سىرتقى ساياسي ۆەدومستۆوسىنىڭ باسشىسى وتكەن سايلاۋ قازاقستان حالقىنىڭ حالىقارالىق ارىپتەستەر ءۇشىن اشىق پروگرەسسيۆتى, دەموكراتيالىق ەلدە ءومىر ءسۇرۋ جانە ەڭبەك ەتۋ ەركىنىنىڭ ايقىن كورىنىسى بولىپ تابىلاتىنىن اتاپ ءوتتى.
برازيليا پرەزيدەنتىنىڭ سەناتتاعى وكىلى بولىپ تابىلاتىن ف. دە اسسيس رودريگەس پرەزيدەنتتىك سايلاۋدى جوعارى ۇيىمداستىرۋشىلىق دەڭگەيدە وتكىزۋمەن قۇتتىقتاپ, ۋچاسكەلەردەگى داۋىس بەرۋ كەزەڭىندە پروتسەستىڭ ترانسپارەنتتىلىگىن اتاپ ءوتتى. ج. ۆاگنەر قازاقستاننىڭ ورتالىق سايلاۋ كوميسسياسى جۇرگىزگەن جۇمىسىنا جوعارى باعا بەردى. ونىڭ پىكىرىنشە, وتكەن سايلاۋ ناتيجەلەرى قازاقستاننىڭ دەموكراتيالىق دامۋ باعىتىنا بەرىك ۇستانامىن كورسەتەدى.
كەزدەسۋ بارىسىندا تاراپتار قازاقستان-برازيليا ەكىجاقتى قارىم-قاتىناستارىنىڭ وزەكتى ماسەلەلەرىن تالقىلاپ, ولاردىڭ پارلامەنتارالىق قۇرامداستارىنا ەرەكشە نازار اۋداردى.
برازيليا سەناتىنداعى قازاقستانمەن ىنتىماقتاستىق جونىندەگى پارلامەنتتىك توپتىڭ جەتەكشىسى ف. دە اسسيس رودريگەس قازاقستانمەن بىرلەسە ەكىجاقتى قارىم-قاتىناستاردى نىعايتۋعا, تاجىريبە الماسۋعا جانە ماڭىزدى حالىقارالىق باستامالاردى ىلگەرىلەتۋگە دايىن ەكەنىن ايتتى.
ءسىم باسشىسى پارلامەنتارالىق ديپلوماتياداعى قارىم-قاتىناستاردى دامىتۋ تۇرعىسىندا ماڭىزدىلىقتى اتاپ ءوتىپ, برازيليا لاتىن امەريكاسىنداعى قازاقستاننىڭ باستى ساۋدا سەرىكتەسى ەكەنىن ەسكەرە وتىرىپ, برازيليالىق پارلامەنتشىلەردى ساۋدا-ەكونوميكالىق بايلانىستاردى كەڭەيتۋگە بەلسەندى تۇردە جاردەمدەسۋگە شاقىردى. «قازاتومونەركاسىپ «ۇاك» اق جانە «Embraer» سياقتى ءىرى كومپانيالاردىڭ ەكى ەل نارىقتارىنداعى تابىستى قىزمەتىن اتاپ وتە وتىرىپ, مينيستر «وتكەن جىلى قازاقستاننىڭ برازيليامەن ەكىجاقتى تاۋار اينالىمى 150 ميلليون اقش دوللارىنان اسقانىن جانە بۇل كورسەتكىشتىڭ ءوسۋى ماڭىزدى پەرسپەكتيۆاعا يە», - دەپ اتاپ ءوتتى.
