كەنشىلەر استاناسىنداعى وبلىستىق تاريحي-ءولكەتانۋ مۇراجايىندا ءوتكەن «مۇراجايداعى ويىنشىقتار الەمى» اتتى كورمەنىڭ اشىلۋى بارىسىندا شارانى ۇيىمداستىرۋشىلار وسىنداي پىكىرلەردى العا تارتتى.
مۇراجايدىڭ عىلىمي قىزمەتكەرى دينارا ساقىمباي ويىنشىقتاردى تاڭداۋدىڭ زور جاۋاپكەرشىلىكتى تالاپ ەتەتىنىن ايتادى. ونىمەن بالانى قىزىقتىرىپ, الدارقاتىپ قانا قويۋ ازدىق ەتەدى ەكەن. مىسالى, ويىنشىقتار بالالاردىڭ الەم تۋرالى ءتۇسىنىگىن بۇرمالاماي, كەرىسىنشە ونى دامىتىپ, جان ءدۇنيەسىن بايىتۋى ءتيىس.
– ەڭ كونە ويىنشىقتاردىڭ ءبىرى – قۋىرشاق. كورمەگە كەڭەس داۋىرىندەگى جانە 90-جىلداردىڭ باسىنداعى ويىنشىقتار قويىلدى, – دەيدى عىلىمي قىزمەتكەر.
كورمەدە مۇراجاي قىزمەتكەرلەرى ءار جىلدارى جيناعان 115 ويىنشىق كەلۋشىلەر نازارىنا ۇسىنىلدى. ولاردىڭ ىشىندەگى ەڭ كونەسى – ەمەن اعاشىنىڭ جوڭقاسىمەن تولتىرىلعان 1964 جىلعى ءپ ۇلىش ايۋ بولىپ شىقتى.
ويىنشىقتاردىڭ باسىم بولىگىن بەلگىلى ءبىر وقيعالارعا وراي جاسالعاندارى قۇرايدى. مىسالى, 1980 جىلى ماسكەۋدە وتكەن وليمپيادا دوداسى جانە باسقا دا ايتۋلى داتالار تاقىرىبىنا ارنالعان ويىنشىقتار كوزگە بىردەن ءتۇسىپ, نازاردى ەرىكسىز اۋدارادى.
سونىمەن قاتار كورمەدە وتكەن عاسىردىڭ 80- جىلدارى وبلىستاعى وساكاروۆكا جيھاز فابريكاسىندا اعاشتان جاسالعان ويىنشىقتار – «چايكا» ءتىگىن ماشينالارىنىڭ مودەلدەرى, جۇك كولىكتەرى, بالدىرعانداردىڭ جيھازدارى كەلۋشىلەرگە كادىمگىدەي وي سالىپ, كەشەگى تاريحقا بالانىڭ كوزىمەن ءۇڭىلۋگە جەتەلەيدى. قيالدىڭ قاناتىنا ءمىندىرىپ, بالالىق بالداۋرەن شاقتىڭ سيقىرلى الەمىنە ساياحاتتاپ قايتۋعا شاقىرادى.
قاراعاندى
