ەلىمىزدە بۇل جۇمىسپەن قازاق بالىق شارۋاشىلىعى عىلىمي-زەرتتەۋ ينستيتۋتى اينالىسادى. باعالى بالىقتاردىڭ ميگراتسيالىق جولدارىن زەرتتەۋدى, تابيعي جانە جاساندى پوپۋلياتسيا دەڭگەيىن انىقتاۋدى ماقسات ەتكەن ءىس-شارا بيىل دا جالعاسىن تاپتى.
– ءار ۇستالعان تۇقىم بەرۋشى بالىققا جانە جاس بالىققا ماماندار گەنەتيكالىق تولقۇجات جاسايدى. ارنايى تاڭبا ءنومىرى بويىنشا بالىقتىڭ قايدان كەلگەنى, «اتا-اناسى», قاي زاۋىتتان شىققانى نەمەسە تابيعي جولمەن پايدا بولعانى, جاسى, سالماعى, جىنىسى تۋرالى اقپاراتتاردى بىلۋگە مۇمكىندىك بار. سول ارقىلى ءار ەلدىڭ, زاۋىتتىڭ بەكىرە تۇقىمداس بالىقتاردى قالپىنا كەلتىرۋ ۇدەرىسىنە قوسقان ۇلەسى دە بەلگىلى بولادى, – دەيدى اتالعان سەرىكتەستىكتىڭ اتىراۋداعى فيليالىنىڭ باسشىسى ەربولات قاديموۆ. – شاباقتاردىڭ ومىرشەڭدىگى تۋرالى ناقتى اقپاراتتىڭ بولماۋى بەكىرە زاۋىتتارى بار كاسپي ماڭى مەملەكەتتەرى ءۇشىن ورتاق پروبلەما.
اتىراۋداعى ەكى بەكىرە ءوسىرۋ زاۋىتى 20 جىلدا بەكىرە, شوقىر, قورتپا سەكىلدى باعالى بالىقتاردىڭ ءجۇز ميلليوننان استام شاباعىن تەڭىزگە جىبەردى.
اتىراۋ
