- بۇگىن ەلىمىز ءۇشىن ەرەكشە ءمانى بار كۇن. تۇرعىندار ەرتەمەن سايلاۋ ۋچاسكەلەرىنە كەلىپ, تاڭداۋلارىن جاساپ جاتقاندارىنا قۋانىشتىمىن. بارلىق سايلاۋشىلارعا ورتاق ءبىر قۇندىلىق بار, ءبىز تىنىشتىق پەن كەلىسىم سالتانات قۇرعان, ءوز-ءوزىن جەتىلدىرۋگە بارلىق جاعداي جاسالعان بەيبىت ەلدە ءومىر سۇرگىمىز كەلەدى. ءبىز بۇگىن ەلىمىزدىڭ بولاشاعىن بىرگە تاڭدايمىز,-دەدى سايلاۋشىلارعا نۇرلان نوعاەۆ.
ايتا كەتەيىك, اتىراۋ وبلىسى اكىمىمەن بىرگە سايلاۋعا ءوڭىردىڭ ەڭ ەگدە جاستاعى تۇرعىنى بالزيبا ءماجيتوۆا كەلدى. 101 جاستاعى قاريا سايلاۋ ۋچاسكەسىنە تۋىستارىمەن كەلگەن.
- جاسىما قاراماستان سايلاۋ ۋچاسكەسىنە ءوزىم كەلدىم. قازاقستاندا ۇزاق ءومىر سۇرەتىن ادامدار جىل ساناپ كوبەيە بەرسىن, ەلىمىز دامىپ, وركەندەي بەرسىن دەگەن تىلەكتەمىن,-دەدى بالزيبا اجە.
وڭىرلىك كوممۋنيكاتسيالار قىزمەتىنىڭ حابارلاۋىنشا, اتىراۋ وبلىسىندا داۋىس بەرەتىندەر تىزىمىندە 409 679 سايلاۋشى بار.
سايلاۋ كوميسسيالارىنىڭ جالپى سانى- 271, ونىڭ 262-ءسى ۋچاسكەلىك, 9 اۋماقتىق (وبلىستىق, قالالىق جانە 7 اۋداندىق).
داۋىس بەرۋ 262 سايلاۋ ۋچاسكەسىندە ءجۇرىپ جاتىر. 12 سايلاۋ ۋچاسكەسىنە كىرۋ شەكتەلگەن, ونىڭ 9-ى ەمدەۋ مەكەمەلەرىندە, 2-ەۋى اسكەري بولىمشەلەردە, 1-ەۋى تەرگەۋ يزولياتورىندا.
