قازاقستان • 14 ماۋسىم، 2019

دەموكراتيالىق كۇشتەردىڭ «قازاقستان-2050» جالپىۇلتتىق كواليتسياسىنىڭ ۇندەۋى

175 رەت كورسەتىلدى

قۇرمەتتى قازاقستاندىقتار!


ءبىزدىڭ ەلىمىز دامۋدىڭ جاڭا تاريحي كەزەڭىنە قادام باستى.

قازاقستاندىقتار 2019 جىلعى 9 ماۋسىمدا وتكەن كەزەكتەن تىس سايلاۋدا ءبىراۋىز­دان قاسىم-جومارت كەمەل ۇلى توقاەۆ­قا داۋىس بەرىپ، قازاقستان رەسپۋب­ليكا­سى­نىڭ جاڭا پرەزيدەنتى ەتىپ سايلادى.

بىزدەر، قازاقستاننىڭ ميلليونداعان ازامات­تارى­نىڭ مۇددەلەرىن ءبىلدى­رەتىن دەموكراتيا­لىق كۇشتەردىڭ «قازاقستان-2050» جالپىۇلتتىق كوالي­تسيا­سىنىڭ مۇشەلەرى، ەلىمىزدىڭ جەتەكشى ساياسي پارتيالارىنىڭ، قازاقستان حالقى اسسامبلەياسىنىڭ، ءىرى قوعامدىق بىرلەس­تىكتەردىڭ، ۇكىمەتتىك ەمەس ۇيىم­داردىڭ وكىلدەرى،

پرەزيدەنت سايلاۋىنىڭ اشىق جانە باسەكەلىك سيپاتىن جوعارى باعالاي وتىرىپ;

قازىرگى تاڭدا بۇكىل الەم مويىنداپ، قۇرمەتتەيتىن تاۋەلسىز قازاق­ستاننىڭ قۇرىلۋىنداعى تۇڭعىش پرەزي­دەنتىمىزدىڭ اسا كورنەكتى ءرولىن مويىنداي وتىرىپ;

قازاقستان حالقى الدىندا سىڭىرگەن ەرەن ەڭبەگى ءۇشىن ەلباسىنا زور قۇرمەت پەن العىس بىلدىرە وتىرىپ;

باستى قۇندىلىقتارى ادام جانە ونىڭ قۇقىق­تارى مەن بوستاندىقتارى بو­لىپ تابىلاتىن قازاقستاننىڭ ەگە­مەندى، دەموكراتيالىق، قۇقىقتىق جانە الەۋمەتتىك مەملەكەت رەتىندە دامۋى­نا باعىتتالعان ەلباسىنىڭ ستراتە­گيالىق باعىتىن جالعاستىرۋشى رەتىن­دە قازاقستاندىقتاردىڭ سايلانعان پرەزي­دەنت ق.ك.توقاەۆقا دەگەن جوعارى سەنىمىن سەزىنە وتىرىپ;

بولاشاق ۇرپاق الدىنداعى ءوز جاۋاپ­كەرشى­لىگىمىزدى سەزىنە وتىرىپ، تار­يحى­مىزدىڭ وسى ءبىر م­اڭىزدى كەزەڭىندە قازاق­ستان حالقىنا جانە ازامات­تىق قوعام ينس­تيتۋتتارىنا ۇندەۋىمىزدى جولدايمىز.

ءبىز بارلىق قازاقستاندىقتاردى ىنتىماققا، بىرلىككە جانە قازاقستاندىق دامۋ جولىنىڭ باس­تى قۇندىلىقتارى – قوعامدىق كەلىسىم مەن سايا­سي تۇراق­تىلىقتى، ەتنوسارالىق جانە كونفەس­سيا­ارالىق بەيبىتشىلىك پەن توزىمدىلىكتى ساقتاۋعا شاقىرامىز.

ءبىز بارلىق قوعامدىق-ساياسي كۇشتەردى سايلاۋدان كەيىنگى كەزەڭدە ەلىمىزدىڭ ستراتەگيالىق ماقساتتارى جولىندا بىرىگۋگە شاقىرامىز.

ءبىز قازاقستان پرەزيدەنتىنىڭ ەل دامۋىنىڭ وزەكتى ماسەلەلەرىنە قاتىستى بيلىك پەن ازاماتتىق قوعام اراسىندا تۇراقتى جانە كونسترۋكتيۆتى ديالوگ قۇرۋ باستاماسىن قولدايمىز.

ءبىز جالپىۇلتتىق ديالوگ جانە ءوزارا قارىم-قاتىناس ينستيتۋتى رەتىندە ۇلت­تىق قوعامدىق سەنىم كەڭەسىنىڭ جۇمىسىنا قاتىسۋعا دايىنبىز.

ءبىز قازاقستان پرەزيدەنتى ق.ك.توقاەۆ ايقىنداپ بەرگەن ەلىمىزدىڭ دامۋىنا قاتىستى باسىمدىقتار مەن جاڭا مىندەتتەرگە سوزىمىزبەن دە، ىسىمىزبەن دە قولداۋ كورسەتۋگە جانە ەلباسىنىڭ تاۋەلسىزدىكتى كۇشەيتۋگە، ەلدى جۇيەلى جاڭعىرتۋعا، ءاربىر قازاقستاندىقتىڭ ءال-اۋقاتىن ارتتىرۋعا باعىتتالعان ساياساتىن بىرلەسىپ جالعاستىرۋعا نيەتتىمىز.

ءبىز تەك بىرلىگىمىزبەن قويىلعان بارلىق ماقساتتارعا قول جەتكىزىپ، ورتاق وتانىمىز بەن ەلىمىزدىڭ بارشا ازاماتتارىنىڭ يگىلىگى مەن گۇلدەنۋىن قامتاماسىز ەتەمىز!

Nur Otan پارتياسى، «اق جول» دەموكراتيالىق پارتياسى، قازاقستان كوممۋنيستىك

حالىقتىق پارتياسى، «اۋىل» حالىقتىق-دەموكراتيالىق پاتريوتتىق پارتياسى،

«بىرلىك» ساياسي پارتياسى، «قازاقستان رەسپۋبليكاسىنىڭ كاسىپوداقتار

فەدەراتسياسى» رەسپۋبليكالىق كاسىپوداقتار بىرلەستىگى، «ارداگەرلەر ۇيىمى»

رەسپۋبليكالىق قوعامدىق بىرلەستىگى، قازاقستان رەسپۋبليكاسىنىڭ «اتامەكەن» ۇلتتىق كاسىپكەرلەر پالاتاسى، «قازاقستان كاسىپكەرلەرىنىڭ فورۋمى» زاڭدى تۇلعالار بىرلەستىگى، «G-Global-دىڭ حالىقارالىق حاتشىلىعى» قاۋىمداستىعى» زاڭدى تۇلعالار بىرلەستىگى، «جاسىل» ەكونوميكانى قولداۋ جانە G-Global-دى دامىتۋ كواليتسياسى» زاڭدى تۇلعالار بىرلەستىگى، «قازاقستان ۋكرايندارىنىڭ راداسى» زاڭدى تۇلعالار بىرلەستىگى، «قازاقستاننىڭ داعدارىس ورتالىقتارى وداعى» زاڭدى تۇلعالار بىرلەستىگى، «قازاقستان رەسپۋبليكاسىنىڭ ۇلتتىق عىلىم اكادەمياسى» رەسپۋبليكالىق قوعامدىق بىرلەستىگى، «قازاقستان رەسپۋبليكاسىنىڭ ۇلتتىق ينجەنەرلىك اكادەمياسى» رەسپۋبليكالىق قوعامدىق بىرلەستىگى، «جاڭارۋ» سىبايلاس جەمقورلىققا قارسى جالپىۇلتتىق قوزعالىسى» رەسپۋبليكالىق قوعامدىق بىرلەستىگى، «قازاقستاننىڭ ىسكەر ايەلدەرى قاۋىمداستىعى» رەسپۋبليكالىق قوعامدىق بىرلەستىگى، «قازاقستان مۇگەدەكتەرىنىڭ كونفەدەراتسياسى» رەسپۋبليكالىق قوعامدىق بىرلەستىگى، «قارۋلى كۇشتەر ارداگەرلەرى» رەسپۋبليكالىق قوعامدىق بىرلەستىگى، «رەسپۋبليكالىق ايەلدەر كەڭەسى» قوعامدىق بىرلەستىگى، «قازاقستاننىڭ كاسىپكەر ايەلدەرى وداعى» قوعامدىق بىرلەستىگى، «قازاقستان جازۋشىلار وداعى» قوعامدىق بىرلەستىگى، «Qazaqstan ardagerleri» قاۋىمداستىعى، «قازاقستان-2050» جالپىۇلتتىق قوزعالىسى، «جۇلدىز» بالالار قوعامدىق ۇيىمدارىنىڭ وداعى» قوعامدىق بىرلەستىگى، قازاقستان رەسپۋبليكاسى پرەزيدەنتىنىڭ «بولاشاق» حالىقارالىق ستيپەندياسى ستيپەندياتتارىنىڭ قاۋىمداستىعى.

 

2019 جىلعى 13 ماۋسىم،

نۇر-سۇلتان قالاسى

سوڭعى جاڭالىقتار

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

ۇقساس جاڭالىقتار