ءبارىمىزدىڭ تىلەگىمىز بىرەۋ, ول – ەل تىنىشتىعى. بۇل ورايدا ستراتەگيالىق ماڭىزدى مىندەتتەردى ودان ءارى باياندى ەتە وتىرىپ, حالىقتىڭ ءال-اۋقاتىن, تۇرمىسىن جاقسارتۋ باسىم باعىتتاردىڭ ءبىرى بولىپ قالا بەرمەك. مەملەكەت باسشىسى قىزمەتكە كىرىسكەن كۇننەن باستاپ ۇلتتىق مۇددە مەن ءبىرلىككە ۇلكەن ءمان بەرەتىنىن, مىقتى مەملەكەتتىڭ بولاشاعى ناق وسى قۇندىلىقتارمەن تىعىز بايلانىستى ەكەنىن ءمالىمدەدى. حالىق الدىندا سالتاناتتى تۇردە انت بەرە وتىرىپ وزىنە جۇكتەلگەن بارلىق تالاپتاردى قالتقىسىز ورىندايتىنىن اتاپ كورسەتتى.
الدىمىزدا اۋقىمدى ءمىندەتتەر تۇرعانىن جاقسى بىلەمىز. سوندىقتان تاريحقا قۇرمەتپەن قاراۋ, وتانعا ادال بولۋ, عىلىم-بىلىمگە ۇمتىلىس سەكىلدى حالقىمىزدىڭ بويىنداعى اسىل قاسيەتتەردى ەلىمىزدىڭ ەرتەڭى – جاستارعا اماناتتاي ءبىلسەك, باسەكەگە قابىلەتتىگىمىز ارتادى, بىرلىگىمىز نىعايادى. ەڭ باستىسى, قيىندىقتار مەن پروبلەمالاردى بىرىگىپ ەڭسەرۋدىڭ, سىن-قاتەرلەردى جەڭۋدىڭ بىرىڭعاي تاجىريبەسى قالىپتاسىپ, وركەنيەتتى مەملەكەتتەر قاتارىنا قوسىلۋمەن قاتار, جاسامپاز وزگەرىستەر كۇندەلىكتى داعدىعا اينالارى ءسوزسىز.
«باق باعالاعاننىڭ باسىندا تۇرادى» دەگەن تاماشا ءسوز بار. ساياسي كۇشتەردىڭ بەلسەنە قاتىسۋىمەن دەموكراتيالىق تالاپتارعا ساي ءوتكەن ساياسي ناۋقان ورتاق ماقسات جولىندا جۇدىرىقتاي جۇمىلا بىلەتىنىمىزدى, ەلدىك ماسەلەلەر ەشكىمدى بەيجاي قالدىرمايتىنىن كورسەتتى. قوعامدى مازالايتىن, تولعاندىراتىن پروبلەمالاردىڭ شەشۋ جولىن ۇسىنعان پرەزيدەنتتىڭ ناقتى باعدارلاماسى ءبارىمىزدىڭ كوكەيىمىزگە قونادى.
گۇلباقشا مۇساباەۆا,
«ۇرپاق» قازاق مادەني-اعارتۋ ورتالىعىنىڭ ءتورايىمى,
قازاقستان حالقى اسسامبلەياسىنىڭ مۇشەسى
سولتۇستىك قازاقستان وبلىسى
