ءوڭىردىڭ جاڭا باسشىسىن وبلىس اكتيۆىنىڭ الدىندا قر پرەزيدەنتى اكىمشىلىگىنىڭ باسشىسى باقىتجان ساعىنتاەۆ تانىستىردى.
عالي ەسقاليەۆ – 1970 جىلى تۋعان, ءبىلىمى جوعارى. باتىس قازاقستان اگرارلىق ۋنيۆەرسيتەتىن «ەكونوميكا», حالىقارالىق بيزنەس اكادەمياسىن «مەنەدجمەنت» ماماندىقتارى بويىنشا بىتىرگەن.
ءار جىلدارى «بانكتۇرانالەم» اق ورال قالاسىنداعى فيليالىندا مامان, ءبولىم باسشىسى, «تەمىربانك» اق فيليالىنىڭ ديرەكتورى, بقو كاسىپكەرلىكتى قولداۋ جانە دامۋ دەپارتامەنتىنىڭ ديرەكتورى, «قازاقستان دامۋ بانكى» اق اتقارۋشى ديرەكتورى, ۆيتسە-پرەزيدەنتى, باسقارما توراعاسى, جامبىل جانە اقتوبە وبلىستارى اكىمىنىڭ ورىنباسارى, استانا قالاسى اكىمدىگى قالالىق ورتانى رەگەنەراتسيالاۋ باسقارماسىنىڭ باسشىسى قىزمەتىن اتقارعان. 2019 جىلدىڭ 18 قاڭتارىنان بەرى باتىس قازاقستان وبلىسى اكىمىنىڭ ءبىرىنشى ورىنباسارى بولىپ قىزمەت ەتتى.
ايتا كەتەيىك, بۇگىنگە دەيىن باتىس قازاقستان وبلىسىنىڭ اكىم بولىپ كەلگەن التاي كولگىنوۆ قازاقستان رەسپۋبليكاسى پرەزيدەنتى قاسىم-جومارت توقاەۆتىڭ جارلىعىمەن نۇر-سۇلتان قالاسىنىڭ اكىمى بولىپ تاعايىندالعان بولاتىن.
تاعى ءبىر ايتا كەتەرلىك ءجايت, عالي ەسقاليەۆتىڭ اكەسى ەسقاليەۆ ناجىمەدەن ىقسان ۇلى 1986 جىلدان 1993 جىلعا دەيىن ورال (قازىرگى باتىس قازاقستان) وبلىسىن باسقارعان بولاتىن.
باتىس قازاقستان وبلىسى
