ايماقتار • 08 ماۋسىم، 2019

وندىرىستىك-ونەركاسىپتىك كورسەتكىشتەر تومەندەگەن

501 رەت كورسەتىلدى

وبلىس اكىمدىگىندە وتكەن اپپاراتتىق جيىندا جارتىجىلدىقتاعى ءوڭىردىڭ الەۋمەتتىك-ەكونوميكالىق جاعدايى قارالدى.

اي سايىن جۇرگىزىلەتىن مونيتورينگ بارىسىندا اگروونەركاسىپتىك كەشەندە كورسەتكىشتەرى الدا كەلەدى. ءار اۋدان-قالادا 1-8 پايىز شاماسىندا ءوسىم بولجانۋدا.

ال، وڭىردە قۇرىلىس، ساۋدا، ونەركاسىپ سالالارىنىڭ دامۋ كورسەتكىشتەرى ء بىرشاما  تومەندەگەن. ونەركاسىپتەگى كورسەتكىشتىڭ تومەندەۋىنە رەسەيگە ەكىباستۇزدىق گرەس-2 ستانساسىنان ەلەكتر ەنەرگياسى ەكسپورتىنىڭ توقتاۋى سەبەپ بولعان.

وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسىنىڭ مالىمەتىنشە، ستانسانىڭ قوجايىندارى  «سامۇرىق-ەنەرگو»- اق پەن  كەلىسسوزدەر جۇرگىزىلىپ، ەكسپورت ماسەلەسىن قايتا جانداندىرۋ   تالقىلانۋدا. سونىمەن بىرگە، «مۇناي-حيميا زاۋىتىن» جشس-دا جوسپارلى جوندەۋگە بايلانىستى ءوندىرىس توقتاپ، مۇناي ونىمدەرىن وڭدەۋ 10-15 پايىزعا تومەندەگەن.

وبلىس  ورتالىعىنداعى «كاستينگ» جانە «KSP Steel» كاسىپورىندارىندا شيكىزاتتىڭ جەتىسپەۋشىلىگىنەن بولات ءوندىرىسى ازايادى دەپ بولجانۋدا.

ال، جەرگىلىكتى جەردەگى مەتالل سىنىقتارى رەسەيگە تەمىرجول كولىگىمەن تاسىمالدانۋدا. مىسالى، «قازاقستان ءاليۋمينيى» اق-ندا گلينوزەم ءوندىرىسىنىڭ كەمۋى تىركەلگەن. ماشينا جاساۋ سالاسى دا ارتتا قالدى. ەكىباستۇزدىق «قازاقستاننىڭ ۆاگون جاساۋ زاۋىتى» جشس توقتاپ تۇرسا، «پرومماشكومپلەكت» كاسىپورنىندا دا ءوندىرىستىڭ كىدرۋى بايقالعان. ەندى  نە ىستەۋ كەرەك؟ وبلىس اكىمدىگى كورسەتكىشتەردىڭ ساپاسىن جاقسارتۋ ءۇشىن شاعىن جانە ورتا بيزنەستى، قاراپايىم زاتتار ەكونوميكاسىن العا باستىرۋ جۇكتەدى. اۋداندارعا قاراپايىم زاتتار ەكونوميكاسىنا ۇلەس قوساتىن 20 جوبا ىسكە قوسۋ مىندەتتەلدى.

جىل سوڭىنا دەيىن 4،5 ملرد. تەڭگە شاماسىندا قوسىمشا كىرىس ءتۇسۋى كەرەك. 

سوڭعى جاڭالىقتار

ۇقساس جاڭالىقتار