بۇگىنگى كۇنى زاروسلىي تۇرعىن ءۇي كەشەنىندە 120-عا جۋىق عيمارات بار, جەر ۋچاسكەلەرى جەكە تۇرعىن ءۇي قۇرىلىسىن سالۋ ءۇشىن بەرىلگەن. كوپتەگەن جەرگiلiكتi تۇرعىندار تۇرعىن ۇيلەرىن سالىپ ۇلگەردى, بىراق ءالى قونىس اۋدارعان جوق.
- 2014 جىلى ەلدى مەكەندە ەلەكتر جەلىلەرى ورناتىلدى, الايدا بەلگىسىز تۇلعالار بارلىق ەلەكتر سىمدارىن, قۋات كابەلدەرىن جانە ترانسفورماتورلىق جابدىقتى ۇرلادى. قازىرگى ۋاقىتتا جاۋاپتى ورگاندار زاڭ بۇزعان ۇرىلاردى ىزدەستىرۋدە, - دەدى اتىراۋ اۋىلدىق وكرۋگىنىڭ اكىمى ادىلتۇراقباي قۇماروۆ.
اتىراۋ وبلىسى اكىمىنىڭ تاپسىرماسىمەن اليمۇxاممەد قۇتتۇمۇرات ۇلى زاروسلىي ەلدى مەكەنىندە جاعدايدى باقىلاپ, تۇرعىندارمەن كەزدەسىپ, جيىن وتكىزدى. تۇرعىنداردىڭ ايتۋىنشا, ەلدى مەكەندە جارىقتىڭ جوقتىعىنان كوپتەگەن ۇيلەر ۇرىلار مەن بۇزاقىلاردىڭ مەكەنىنە اينالعان.
اتىراۋ قالاسىنىڭ اكىمى جينالعاندارعا اۋماقتا جاقىن ارادا ەلەكتر جارىعى ماسەلەسى شەشىلەتىنىن ايتتى.
- قالالىق ءماسليحاتتىڭ ماۋسىم سەسسياسىندا ەلەكتر جەلىلەرىن جانە ترانسفورماتورلىق قوسالقى ستانتسيالاردى قالپىنا كەلتىرۋگە ارنالعان جوبالىق-سمەتالىق قۇجاتتامانى ازىرلەۋدى قارجىلاندىرۋ تۋرالى ۇسىنىس ەنگىزەمىز. ءدال وسى ۋاقىتقا دەيىن دەمەۋشىلىك ەسەبىنەن 250 ۆت ترانسفورماتورلىق قوسالقى ستانتسيا ورناتىلدى, ال تۇرعىندار تۇراقتى تۇردە تۇرۋ ءۇشىن تۇرعىن ۇيلەرگە سىمدار تارتىلادى,- دەدى قالا باسشىسى.
قالا اكىمىنىڭ ءباسپاسوز قىزمەتى حابارلاعانداي, جاقىن ارادا ەلەكتر قۋاتىنا جانە گازداندىرۋعا, سۋمەن قامتاماسىز ەتۋگە بايلانىستى ماسەلەلەر شەشىلەتىن بولادى. ول ءۇشىن «قازترانسگاز ايماق» اق-نىڭ اتىراۋداعى فيليالى مەن «اتىراۋ سۋ ارناسى» جشس-ءنىڭ كومەگىمەن كەيبىر ولقىلىقتاردى جويۋ قاجەت.
- زاروسلىي تۇرعىندارىنىڭ پروبلەمالارى قىسقا مەرزىمدە شەشىلۋى ءتيىس: ەلەكتر جانە گازبەن, سونداي-اق, وسى ايدا ۇيلەردى جوسپار بويىنشا سۋمەن قامتاماسىز ەتۋ كەرەك. ءبىز بىرنەشە جىلدار بويى قيىندىق تۋعىزعان پروبلەمانى شەشىپ, ادامدارعا قولايلى ءومىر ءسۇرۋى ءۇشىن بارلىق جاعدايلاردى جاساۋعا مىندەتتىمىز », - دەيدى اليمۇxاممەد قۇتتۇمۇرات ۇلى.
