«ءۇشىنشى باعىت - سوت جۇيەسىنە وزگەرىس ەنگىزۋ. حالىق سوت جۇيەسىنە سەنۋ كەرەك», دەدى ق.توقاەۆ.
ەسكە سالا كەتەيىك, ۇلىقتاۋ ءراسىمىن كونستيتۋتسيالىق كەڭەس توراعاسى قايرات ءمامي باستادى. ول قاسىم-جومارت توقاەۆتىڭ پرەزيدەنت قىزمەتىنە كونستيتۋتسيانىڭ 42-بابىنا سايكەس قازاقستان حالقىنا انت بەرگەننەن كەيىن كىرىسەتىنىن حابارلادى.
بۇدان سوڭ, قازاقستان رەسپۋبليكاسىنىڭ زاڭىنا سايكەس, قاسىم-جومارت توقاەۆ كونستيتۋتسياعا قولىن قويىپ, انت بەردى. انت بەرۋ سالتاناتتى جاعدايدا پارلامەنت دەپۋتاتتارىنىڭ, كونستيتۋتسيالىق كەڭەس مۇشەلەرىنىڭ, جوعارعى سوت سۋديالارىنىڭ, سونداي-اق باسقا دا مەملەكەتتىك ورگاندار وكىلدەرىنىڭ قاتىسۋىمەن وتكىزىلدى.
انت بەرىلگەننەن كەيىن قازاقستان رەسپۋبليكاسىنىڭ مەملەكەتتىك گيمنى ورىندالدى.
ورتالىق سايلاۋ كوميسسياسىنىڭ توراعاسى بەرىك يماشەۆ پرەزيدەنت كۋالىگىن تابىستادى. قاسىم-جومارت توقاەۆ قازاقستان رەسپۋبليكاسىنىڭ پرەزيدەنتى قىزمەتىنە كىرىستى.
