كوميتەت باسشىسىنىڭ ورىنباسارى اتاپ وتكەندەي, ءدارى-دارمەكتەردى QR-كودپەن تاڭبالاۋ تۋرالى شەشىم قاناتقاقتى جوبانىڭ قورىتىندىسى بويىنشا قابىلداناتىن بولادى.
ء−دارى-دارمەكتەردى تاڭبالاۋ بويىنشا ەۋرووداق اياسىندا بۇل تۋرالى كەلىسىمگە قول قويىلعان. ءبىز وسى سالاداعى قاۋىمداستىقتارمەن, «اتامەكەن» ۇكپ-مەن كەڭەسە وتىرىپ, دارىلىك زاتتاردى وسىلاي تاڭبالاۋدىڭ قاجەتتىلىگىن ماقۇلداپ وتىرمىز. قازىر قاناتقاقتى جوبانى ىسكە اسىرا باستادىق, – دەدى ن.اسىلبەكوۆ.
ايتا كەتەرلىگى, ءدارى-ءدارمەكتەردى QR-كودپەن تاڭبالاۋدى رەسەي 2020 جىلى ەنگىزۋدى جوسپارلاپ وتىر, وندا مۇنداي قاناتقاقتى جوبا ءۇش جىل بويى جۇرگىزىلگەن. ال قازاقستاندا ءازىرگە ونى ىسكە اسىرۋدا تۋىنداپ وتىرعان بىرقاتار ماسەلە بار.
− ونىڭ قاتارىنا ءدارى-ءدارمەكتەردىڭ قىمباتتاۋىن, وتاندىق ءدارى-دارمەك ءوندىرۋشىلەردىڭ تاڭبالايتىن جابدىقتاردى ساتىپ الۋ قاجەتتىگىن جاتقىزۋعا بولادى. ءبىز قازىر مۇنىڭ ءبارى بىردەن ىسكە اسادى دەپ ايتا المايمىز, – دەپ ناقتىلادى كوميتەت توراعاسىنىڭ ورىنباسارى.
دارىلىك زاتقا QR-كود ءتىركەۋدىڭ ءوزىندىك ارتىقشىلىقتارى بار. الدىمەن ءدارىنى ءوندىرۋشىدەن ديستريبيۋتورعا, ودان دارىحاناعا دەيىن جەتكىزىلۋىن قاداعالاپ وتىرۋعا ءمۇمكىندىك تۋادى.
−جالعان دارىلەر جاساۋ, كونترافاكتىلىك وقيعالار, ءدارى-دارمەكتەردى ەسەپكە الۋ – بۇل جۇمىستاردىڭ بارلىعىن وسى ارقىلى قامتيتىن بولامىز. قويماداعى كەپىلدىك كومەك ارقىلى بەرىلەتىن تەگىن ءدارىلەردىڭ قانشا كولەمى بار ەكەنىن, ونى ءبىر اۋماقتان ەكىنشى اۋماققا جىبەرىلۋىن دە دارىلەردى تاڭبالاۋدىڭ كومەگىمەن قاداعالايتىن بولامىز, − دەدى ن.اسىلبەكوۆ. ونىڭ ايتۋىنشا, دارىلەردى تاڭبالاۋ, ەڭ باستىسى, جالعان ءدارى جاساۋدى بولدىرمايدى جانە دارىلەردىڭ ساپاسى مەن تيىمدىلىگىن ارتتىرۋعا مۇمكىندىك بەرەدى.
ەلىمىزدەگى ءدارىحانالاردا ءدارى-دارمەكتەردىڭ رەتسەپتىسىز ساتىلۋىنا قاتىستى دەنساۋلىق ساقتاۋ مينيسترلىگىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى 2017 جىلى 50 دەرەك تىركەسە, 2018 جىلى مۇنداي دەرەكتەر ەكى ەسەگە دەيىن ارتىپ, 90-عا جەتكەن. ولارعا 20 ملن تەڭگەگە جۋىق كولەمدە ايىپپۇل سالىندى. ن.اسىلبەكوۆ بۇل رەتتە دارىلەردى ورىنسىز قولدانۋدىڭ زيانىن دا اتاپ ايتتى. قازىر انتيبيوتيكتەرگە قارسى توزىمدىلىك پايدا بولعاندىقتان, ەم قونباي, سىرقاتىنان ايىعا الماعان ناۋقاستار بار. تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ ءتورايىمى ليۋدميلا بيۋرابەكوۆا رەسپۋبليكا ءدارىحانالارىندا دارىلەردى رەتسەپتىسىز ساتۋ دەنساۋلىق ساقتاۋ مينيسترلىگىنىڭ جاڭا تالابى ەمەس ەكەنىن, اتالعان تىيىم سالۋدىڭ 15 جىلدان استام ۋاقىت قولدانىلىپ كەلە جاتقانىن جەتكىزدى.
− بۇگىندە ەلىمىزدە 7748 ءدارى اتاۋى تىركەلگەن, ونىڭ ىشىندە 6 114 ءدارى دارىگەردىڭ رەتسەپتىسى بويىنشا بەرىلەدى, 1634-ءى رەتسەپتىسىز ساتىلادى, – دەدى كوميتەت ءتورايىمى. وسى رەتتە دەنساۋلىق ساقتاۋ مەكەمەلەرىنە رەتسەپت جازۋدىڭ جەڭىل فورماسىن قاراستىرۋ ماسەلەلەرى تۋىنداپ وتىر. رەتسەپتىلەردى جازۋ جانە ءدارىحانادا پرەپاراتتى الۋ ءراسىمدەرىن جەڭىلدەتۋ ءۇشىن 2020 جىلدان باستاپ مينيسترلىكتىڭ اقپاراتتىق جۇيەلەرىن تولىق ەلەكتروندى فورماتقا كوشىرۋ جوسپارلانۋدا. «قاعازسىز اۋرۋحاناعا» كوشۋ شەڭبەرىندە جەكەلەگەن وڭىرلەر (قاراعاندى, اتىراۋ, شىعىس قازاقستان) رەتسەپتىلەردى جازىپ بەرۋ بويىنشا ەلەكتروندى فورماتقا كوشتى. دسم اقپاراتىنا ءسايكەس, رەتسەپتى جازىپ بەرۋگە وكىلەتتىگى بار, كەز كەلگەن پراكتيكا ءدارىگەرلەرى, ونىڭ ىشىندە ستاتسيونارلاردىڭ دارىگەرلەرى مەن كەزەك كۇتتىرمەيتىن جەدەل جاردەم ءدارىگەرلەرى رەتسەپتى جازىپ بەرە الادى.
− رەتسەپتى بىردەن ءۇش ايلىق ەمدەلۋ كۋرسىنا جازىلىپ بەرىلەدى جانە 3 اي ىشىندە جارامدى بولادى, − دەپ ءتۇسىندىردى ل.بيۋرابەكوۆا.
