س.گروموۆ سايلاۋدى بايقاۋ بارىسىندا شەت مەملەكەتتەردىڭ, حالىقارالىق ۇيىمدار مەن بۇقارالىق اقپارات قۇرالدارى وكىلدەرىنىڭ ءرولى وتە جوعارى ەكەنىن اتاپ ءوتتى. «بۇل ساياسي وقيعانىڭ بارىنشا كوپ شەتەلدىك بايقاۋشىنىڭ قاتىسۋىمەن وتكەنى ءبىز ءۇشىن ماڭىزدى بولدى», - دەدى توراعا ورىنباسارى.
پ.كابارە تاۋەلسىز قازاقستاننىڭ قالىپتاسۋى, قازاقستان مەن فرانتسيا اراسىنداعى دوستىق قاتىناستاردى دامىتۋعا ەلباسى ن.نازارباەۆتىڭ قوسقان ۇلەسىن جوعارى باعالادى. «سايلاۋ ۋچاسكەلەرىندە بولعان كەزدە ءبىز سايلاۋ اشىق ءارى تىنىش جاعدايدا وتكەنىنە كۋا بولدىق», - دەدى حالىقارالىق بايقاۋشى. ول قازاقستاندا سىرتقى ساياسي باعىتتىڭ ساباقتاستىعى ساقتالىپ, قازاقستاننىڭ تۇڭعىش پرەزيدەنتى باستاعان بارلىق رەفورمالار جالعاساتىنىنا سەنىم ءبىلدىردى.
تاراپتار ەكى ەلدىڭ پارلامەنتارالىق ءوزارا ءىس-قيمىلىنىڭ, ساۋدا-ەكونوميكالىق جانە مادەني-گۋمانيتارلىق ارىپتەستىگىنىڭ وزەكتى ماسەلەلەرىن تالقىلادى. پ.كابارە قازىرگى كەزدە قازاقستاندىق ۇشقىشتاردى تۋلۋزانىڭ ازاماتتىق اۆياتسيا ۋنيۆەرسيتەتىندە وقىتۋ ماسەلەسى شەشىلىپ جاتقانىن حابارلادى.
