القالى جيىنعا قحا ءتوراعاسىنىڭ ورىنباسارى – حاتشىلىق مەڭگەرۋشىسى جانسەيىت تۇيمەباەۆ, قحا توراعاسىنىڭ ورىنباسارى يۋسۋپ كەليگوۆ, شەرزود پۋلاتوۆ جانە پارلامەنت ءماجىلىسى توراعاسىنىڭ ورىنباسارى ۆلاديمير بوجكو, سونداي-اق پارلامەنت ءماجىلىسىنىڭ دەپۋتاتتارى مەن قحا كەڭەسىنىڭ مۇشەلەرى, قوعام قايراتكەرلەرى, زيالى قاۋىم وكىلدەرى قاتىستى.
باسقوسۋدا الدىمەن جانسەيىت تۇيمەباەۆ ءسوز باستاپ, قاسىم-جومارت توقاەۆتىڭ قازاقستان رەسپۋبليكاسىنىڭ پرەزيدەنتى بولىپ سايلانۋى ەلىمىزدىڭ جاڭا تاريحي كەزەڭىنىڭ باستاۋى بولعانىن ايتىپ, ۇلىقتاۋ ءراسىمىندە مەملەكەت باسشىسى بەلگىلەپ بەرگەن دامۋ باعىتتارى اسسامبلەيانىڭ دا نازارىندا بولۋى كەرەكتىگىن مالىمدەدى.
– مەملەكەت باسشىسى قاسىم-جومارت توقاەۆ ۇلىقتاۋ ءراسىمىندەگى سوزىندە جاھاندىق ماقساتتارىن عانا ەمەس, سونداي-اق ولارعا قول جەتكىزۋدىڭ نەگىزگى تاسىلدەرىن دە اتاپ كورسەتتى. بۇل ءبىر فورمۋلامەن تۇجىرىمدالدى: كۇشتى, وكىلەتتى پرەزيدەنت, ىقپالدى, ارەكەتكە قابىلەتتى پارلامەنت, حالىققا ەسەپ بەرەتىن ۇكىمەت. الايدا جۇرگىزىلىپ جاتقان ەكونوميكالىق وزگەرىستەرگە سايكەس بولۋى ءۇشىن ساياسي ترانسفورماتسيا پروتسەسى بەلگىلەنگەن. جانە دە بۇل پروتسەسس بيلىكتىڭ حالىق الدىنداعى جاۋاپكەرشىلىگىن ارتتىرۋ, ازاماتتىق قوعامدى دامىتۋ, بيلىك پەن قوعامنىڭ ديالوگى, سونداي-اق پىكىرلەر ءپليۋراليزمى ۆەكتورى بويىنشا قۇرىلادى. ال مەملەكەت باسشىسى اتاپ كورسەتكەن10 مىندەتتىڭ قاتارىندا كوپتەگەن ماڭىزدى ماسەلە بار, – دەدى ج.تۇيمەباەۆ.
كەلەلى كەڭەسكە قاتىسۋشىلار ۇلتتىق قوعامدىق سەنىم كەڭەسىندە ەل اراسىندا ءجيى تالقىلاناتىن قانداي ماسەلەلەر كۇن ءتارتىبىنە قويىلۋى كەرەكتىگى تۋرالى پىكىرلەرىن ورتاعا سالدى. قحا ءتوراعاسىنىڭ ورىنباسارى يۋ.كەليگوۆ بۇل جيىننىڭ سىرتىندا ايتىلماعان ءالى قانشاما ماسەلە بارىن, ەڭ بولماسا وسىندا ءسوز ەتىلگەن كريتەريلەر بويىنشا اسسامبلەيانىڭ جۇمىسىن جانداندىرۋ قاجەتتىگىن اتاپ كورسەتتى.
ال «جاڭعىرۋ جولى» جاستار قوزعالىسىنىڭ توراعاسى ماكسيم سپوتكاي ۇلتتىق قوعامدىق سەنىم كەڭەسى جاستار ماسەلەسىنە دە كوڭىل بولەتىنىنە سەنىم ءبىلدىردى.
– سايلاۋ ارقىلى قازاقستان حالقى, اسىرەسە جاستار قازىرگى تاڭدا بۇكىل الەم قۇرمەتتەيتىن تاۋەلسىز ەلىمىزدىڭ قۇرىلۋىنداعى تۇڭعىش پرەزيدەنتىمىزدىڭ اسا كورنەكتى ءرولىن مويىنداپ وتىر. بۇل سايلاۋدىڭ ناتيجەسىن ەلباسىنا كورسەتىلگەن زور قۇرمەتپەن, ونىڭ ساياساتىنا دەگەن سەنىم دەپ قابىلداۋعا تولىق نەگىز بار. قاسىم-جومارت توقاەۆ قوعامداعى ءتۇرلى پىكىرلەردى جانە مەملەكەتتەگى ءتۇيىندى ماسەلەلەردى زەردەلەۋ ءۇشىن ۇلتتىق قوعامدىق سەنىم كەڭەسىن قۇرۋدى ۇسىندى. بۇل ىشكى ساياسي احۋالدىڭ جاقسارۋىنا, قوعامنىڭ دەموكراتيالانۋىنا جانە ساباقتاستىقتى, ادىلەتتىلىك پەن ورلەۋدى ىسكە اسىرۋعا سەپتىگىن تيگىزەدى, – دەدى م.سپوتكاي.
جيىن سوڭىندا جينالعان قاۋىم پرەزيدەنت العا قويعان ماقساتتارىنا ساي جۇمىس ىستەگەندە عانا اسسامبلەيانىڭ ءىسى ودان ءارى شيراي تۇسەتىنىن ايتىپ, ويلارىن قورىتىندىلادى.
دينارا ومىرتاەۆا,
ەۇۋ-دىڭ جۋرناليستيكا فاكۋلتەتىنىڭ ستۋدەنتى
