشىن 203 رەت سىناما الۋ جۇمىستارىن جۇرگىزدى. ونىڭ ناتيجەسى كوڭىل جابىرقاتادى. ياعني, تەكسەرىستەر كەزىندە اقتوبە قالاسىنداعى 100 كاسىپورىننان شىعارىلعان لاس سۋدا زياندى زاتتار كوپ مولشەردە تابىلعان.
«اقبۇلاق» اق ۆيتسە-پرەزيدەنتى تيمۋر باباناەۆتان وسى ماسەلەنىڭ سەبەبىن سۇراعان ەدىك.
«كاسىپورىن يەلەرى بيوپرەپاراتتار نەمەسە ماي تۇتقىش قوندىرعىلار مەن كاتاليزاتورلاردى ورناتۋ ارقىلى زياندى زاتتار كولەمىن اجەپتاۋىر ازايتا الادى. ءبىز ءوز تاراپىمىزدان ولارعا وسىنداي تالاپ-تىلەكتەر قويىپ كەلەمىز», دەدى ول.
بۇگىندە اقتوبە وبلىسى بويىنشا ەكولوگيا دەپارتامەنتى اعىندى سۋلاردى ءجيى اعىزاتىن كاسىپورىنداردى انىقتاۋ ماقساتىندا جوسپارلى تەكسەرىستەر جاساۋدا. اقتوبە قالاسىنداعى كارىز جۇيەسىنە 3800-دەن استام ابونەنت سۋ اعىزادى. ونىڭ 469-ى وندىرىستىك سيپاتتاعى كاسىپورىندار مەن نىساندار بولسا, 156-ى قوعامدىق تاماقتاندىرۋ ورىندارى ەكەن.
بۇعان دەيىنگى زەرتتەۋلەر ءسپيرتتى ىشىمدىكتەر مەن گازدالعان سۋسىندار شىعاراتىن ورىندار لاس سۋدى ەڭ كوپ اعىزاتىن نىسانداردىڭ قاتارىندا ەكەنىن ايعاقتايدى. 2018 جىلى «اقتوبە» اق ەكى ارادا جاسالعان كەلىسىمگە سايكەس اعىندى سۋداعى لاستاۋشى زاتتاردىڭ كونتسەنتراتتارىن ازايتاتىن پرەپاراتتار قوسۋ جونىندە ۇسىنىس جاساپتى. سونىمەن بىرگە كاتاليزاتور قويۋ ارقىلى ورىن العان ولقىلىقتىڭ زاردابىن ازايتۋ جونىندە ماسەلە قويىلدى. ايتسە دە اتالعان كاسىپورىن بۇعان ءمان بەرمەي كەلەدى.
تۇپتەپ كەلگەندە بۇل ماسەلەدەن زارداپ شەگەتىن قالا تۇرعىندارى.
اقتوبە
