سيمپوزيۋمنىڭ ماقساتى - تالانتتى جاستارعا قولداۋ كورسەتۋ, بەينەلەۋ ونەرى سالاسىنداعى ەڭبەك سىڭىرگەن قايراتكەرلەر مەن تالانتتى جاس قىلقالام شەبەرلەرىنىڭ باسىن قوسىپ, كوركەمسۋرەت سالاسى بويىنشا پىكىرلەسۋ, ءوزارا تاجىريبە الماسۋدى جۇزەگە اسىرۋ بولىپ تابىلادى.
سيمپوزيۋم بارىسىندا وبلىس ورتالىعىنداعى كوركەمسۋرەت گالەرەياسىنا قازاقستاننىڭ ەڭبەك سىڭىرگەن ونەر قايراتكەرى ساليحيتدين ايتباەۆتىڭ ەسىمى بەرىلگەن.
حالىقارالىق سيمپوزيۋمعا وزبەكستان, قىرعىزستان, رەسەي ەلدەرىمەن قاتار, رەسپۋبليكاعا تانىمال قىلقالام شەبەرلەرى مەن جەرگىلىكتى بەلگىلى سۋرەتشىلەر مەن جاستار قاتىستى.
سيمپوزيۋم جۇمىسى قورقىت اتانىڭ جاي تاپقان جەرى – قارماقشى توپىراعىنان باستالىپ, قامباش كولىندە جالعاسىن تاۋىپ, قىزىلوردا قالاسىندا قورىتىندىلانادى دەپ جوسپارلانىپ وتىر.
سيمپوزيۋم قورىتىندىسى بويىنشا 25 ماۋسىمدا كوركەمسۋرەت گالەرەياسىندا كورمە ۇيىمداستىرىلادى.
